/
السلام عليكم ورحمة الله وبركاته .
احبتي انا شريت للأهل سيارة هوندا أوديسي موديل 2005 فل كامل ( تورينج ) وجات معاه كفرات ميتشلان إمريكية طبعاً كل الـ 4 منتهية صلاحيتها ويبغالها تغيير , توجهت الى أكثر من 50 محل في الدمام محد عرف يفك الكفر من الجنط وآخر محل وهي وكالة ميتشلان , قالي هذا الكفر ماهو موجود هنا والجنط هذا مايجي للمملكة ومايركب على اي كفر ميتشلان لهذه السيارة او اي نوع كفرات ثاني !
قالي اذا تبي تبحث مع انه قالي ماراح تلاقي بس قلت مستحيل ان كل اللي يشترون هوندا إمريكي مايقدرون يغيرون الكفرات ؟؟ قالي : هذا الجنط ينفك بالضغط فقط ..
بمعنى آخر قالي الحل : انك تشتري جنوط جديدة وتركبها على كفرات جديدة , وطلع علي هذا الكلام بـ 11 ألف ريال !!
مع ان الجنوط اللي موجودة عالسيارة هي مقاس 17 ومو متوفرة بالسعودية ومعطيتها شكل فخم وانا متحسف عليها..
فاللي يعرف الحل يفيدني جزاكم الله خير , خل الأهل يسافرون فيها في العيد
وفقتم
