السلام عليكم ورحمة الله وبركاته
كيف حالكم جميـعا
مقدمة
1- الوالد - الله يطول بعمره - عصبي وعنيد وكتوم الى ابعد حد ولا ياخذ برأي احد
وانسى انك تناقشه في اي موضوع.
2- هذا موضوع لي ..كنت ابغي سيارة جيب لأبوي عشان اشتريها له وهو ما يدري ..ولكن ربي ما كتب لي التوفيق
http://www.assayyarat.com/forums/thread212476.html
اليـوم
واحنا طالعين لصلاة العصر ... سألني : يا ولدي دلني على شركات تقسيط عشان اشتري هايلكس غمارتين ..قلت له : خلاص انت عزمت على هايلكس وكالة ؟ ما تبي ددسن او فورد مستخدم او جيب مستخدم؟ اجابـني : هايلكس وبـس وهالاسبوع :c0214:
انا انصدمت من قراره لأنها وكالة وكنت متوقع انه بياخذ اي سيارة مستخدم بحدود 30 الف ريال:a1120(86):
على الاقل مخبرني من اول عشان يمديني اساعده واسحب قرض واروح معه عشان نصب الوكالات والشركات:a120(115):
انا مباشرة ..نزلت لمعارض النسيم..عشان اشوف اسعارها..وابحث له..لأني نويت اني اسحب قرض واشتريها له بدون ما يدري هالاسبوع هذا...واكون اشتريت له سيارة هو مقتنع فيها.
سبحان الله
وانا اشوفه بالحراج ..واجيه..بشرني يا يبه..لقيت سيارة..قال لا..وجلسنا عند بياع البليلة ..واشتري له ميرندا ...واحنا جالسين عند البياع ..قلت له : يا يبه انا بشتري لك سيارة..فرفض.
قلت له : يا يبه خلني اساهم لو بنصفها ..واشتري السيارة كاش وباسمك..
قال لا..ورفض بشكل قطعي.
(سبب الرفض لأن ابوي متقاعد وانا موظف والعائلة كبيرة وعنده أرض وهو عليه قرض بس يخلص , كل واحد فينا ياخذ قرض عشان نعمر بيت , لذلك نعيش باقتصادية ومبعدين عن الديون)
واثناء السواليف ..كشف لي انه رايح لوكالة جميل..واعطوه سعر السيارة موديل 2010 كالتالي :
مقدم 30 الف ريال
قسط 1400 لمدة 4 سنوات
دفعة مؤخرة : لا يوجد
الاجمالي : 97 الف ريال
اما سعرها كاش : 71500 ريال
في الاخير
اقنعته وبعد حسابات رياضية وبعد جهد جهيد وحبيت راسه حتى بياع البليلة بغى يحب راسه معي :bigggrin:
اني اخذ سلفة داخلية من شغلي 30 الف ريال..وهو يدفع الباقي ويشتري السيارة.
- أعطوني أرائكم ومشورتكم ونصائحكم عن اسرار الهايلكس..
- هل فيه فرق بين جميل او البازعي او اليحيى ؟
- اي نصيحة مهما كان نوعها قدموها لي
- وشو الاغراض اللي تجي مع السيارة الجديدة ؟
لأن الاسبوع هذا بيشتريها
رجاء خاص
راعين الددسن والنافارا والميتسوبيشي وغيرهم..كلكم على راسي وقدركم عالي..بس لا تحولون الموضوع الى اي سيارة ثانية لأنه بعد التعب هذا كلـه ..رسى الوالد على سيارة جديدة
وابغي بس يشتريها قبل ما يغير رايه او يفاجئني انه مشتري سيارة مستعملة..من شهر رمضان وانا تعبت معاه بخصوص شراء سيارة له
والسلام خير ختام.
