هل الدورانجو والجراند شيوركي 2011 اصبح لهم نفس مكانه باترول ولاندكروزر في اسواقنا ؟

اكيد لا

ولاحتى المستوى مااظنه يوصل لهم

واللاند اقدم منهم واكيد بيتفوق عليهم

كيف الباترول الحديث

.

وصعب جدا ان شعبيتهم توصل للباترول واللاند

ولو اعتبرنا انهم افضل من اللاند والباترول

ففي سيارات كثير فاشلة(ليجاسي مازدا6) وهي ممتازة

وماقدرت تاخذ مكانة سيارات اقل منها (كامري مثلا)

فتصويتي يذهب لـ "لأ"

والله يابو شافي انا بترك الاسهم بعيد لانها مهيب مثال جيد للحكم على قرارات الناس الشرائية ..
وسالفة ان الجيب يتسمى جيب فهذا راجع لقدم علامة جيب .. ولكن وش استفادت من هالاقدمية تمت اكثر من خمسين سنة تبني سمعة ومسحتها السيارات اليابانية لما دخلت الاسواق العالمية ..
عالعموم ماابي اطلع من الموضوع احتراما لصاحب الموضوع ..

اما مسألة مقارنة الفورتشنر والاكستيرا فانا معاك انهم ما يتقارنون نهائيا بالغراند شيروكي من ناحية التصميم والمواصفات ..
ولكن عنوان الموضوع يتكلم عن المكانة بالسوق .. وسوق سيارات الدفع الرباعي بالسعودية ماراح يتقبل اي سيارة من جديدة من جيب بالشكل اللي يتقبل فيه اقل سيارة مواصفات من تويوتا ونيسان ..
وهذا مهوب لان الناس اغبياء مثل ما بعض الشباب يحاول انه يقنعنا .. ولكن لان السمعة والتجربة تغلب على اي قرار شرائي ..
سمعة جيب في التراب .. وسمعة نيسان وتويوتا فوق فوق كثييييير ..

اما سالفة المواصفات فالبرادو الفل اوبشين فيك "كل" مواصفات الغراند شيروكي وعليهم زيادة مواصفات ما يحلم فيها الشيروكي ..

لا طبعا ..
اتوقع انهم ماراح يقدرون ينافسون الفورتشنر والاكستيرا .. فما بالك بالباترول واللاند كروزر ..
اتركوا عنكم التعصب ..
ولا تقعدون تسوقون ان العالم يمشون عالسمعة وبس .. سيارات جيب معروفة عندنا من زمان والناس ولو يبيعون لاند كروزر بعلامة جيب محد شراه .. لان السمعة سيئة جدا جدا ..
والسمعة ما جات من فراغ ..

صيانةالدورانجو كل 10الاف كيلو وليست كل 5الاف كيلو بعكس الوكالات التي تجبرك على الصيانة كل 5الاف كيلو واذا تخلفت عن اي صيانة يسقط الضمان

والله في عمان ممكن لانه عندنا وكيلين والاثنين ممتازيين والان تم الاتحاد فيما بينهم
والان ارى ان البرادو لم ينتشر الى الحد المطلبوب عكس موديلاته السابقة

بس الجراند سينتشر معنا 3.7 لانه 5.7 بيكون سعرة فوق
والدرانجو انتشارة كبير خاصة من موديلات 2008 الى 2010
واذا ضل بهذا السعرر فصدقني راح ينتشر
بس انا مااعتقد بيكون سعرة مثل الان اعتقد انه بيكون الانتشار كذالك لـ3.7
لانه 5.7 اعتقد بيكون في اسعار اليوكون والتاهو

ماقصرت عالمقارنه بس احس الدرانجو الجديد بيكون ضيق المساحة

وعليكم السلام ورحمة الله وبركاته
وانت بخير وصحه وسلامه وعسى الله يعود الشهر الفضيل بالخير واليمن والبركات على المسلمين وعيدكم مبارك

ان شاء الله نعم راح تتغير
عن طريق تبديل العقول العنيده والغير متقبله لفكرة نجاح هذه السيارات
وهذه تتغير عن طريق اخذ النصايح من اوناس يعرفون بمثل هذه الامور
مثلك يا مميز فعلا انت ما شاء الله عليك مواضيعك مميزه وتسلم على هالمواضيع

انا انتظر نزول هذا الجيل ولو عندك فكره او معلومات عن موعد تواجده فالاسواق الخليجيه

ياااخي سيارات الدوج والكزلر والجيب حلوة وممتازة لكن اذا ناوي الواحد يشتري وهو معزم يقوم قلبة يصقع شي يجية خوف من الوكيل وخوف من القطع مع العلم كان معنا شوروكي 98 ولا احلي منة بيع على 2009 ممتاز جدا جدا جدا جدا حط جدا من هنا الين بكرة مشترينة وكالة حلو مرة وبالبر ما ودك تنزل من السيارة بس تبقي الوكالة والوكيل لة دور كبيررررر جدا انا اقولك لو تكون مثلا بامريكا اشتر لو لا دا والا تاتا لانة بتلاقي كل شي موفر لك وخدمة قبل وبعد البيع وانت الباشا عندهم بس تعال عند اللي هنا يا ساتر استر كانهم جايبين راس غليص خذوة فغلوة
هو لو يحترمون انفسهم الوكلاء كان الناس بنعمة وسار سوق تنافس ولا اااحلي منة

لـ سبب ان الوكلاء يرفعون الأسعار من هنآ ونآس تشتري من هنآ :bigggrin:

اذكر اول ماتم الاعلان عن اسعار البرادو 2010 قآلو نبي نقاطعه ولا نشتري :rolleyes1:

وكان الـ VX L سعره مآ يقآرب 200 الف ريال

والآن لو تطلع تلآقي 1 او 2 في كل شآرع , عندنا الشعب التقليدي هذآ :bigggrin: , ومآتبي الوكلاء يرفعون الأسعار ؟

الرنج روفر سبورت 2010 [ بدون سوبر تشارج ] اول مانزل كان بحوالي 390 الف ريال

والآن اصبح بحوالي 320 الف , لأن كآنت مبيعآته قليلة فـ تم تخفيض السعر :smile:

وعبداللطيف جميل قام بنفس هذه الحركة في البرادو لمآ خفض سعره
من 197 الف الى 184 الف الآن , لأن شاف الاقبال ضعيف على الـ VX L

اما فئة TX L لم تتغير اسعآرها :) مآذا يفسر هذآ ؟

يفسر انه بيدنا نرفع السعر ونخفضه :bigggrin:

" "

شكراً لجميع من مر وشارك في هذا الموضوع , منورين الموضوع :)

صحيح ان النظرة لها بدأت تتغير..خاصة عند الاجيال الجديدة..
لكنها لا زالت تحتاج لوقت حتى تثبت نفسها..خاصة في ظل الارتفاع الغير مبرر لاسعار السيارات اليابانية بشكل اصبح غالبية المواطنين لا يتحملونه في ظل الازمات الاقتصادية المتتالية وارتفاع الاسعار..
راح تكون السيارات الامريكية وفي مقدمتها الدودج والجيب كخيار بديل معتدل السعر..

الحق يقال الدورانجو والجراند شيوركي 2011 ظلمو جدا واتوقع انتشارهم بشكل اكبر مع الموديلات الجديده خصوصا بمواصفاتهم واسعارهم المعقوله وقوتهم وشكلهم الجديد , اعجبني بصراحه تصميم الدورانجو .

والله انا من مستخدمين السيارتين دورانجو وتاهو وبصراحه انا عانيت من الاثنين من سبب الوكلاء في المنطقه ولاكن الاسعار تميل كفه الترجيح للجيب والدورانجو لا اعلم المديلات والاجيال القادمه كيف حتكون اسعارها ولاكن السوال اللي يطرح نفسه هل حتتحسن خدمه العملاء للشركات مع ارتفاع اسعار السيارات وحنشوف منافسه شريفه خاليه من الكذب والاعيب هل ستختفي نظريه ابو وجهين من الوكلاء عندما يتقبلونك بالوجه الاول السموح قبل ماتشتري السياره واحلى استقبال منهم واطراء بحيث ينادونك باخ او استاذ وياخذ رقم جوالك وهاتك اتصالات السياره وصلت او اللون غير متوفر واحنا اسفين وبعدها ياتي الوجه الثاني المارد الذي يكشر عن انيابه ويقول عجبك عجبك ولو ماعجبك هذا اللي عندنا وتسمع طبعا احلى رد في كل مركز صيانه عن اي شي يدخل في الضمان اسفين سوء استخدام والضمان مايغطي او حكايه تامين السياره الي الا يومنا هذا ماني قادر افهمها او اعرفها حقا وشرعا وتلقى معامله مراكز الصيانه بكل برود معاك وعدم مبالاه سواء كانت سيارتك بي 50 الف جديده او حتى بمليون كانك سارق الفلوس زماتحرقك وشوفه نفس وتلاقي الذل والبهذله من مواعيد صيانه وتاخير لطلب قطع الغيار انا دخلت غلط في ردي اعلم ذلك ولاكن حقيقه انا سعيد بفكر الشاب السعودي في البحث والمقارنات ومعرفه المواصفات لي اغلب انواع السيارات وايضا الشباب الخليجي وطرح المقارنات بين الشركات ونجاح مواضيع الطرح بنتائج جميله ولاكن اتمنى من كل الشباب ومن كل رابطه في المنتدى ارسال رساله جماعيه الى شركات الام المصنعه نحكي فيها معاناتنا في الصيانه واسعار البيع والتلاعب في المواصفات وحقيقه استياء الشباب وهم اقوى طبقه شرائيه في السوق حاليا وكل عام وانتم بخير

ياخي الدورانجو 380 ريال صيانة 5000كم ليه اليوكن و التاهو تكلف صيانة 5000كم 160ريال
كل السالفة زيت و فلتر و تفتيش كذا نقطة

الحقيقة انك لن تجد مثيل للدورانجو2008 و2009 بمواصفاته وقوة مكينته وانه عملي قليل الخراب بالنسبة لسعره الرخيص والذي اعتبره ارخص جيب بالعالم على مواصفاته حيث وصل سعره في اخر موديل 2009 الى 81الف للاستاندر و91الف للنص فل ماتلقى هالاسعار حتى بالجيوب الكورية تصورو 5700 سي سي 380 حصان تشغيل عن بعد فتح الباب الخلفي واغلاقه بالريموت شاشة معلومات فيها25جيجاتحمل فيه اللي تبي وفيها تشغيل dvd وفيها كميرا خلفية وفيه حساسات وشاشة صغيرة بالسقف تعطيك معلومات عن البنزين والكفرات وريموت لباب البايكية ودرجة حرارة وبوصلة وغيرها وكل هذا ب91الف يابلاش لو تدور هالمواصفات بالتاهو واليوكون ماتقل عن 180الف وهذا رايي ولولا اختلاف الاذواق لبارت السلع

الدرانقو الصراحه شكله جدا جدا سيء مع احترامي للي مصممه...

القراند شيروكي ما عليه حليو...

و شركة دودج و كراسيلر ... مانجح الا بالتشارجر و الـسي300 و جيب الرانجلر...و الباقي يخلف الله..

و مع احترامي خلهم يصلون لمستوا اليوكن و الاكسبدشن و بعدين يصير خير...<<< انا اتكلم عن الدرانقو و القراند...و انا اتكلم عن السمعه و عن العمليه و الوكيل و اهمهم الوكيل...


و اتوقع لو يغييرو الوكيل كان ما تشوف بالشوارع الا دودج و كرايسلر... القطعه ألي بريال يخليها 100 ريال...

حتى لو هالتغيير بيصير .. يبي له سنين

الناس لهم اكثر من 20 سنة متمسكين بفكرة السيارات اليابانية خصوصا انها جات بعد اخفاق كبير في السيارات الامريكية

+
سمعة جيب و دودج السيئة قديما والتي لن تتغير عند الكثير

شخصيا سأشتريهم لو توفرت لي فلوسهم و راح تصيبني الحيرة !