كابرس 89 مشكلته القير سبع ميه

أنا قبل 5 سنوات تقريبا كان عندي بيوك بارك أفينو وكان قيرها 200 فور آر كان القير ممتاز وتعاشيقه ولا أروع بس نتيجه اهمال في الصيانه وعدم تغيير الزيت والفلتر القير ودع وأصبح يرج قبل النمرة والتشعيقة الأولى وتاخير وثقل في المشي والحمدلله رحت الى احد التشاليح ولقيت واحد واشتريته وركبته والحمدلله شغال ميه بالميه وتعاشيقه طيبه , الموضوع راجع الى توفيق من الله ثم الى ضمير صاحب التشليح أو المكان اللي راح تشتري منه بغض النظر عن نوع وحجم القير وأحيانا الشئ يعمر لك سنوات اذا حافظت عليه

اتوكل على الله ورح التشليح توني شاري قير قبل اسبوع وررررده وش حلاته

مشكورين على النصائح

والله بغيت اخذ قير من عندهم بس الحمدلله خيره

يا رب القى واحد نظيف

أنا عندي كابرس 93 قير 700 وكان قيرها قوي جدا في القومه طبعا إللي عندي تفصل على 170 وخلصت الكلتشات ورحت عند ترايستار وقالوا يركبون قير بداله يعني ينزلون قيرك الاصلي ويغيرونه بقير موضب جاهز من عندهم وبعد يومين أستلمت السيارة من عندهم والله العظيم ياشباب أنه أسواء قير مر علي إذا جيت بتقومه بدعسه قوية تحسه ضعيف حتى ما تفحط مكانها وإذا عشقت من النمره الأولى إلى النمره الثانية بينها فضاوه كبيرة حتى إنك تسمع حنت السيارة وعزمها سيء جدا ....... فأنا أنصح أخواني الاعضاء لا أحد يوظب قير سيارة عند ترايستار تراهم نصابين ما يوضبونه يعطونك قير ماهو بقيرك يمكن مغيرين حزام أو طرمبه أو حساسات تجارية ومش حالك .. أنا أنصح كل واحد إذا كان قيرة خربان أو فيه كلتشات يغيرها عند أي ميكانيكي قيرات فاهم أضمن له ويكون قيرك الاصلي أنت عارفه وعارف خراباته .. الله لايوفق ترايستار ..:a1120(82):

السلام عليكم

اخوي سو هذي الأشياء إلي بقلك عليها ولا تنسى وحده

غير بواجي واسلاك بواجي وصفايات بنزين وبخاخات او نضفها وطرمبات بنزين وزن كهربه (وزن دلكوا) بس عند كهربائي او ميكانيكي شغله كويس وانت تعرفه بس لاتنسى وزن كهربه إلي هو وزن دلكوا وبإذن الله يرجع عزمه احسن من اول بكثير بس سو هذي الأشياء في وقت واحد ولا تنسى انتبه للأقمشه الفرامل لأن السياره بتسير طياره إذا الجربكس باقي 700 وإذا تبغى غزم وسرعه اكثر من كذه فيه الدبات إلي تحت السياره تلقاها ثنتين خلها ماصوره يعني مافيه دبات بس بيصير صوت عالى جدا بس عزم ملعون والدين والحراره بترتفع شويه بس الطرق مجربه كلها وانا ما قلت لك هذا الكلام عشان 24 ساعه وانت تسرع لا تسرع وانا برى منك إذا سار لك شي لأن السياره بتسير طياره الله بلغت اللهم فشهد

والله ما شاء الله تبارك الرحمن قشششششطة .

في الخط طرب والفزه ما شاء الله ما يحتاج وقد نزلت مطارحة لي مع ماركيز 2002 وصارت ضجة في المنتدى وانقفل .

ولايهون ال 700 ولد عمه يمدحونه برضو .

كيف 200 فور ار معك وكيفه في الخط

والفزه ؟

احسن حل ارجع لهم انت مو دافع فلوس على شغل يخلونه يمشي وسلام

والفصله ماتركب الا على القير الالكتروني العادي مافيه

والله مدري عن 700 اللي معايا 200 فور ار .

بس الكابرس بالخط مايرحم أحد وهالشيء معروف .

وبعدين صح السيارة قديمة لكن مهو أي قديم يعني عضلاته منتهية وقير ومكينة على المحك .

بالعكس في كوابرس نظيفة وتم تغيير أغلب قطع السيارة وعضلات وكل شي يعني كنه وكالة مافيها شي يجيب ال 240 .

الله يوفقك ويعينك ومدري لو جديد ياخذ وقت على بال مايجيب ال 200 فوق .

وياهلا بك .

وش الحل ابي حللللللل

ابيه يرجع لشبابه

اخخخ بس

محد يحس بالشعور

تدري ليه ؟

لان ترايستار مايوظبون .. 90% من شغلهم تغييييير فقط

عندهم قيور جاهزه وموظبه يركبون لك وتمشي

غبنه :(

انتبه ترا الكابرس90 وتحت حديد على غير سنع ولا يوجد به اقل متطلبات السلامه حتى الإيرباق مافيه !! ..

ههههههههه حلوة الردود :smilie16:
ارجعلهم بس ترى القير بيطيح او بيحترق عليك ثاني مره ؟؟ لانه يسخن على السرعات العاليه ؟؟
ومافيه قت يبرد وانت عل كلامك ( 220 كم بدون فرصه برد ) علشان كذا الكابريس الجديده اذا هو راعي سرعات او سفريات طويله ينصحونه يركيب مبرد خارجي للقير.



انا ما اقول لك اسرع

يا أخي ليييييش تعذب الموتر .. موديلات 2010 تخرب إذا بأمشي بالسرعه الجنونيه هذه دائما .. فما بالك بسيارة عتيقه .. هذه سيارة كلاسيكية لها تاريخ عريق في الجودة .. والآن بعد مرور كل هذه السنوات .. من أبسط حقوقها أن تعامل بنعومه ورقه .. ردا وعرفانا لها :xyxthumbs: