تاهو 2010 .. والقير مهو طبيعي !

movn @user_231206 · 03-09-2010

السلام عليكم ورحمة الله
وكل عام وانتم بخير

يا اخوان , انا اشتريت تاهو 2010 بدون دبل بقيمة 120.000 ألف ريال

من اخذت السيارة وقيرها مو مريحني , بمعنى لو فكرت اني ابسرعة بالسيارة لاحظ ضعف بعزم السيارة وكذلك خمول غير طبيعي بالتبديلات الاول والثاني والثالث ّ!

اذا جيت عند مطب من الطبيعي اخفف السرعة ومن الطبيعي ان القير يرجع من الراحة للتعشيقة الثالثة او الثانية او الاولى ولكن احس السيارة يصيبها خمول او كأني ماسك بريك عند رجوع القير للتعشيقة الاولى او الثانية !

يا اخوان عزم الموتر بالتعشيقات الاولى والثانية والثالثة ميت والموتر 2010

فيه احد لاحظ هالمشكلة ولا بس بسيارتي ؟

خبرة أمريكي @user_230252 · 08-09-2010

يا صاحب الموضوع
يابن الحلال الوضع عادي القير مافيه شيء وبالنسبة للتبديلات تراه ست سرعات يعني وسع صدرك يبي يعلك بالتبديل

turki_20041 @user_235943 · 08-09-2010

انا معي يوكن 2009 ونفس الوضع
هذا الشي طبيعي ولا تخاف

movn @user_231206 صاحب الموضوع · 05-09-2010

اتمنى ان تكون الامور مسألة برمجة

كل الشكر لكل من مر هنا ولا نستغني عن خبراتكم يا احبتي

فيصل الخالدي @user_171341 · 04-09-2010

مافيه شي موترك

بس برمجت الوكاله سيئه جدا

كلها برمجه ب1000 ريال او 500 ريال تعتمد اذا تبي قوه اكثر ادفع اكثر وماراح تندم

اللهم برمج عند الكبتن هشام الملا

وقل له ابي تعشيق 6000 ويشيل التورك مانجمنت ويبرمج لك على بنزيم 95 ولاعد تستخدم الا 95

وصدقني بتكره برمجة الوكاله

salehhd @user_17805 · 04-09-2010

السلام عليكم

الاخوان ماقصرو وفي رائيي الحل الامثل هو قيادة سيارة مشابهه بنفس الموديل لمعرفة الفرق قد يكون هذا الامر طبيعي في جيمع السيارات من نفس الموديل
بالتوفيق

majed7882 @user_116239 · 04-09-2010

خ

خليد عينين

السلام عليكم ورحمه الله وبركاته

اخوي الكريم القيور الجديده في أغلب المواتر الجديده تعتمد اعتماد كلي على البرمجه الرئيسيه من المصنع

وقد يكون هناك كذا سياره برمجتها ليست كالمطلوب لذا مطلوب منك مراجعه الوكاله ((ضروري )) لاعادة برمجة نسب القير وهي عمليه بسيطه جدا يتم شبك كمبيوتر في السياره ويتم تحميل برنامج وكذلك ضبط ووزن نسب القير ولا تطلع من عندهم الا وانت مشيك على الموتر وعاجبك تغييرات القير

هذا والله يسهل امرك

مساء الخير علي الجميع
شف اخوي انا معي تاهو 2009 انا كنت موسوس مثلك اول ماشريت الموتر وصدقني تعبت من كثر ماودي سيارتي للشركة وكل واحد يحط لك الف علة والف سالفة الموضوع ومافية زي ماقال لنا صاحبنا ان الوضع برمجة بالضبط لان القير والسيارة كلها شغالة علي كمبيوتر وحساسات
يعني لاتوسوس موضوعك انشاء اللة بسيط والموتر ممتاز
وعسي ربي يوفقك

movn @user_231206 صاحب الموضوع · 04-09-2010

ل

لحن المشاعر

شكلك اول مره تسوق جمس جديد

لذلك الشي طبيعي يابعدي ,, اصبر لمين يلين شوي الموتر

ولاجيت تشيك عليهم لـ 1000 او 5000 قلهم عن المشكله عشان تريح بالك !

بالتوفيق .

كل الشكر لكل من علق هنا

وفعلاً انا مستخدم جديد للجمس , وباقي لي 1000 كيلو حتى اصل لمساقة 5000 الآف كيلو وسأعرض المشكلة على الوكيل وأاتمنى ان المشكلة تنتهي ويكون امرها بسيط

لحن المشاعر @user_126547 · 04-09-2010

شكلك اول مره تسوق جمس جديد

لذلك الشي طبيعي يابعدي ,, اصبر لمين يلين شوي الموتر

ولاجيت تشيك عليهم لـ 1000 او 5000 قلهم عن المشكله عشان تريح بالك !

بالتوفيق .

عاشق دايو @user_54073 · 04-09-2010

^^^^^^^^^^^^^^^^^^^^^^^^^^^^^^

أنا أقول نفس أخوي ألي فوق يمكن سبب أنك متعود على صوالين خفيفة مب سيارة كبيرة

ثقيلة لهذا تحس أن سيارة ما تمشي,,,,,

الشمالي2009 @user_177951 · 04-09-2010

السياره مافيها شي هي كذا بشرط مافيه طقه بين التبديلات غيره طبعيي ولاتقارنها بالسيدان

سلوم السالم @user_233952 · 03-09-2010

انا توقعاتي سبب الي تقوله من القير ان القير جديد والكلتشات جديده وقاسية وهذا شي طبيعي

abusummer @user_75649 RiYaDh 4X4 GrOuP · 03-09-2010

اذا تحس ان السيارة ميته فزتها و لازم تضغط على البنزين لاخر شي هذا طبيعي لان نظام الماكينة فورترك ابعة سلندر شغالة و اذا عديت 120 او طلبت عزم زايد اشتغلة ال8 سلندر كلها مع بعض
من الافضل تودي السيارة للوكالة و تطمئن

سلوم السالم @user_233952 · 03-09-2010

انا ابوي كان عنده فورد كراون فكتوريا ماله الا سنتين شارية ابوي مستعمل كان فيه صوت طقة في القير وداه ابوه لمعرض مشهور مابي اقول اسمة قالو له لازم نفك القير قالهم طيب بعدين يوم فكوه قالو له لازم قير جديد او توضيب قالهم كيف القير كان يمشي واضطر يسحبه منهم ويغير له قير حسبي الله عليهم

سلوم السالم @user_233952 · 03-09-2010

انا كان معي سيارة جديدة نفس الشي في البداية بس بعد الاستخدام صار الوضع طبيعي يمكن لان القير جديد ويبيله وقت لين يلين
نصيحتي والله اعلم لا تراجع الوكالة لانهم بطلعون في السيارة مليون علة عشان يسحبون فلوس من جيبك
نصيحتي لاتوسوس استخدم السيارة على حالتها واذا مشيت عليها 25000 الى 35000 شف التغير وبشوف ان ماصار شي للسيارة والوضع طبيعي

والله يعطيك خيرها ويكفيك شرها

أبو زنيفر @user_234207 · 03-09-2010

رجعلهم السياره ربما يكون عيب تصنيعي

movn @user_231206 صاحب الموضوع · 03-09-2010

أ

أبوهذال

بصراحة انا ما بعد جربت القير الجديد

لذلك يفيدك من جربه
لكن اذا الكاتلوج عندك يمكن يكون فيه توضيح لطريقة الاستعمال و تتعلم في سيارتك

و الله يعطيك خيرها و يكفيك شرها

شكرا يابو هذال ولكن الكاتلوج ماله علاقة بالقير , لأن القير لا يحتاج كتالوج لمعرفة كيف يشتغل آلياً مع السيارة :bigggrin:

SUPERCHARGED @user_215095 · 03-09-2010

موترك فيه بلا رجعه للوكاله صراحه هالجموس الجديده ماتلقى من يقولك سليم مافيه شي
انا عندي سيرا 2010 ولا وقفت عن الاشاره احس المكينته ترتعش على خفيف حجزت موعد عند الوكاله وعطوني بعد اسبوعين ونسيت اروح وراح الموعد

خليد عينين @user_51730 · 03-09-2010

السلام عليكم ورحمه الله وبركاته

اخوي الكريم القيور الجديده في أغلب المواتر الجديده تعتمد اعتماد كلي على البرمجه الرئيسيه من المصنع

وقد يكون هناك كذا سياره برمجتها ليست كالمطلوب لذا مطلوب منك مراجعه الوكاله ((ضروري )) لاعادة برمجة نسب القير وهي عمليه بسيطه جدا يتم شبك كمبيوتر في السياره ويتم تحميل برنامج وكذلك ضبط ووزن نسب القير ولا تطلع من عندهم الا وانت مشيك على الموتر وعاجبك تغييرات القير

هذا والله يسهل امرك

قراقوش @user_225161 · 03-09-2010

لو تراجع الوكالة افضل