لقيت قراند ماركيز 2008 استخدام ارامكو ... رايكم.

DRcorolla587 @user_96384 · 21-09-2010

بسم الله الرحمن الرحيم

السلام عليكم ورحمة الله وبركاته :

قدر الله علي وصار لي حادث بالجيب حقنا وراح تشليح وانا جاتني رضوض وخدوش خفيفة ولله الحمد...المهم:

رحت ودورت على سيارة مستعملة ودخلت راسي الجراند ماركيز ، ورحت على شركة الحاج

حسين علي رضا طريق المدينة قسم المستعمل في جدة وحصلت قراند ماركيز 2008 وقالي الموظف

كانت تبع ارامكو ، السيارة ماشية 71000 واحد وسبعين الف تقريباً البودي سليم ماجاته رشوش

واتأكدت من هذا الشيء بنفسي واخذت لفة عليها دخلت راسي , وقالي الموظف بنسوي لها صيانة

شاملة قبل ماتاخذها وكشف كمبيوتر على حسابهم...

وسعرها بعدما شرحت له ضروفي راعاني جزاه الله خير 58 الف وراح اكاسره .....

وشوي رايح اشوفها مرة ثانية ان شاء الله.

فانصائحكم ياشباب اخذها واتوكل على الله ولا كيف ؟!؟؟!؟!؟!؟

M~أمير بكلمتي~M @user_58367 · 23-09-2010

[COLOR=Red]يغلق بناء على طلب صاحب الموضوع

بارك الله في الجميع
[/COLOR]

DRcorolla587 @user_96384 صاحب الموضوع · 23-09-2010

yazen1

آمين ،وياك يارب،الله يستر عليك وماتقصر ،الله يطمن قلبك يارب ، ان شاء الله بفحصها ، مع انو الموظف حق الشركة قلي ولا يهمك بنسوي كشف واي حاجة تطلبها بنسويها، واللي مطمني اكثر انو المكينة والجيربكس لسا تحت ضمان المصنع.

حسان الصحفي

باقي ثنتين وحدة بيضة والثانية سودة بس كلها جاتها صدمات خفيفة ومصلحة في الوكالة على حسب كلام الموظف، وبالتوفيق.وأي خدمة اقدر عليها اطلبها على الخاص.
yazen1
الله يبارك فيك وجزاك الله خيروخلاص انا اليوم خلصت اجراءات السيارة وحستلمها الاسبوع الجاي ان شاء الله، وأشكر كل من رد علي في موضوعي الله يستر عليكم.

أرجو من المشرفين إغلاق الموضوع (تمت الاستفادة)

شهاب السحيباني @user_84126 RiYaDh 4X4 GrOuP · 23-09-2010

مقدماَ مبروك والله يطعمك خيره ويكفيك شره...:xyxwave:

حسان الصحفي @user_239154 · 23-09-2010

بالله شوف لي اذا عندهم غيرها نظيف وسعره حلو :smile:

yazen1 @user_231978 · 22-09-2010

D

DRcorolla587

شهاب السحيباني

جزاك الله خير ،صحيح حتى الموظف نصحني من الاستخدام الامريكي ، وشاكر لك

نصيحتك.

yazen1

انت بكلامك هذا ريحتني الله يريحك ،ويفرج همك ويسعدك وينور وجهك.

وعلى فكرة ، هذه أول سيارة اشتريها مستعمل ، لكن الظروف حدتني ، والحمدلله على كل

حال.

الله يعطيكم العافية على نصايحك وخاصةً الاخ (yazen1)

الله يوفقك وشاكر لك دعواتك...الله ييسر أمرك
لو تحب اي مساعده او اي خدمه تحت امرك
وانصحك تفحصها كمبيوتر خارج الشركه لكي يطمأن قلبك أكثر ومن باب الحرص والكشف بورش متخصصه مثل التقوى او العالميه بـــ 200 ريال ولو تحب ممكن ارسلك رقم مهندس سوري متخصص في الفورد ورشته بالقرب من الفحص الدوري
افضل عشان تطمأن.

DRcorolla587 @user_96384 صاحب الموضوع · 22-09-2010

شهاب السحيباني

جزاك الله خير ،صحيح حتى الموظف نصحني من الاستخدام الامريكي ، وشاكر لك

نصيحتك.

yazen1

انت بكلامك هذا ريحتني الله يريحك ،ويفرج همك ويسعدك وينور وجهك.

وعلى فكرة ، هذه أول سيارة اشتريها مستعمل ، لكن الظروف حدتني ، والحمدلله على كل

حال.

الله يعطيكم العافية على نصايحك وخاصةً الاخ (yazen1)

yazen1 @user_231978 · 22-09-2010

أخوي الله يحفظك

بالنسبه لسيارات أرامكو
لها فحص دوري (pm) يتم عمله للسياره أذا مشت مسافه معينه اعتقد 2500 كيلو او شهرين ايهما يسبق... والصيانه تتم في مرفق السياره المؤجره في حالة السياره اللي وجدتها تمت صيانتها بالتأكيد في وكالة الحاج

الصيانه تتم كالتالي:
أدارة (الترانسبورتيشن) او بالعربي الاداره المختصه بالسيارات بارامكو وموقعها بجده بعد شبك محطة التوزيع اللي بشرق الخط السريع بعد كبري ريمان
تقوم هذه الاداره بوضع ملصق على زجاج السياره الأمامي فيه موعد الصيانه القادم وأذا الموظف او الدائره الموجوده بها السياره تأخرت عن موعد الصيانه ولو ليوم واحد يتم أرسال تحذير للموظف الموجوده السياره تحت أسمه وأذا لم يستجب يتم أرسال ايميل لرئيسه وبعدها للمانجر او المدير المعين للمنطقه وتم فيها محاسبته وقد تؤثر تأثير سلبي على ترقيته وهو مايسمي بارامكو (اوفر ديو كار pm)
وللعلم فلسيارات ارامكو لا يوجد بها مايسمى أصلاح..اي قطعه تخرب يتم تغيرها فورا مهما كلفت وفي الوكاله وعليها تأمين شامل.

وتأكد بما ان السياره ماركيز فكانت بالتاكيد مع واحد ذو منصب بالشركه واستخدامه اكيد حشمه.

انا اقولك هالكلام لأني احد مستخدمي سيارات أرامكو واعرف السيارات واعرف نظام الصيانه

خلااااااااااااااصة كلامي السياره طيبه ولا تخاف انها استخدام ارامكو لان سيارات ارامكو تأكد جدا من نظافتها,,,وللعلم ترا سعرها طيب جدا على ممشاها وموديلها...

موفق ان شالله.

شهاب السحيباني @user_84126 RiYaDh 4X4 GrOuP · 21-09-2010

مثل ما قالو الشباب... بس انصحك بغير الاستعمل الامريكي... الصراحهمشاكل الامريكي كثييييره وانا اتكلم عن تجربه اكثر من 3 سيارات من نوع ماركيز...

الخلاصه اخذ حق ارامكوا ولا اخذ استعمال امريكي...

DRcorolla587 @user_96384 صاحب الموضوع · 21-09-2010

(كامري عاشقني) ( جــــذاب ) ( ابو نادر)

الله يسلمكم ويجزاكم خير والله يحفظكم ويرعاكم .

بالنسبة للتصليحات (واعتقد الصيانات) كلها في الوكالة.لكن بنشوف ايش يقول الكشف...

وشاكر لكم افاداتكم ومروركم وربنا لا يوريكم مكروه.

ابو نادر @user_109111 · 21-09-2010

الحمدلله على السلامه

بخصوص الماركيز فما يحتاج تسأل عن السياره
لكن المشكله في استخدام ارامكو

انا من رائي تشوف لك ماركيز امريكي موديل 2008 ممكن تحصل لك بسعر مناسب
خصوصا ان سعرها " اقصد سياره ارامكو" غير مغري جدا

أنـــــس @user_34305 · 21-09-2010

عليكم السلام ورحمة الله وبركاته

والحمد لله على سلامتك .. واخر مايجيك بإذن الله

الماركيز سيارة لاتحتاج الى مدح اي شخص .

ولكن هذه السيارة كانت لأرامكو ... والبعض يهمل السيارة ولاتتابع صياناتها .

والنظر لك ......!

اذا كانت سليمه ونظيفه جدا وفحص الكمبيوتر افادك بأنها سليمه 100% فاستخر وتوكل على الله

كامري عاشقني @user_157892 · 21-09-2010

أولا ً :. الحمد لله على سلامتـك يا الغالي وما تشــوف شر .

إختيــارك في محله يا بعدي معروفة الجراند ماركيز برساوة و الراحة و الأمان وانصحك ما تاخذ الا الماركيز وما شاء الله عليك لقيت السيارة المناسبة وانا اقولك خذها اذا انت مرتاحلها ولا تنسى الأستخارة وانا اخوك .