هلا فيك اخوي
كلامك ع العين والراس
بس فيه نقطه بسيطه وهي ان الموضوع لا يحتمل المجازفه بمبلغ كبير فلماذا يضع الشخص نفسه في هذا الموقف احتمال خمسين بالميه تطلع السياره تمام والاحتمال الاخر تطلع السياره معطوبه مع هذه الوكاله التعيسه وبالاخير اللي يتورط فيها المسكين اللي اشتراها.
فهل اذا وقع بسياره معطوبه لاسمح الله هل سوف تقم انت بتعويضة ؟؟ أو اللذين نصحوه بأقتنائها بتعويضة؟؟؟ او على الاقل بحل مشكلته ,
كثر الكلام عن هذه السياره في هذا المنتدى بعد مشكلتي اللتي حدثت معي وكثروا الاشخاص المسوقين لهذه السياره بكتابة المواضيع وخاصتاً مواضيع الاستفسار عن هذه السياره بغرض تسويقها بطريقه مختلفه عن الطريقه المعروفه.
بالنسبه للسياره التي للاسف اقتنيتها هي الفل اوبشن 3.6L حقن مباشر مع شاشه وجميع المواصفات التي من المفترض ان تكون في سياراه فاخره غير موجوده.
وبالنسبه للهاردسك فهو موجود في التشارجر 2009 يعني ليس حصرياً على الكاديلاك ومدخل الايبود موجود في اغلب السيارات الحديثه من 2007 تقريباً.
الان القرار يعود لصاحب الموضوع فلوسة عنده وامامه وكالات السيارات يروح يحط فلوسه عند اللي يرتاح له ويطمئن له المبلغ كبير ولا يحتمل المغامره كما ذكرت .
تحياتي لكم واسف ع الاطاله
نعم أتفق معاك الموضوع لا يحتمل مجازفة كبيرة، بس لا أتفق معاك بنسبة الاحتمال والي هي 50% الى 50%؟ ليش انت غير منطقي؟ معذرة؟ لو نتيجتك صحيحة كان المفروض نصف سيارات الكادلاك فيها عيوب مصنعية وكان شركة الكادلاك سكرت من زمان. يأخي خليك شوي منطقي.
وبالنسبة اذا طاح في سيارة معطوبة! عاد هذا اكيد بيكون حظه زيك ممتاز، والله انا ما نصحته بال CTS انا قلت وارجع شوف الكلام زين، بالنسبة لي انا، انا اختار الكادلاك وما قلت له روح خذها! بالعكس نصحته في البداية قبل لا يسمع كلام الناس يجرب السيارة، بعدين يسأل الناس الي شرو السيارة ويستخدموها زيك مثلاً والمفروض انه ياخذ تجربتك بعين الاعتبار بعدين القرار يعود له.
ثانياً لو نصحته بشي ثاني ترى برضو اذا هو مقرود يمكن تطلع سيارته من اي ماركه كانت سواء لكزس والا مرسيدس والا بي ام دبليو والا أودي أو اي ماركة فخمه وله اسمها في السوق فيها عيوب مصنعيه ويمكن يصير له مثل الي صارك لك. الدنيا مفتوحه على كل الاحتمالات! يأخي انت ما تضمن عمرك! كيف تضمن أي سيارة من أي ماركة!
وعذراّ انا ما كنت اسوق للسيارة ولا شي انا اعطيت رأيي بكل حيادية وموضوعية. واذا انت شخص تعتبر الرأي تسويق، اتوقع ان الناس الثانية ما تشاركك في نفس التفكير.
بعدين من قال أن الهاردسك حصري على الكادلاك؟ يأخي معليش ركز شوي على كلامي، انا قلت لك أن الكاديلاك هو أول سيارة وضعت الهاردسك في داخل السيارة؟ كذا كلامي واضح والا لأ؟ بعدين بعض الشركات مثل الكرايسلر والدوج عجبتها الفكرة وبدأت تقلد، زي ما تسوي اللكزس مثلاً، تقلد بس باحتراف. وبالنسبة لمدخل الآيبود، نعم كثير من السيارات لديها مدخل آيبود لكن لا يمكنك من التحكم بالآيبود عن طريق نظام السيارة مثل ما هو موجود في CTS.
للكادلاك اختراعات كثيرة على سبيل المثال لا الحصر، هو أول سيارة اخترعت الباور ستيرنق وللمعلوميلة الكادلاك موجودة من سنة 1902 ميلادي. وهي مثل باقي الشركات تمر في مراحل، ونعم كانت فترة من الفترات سيئة والآن بدأت ترجع وبقوة.
أخي العزيز CTS-2009، انا في البداية قلت لك رأيك وتجربتك على العين والراس، بس لو سمحت لا تعمم المشاكل الي صارت لك في السيارة على باقي سيارات ال CTS لأن واضح من خلال تجربتك وكلامك أن السيارة الي شريتها انت بس بالذات فيها عيوب مصنعية ويفترض الوكيل الزفت يحل لك مشكلتك ولكن لأنه زفت راح يتعبك وانشاء الله تاخذ حقك.
أتمنى من لديه CTS موديل 2009 وفل أوبشنز يزودنا برأيه عن السيارة لأن بالتأكيد رأي واحد لا يكفي.
تحياتي الخاصة لك، واتمنى تكون شوي منطقي وحيادي في المرات القادمه.
