ابشتري سيارة وابي رايكم تكفون

عاشق كلايسلر @user_240786 · 07-10-2010

سلام عليكم ياشباب

انا الحين طالب ثانوي اخر سنه وكلمت أهلي عشان الموتر قالوا بعد ثالث وانا ماعندي اي مشكلة

المهم حددوا لي المبلغ من ( 80 إلى 86 )

وانا صراحه ابي موتر فخم حتى لو كان مستعمل

في ناس قالوا لي اشتري بي ام حوت سته سلندر 2003 بس كلكم تعرفون خراباتها وقطع غيارها ... الخ

وانا صراحه اشوف ان الكلايسلر موتر منااسب جدآ لو اباخذهـ مستعمل

تتوقعون الفلوس الي معي تجيب كلايسلر 2008 او 2007 هيمي 8 سلندر فل كامل !! مستعمل شبة جديد او نظيف مرهـ

لأن صراحه مافي امل اشتري اوريون او كامري او سوناتا او اكورد

انا ابي موتر فخم وعلى قد فلوسي وإن شاء الله اول ما اشتريه ابأمان عليه تأمين شامل

وقطع الغيار والزيوت والفحمات ... الخ الله يعينني عليها

وانا صراحه خاق مع الموتر

عشان كذا ابي اخذ وقتي وانا افكرر قبل لا اشتري شي آندم عليه

اتمنى تفيدوني ..

Majnon @user_241535 · 13-10-2010

التيما 2011 88.000 قل كامل 4 سلندر

عاشق كلايسلر @user_240786 صاحب الموضوع · 08-10-2010

مشكورين يالغواالي

HNADI @user_240610 · 08-10-2010

شف يالغالي ان كنت تراني ابنصحك السيارة لا تهمك مكينتها الجمس 8 بس ثقيل يعني انا معي كوكو6v قايم على جمس 2009 وجيب في اكس ار وغيرها الكثير المهم <<<<<<<مسوي دعاية للاكورد
خذ نصيحتي ولا تاخذ مستعمل حتى لو كان بورش انت طالب جامعي يعني مطنفر <<مفلس
خذ التيما فل اوبشن او كلم الاهل يدفون المبلغ ل90 وخذ اكورد سبيشل طبعا بمبلغ 85 في عندك خيارات كثيرة لا كن مو تقولي هيمي بي ام هذي كلها سيارات من الفئة الفخمة يعني تشري ب80 وتحط 100 للقطعها نصيحة شيل الهيمي من راسك تراك ببتعب

وكمان في سيارة رهييييييييييييييييييبة هي اليارس <<<<<<<لا تصدق ترا امزح

دودج تشارجر @user_132132 · 08-10-2010

حبيبي انا زي ماقلتلك انا عندي تشارجر 2007 6 سلندر واخوي الكبير كرايزلر 6 سلندر
هي سيارات حلوه وقويه بس انا نصحتك بالخيار الحلو دور لك على موستينق ستوك ماتعدل فيه شي وخذه واذا تبي تدور ادخل موقع مستعمل مليان موستنقات نظييفه
وقطعها ترا ارخص من التشارجر والكرايزلر التشارجر عندي الفحمات الاماميه ب800 والخلفيه 900
في اوستنق اتوقع الاماميه 500 والخلفيه 600 و 500

AL-JOKER.LOVE @user_202155 · 08-10-2010

اخوي تبي العلم الاخير

خذ ماركيز 2007 فل الفل فتحه هيدروليك اللون اسود او عنابي والداخليه

هلوز ...... < ليمتد

والله موتر فخم ويخدم وشكله روووعه بتطلع عليك مع اللوحات وكلووو بـ 60 والباقي في جيبك تعديلات بسيطه وتغييرات من زيوت وفلتر وصفايه < لانك بتاخذ

امريكي ولازم تسوي التغييرات

بس لا تنسى تنزلها من قدام الى الكفر ومن ورا نزلها بالهيدروليك للاخير وركب جنط ال17 حق 2010 < بيخربك

وعيش حياتك

صح ان الهيمي افضل < والله انه موتر خقق

على الاقل الفحمات حقت الفورد كلها تطلع عليك ب300 بس والهيمي عليك الحسبة

والكفر والزيوت الفلاتر اي قطعه بسعرها

وثاني شيء اكثر الناس والورش صاروا فاهمين بالفوردات بس الهيمي مو ذاك الزود

والخيار لك

لكل انسان ذوقه ومن حقك تاخذ الي يعجبك

تحياتي

bngo11 @user_232038 · 08-10-2010

* معلومه مهمه ترى الماركيز بتنقطع عن السوق يعني لا تشتري وتتوهق .

bngo11 @user_232038 · 08-10-2010

والله شف الكلايسلر حلوه وفخمه وانا صراحه ماجربتها بس عندي قراند شروكي 2006 v6

شف الي عندي يعتبر اقل فئه الي هي السته والله انه كلام الله لايضره عزم يعني لاتتحسس مهي

مشكله لو تاخذ فل كامل 2008 سته سلندر وبتلقي هيمي الظاهر 2008 بعد او 2007 امريكي فل

ونضيف ولا هو ماشي الله يوفقك ويبارك لك فيها

فـآرس @user_199216 · 08-10-2010

يـأخوي تبي الصدق . انا تقريباً بنفس عمرك ونويت اطلع موتر ..

أحترت بين الموترين ذولي الـ الهيمي والماركيز 2007 وبع ـد صلأة الاستخاره والمشاوره .

نويت اطلع الماركيز .

كانو بنفس السعر يع ـني الهيمي بـ 46 . والماركيز بـ 48 . .

وأنا أنصحك بصراحه بـالماركيز فخامه راحه واسعه مريحـه بسس ماهيب شبابيه مرره .

اذا انت تبي موتر طيران وشببببببابي . خذ الـ هيمي ...

اما مانتب جوو مقاومات وسواقتك رايقه خذ الماركيز وصدقني بترتاح ..

وهذا رابط الـ هيمي اللي كنت بشتريه عساه يفيدك .

http://shalabiauto.com/Car-Details.aspx?TypeId=118&CarId=1548&type=slidesImported

بس تراه مديل 2005 بس الحق والله من وقفته باين انه نضيـف ..

معلومه أخيره . ترا الماركيز يوم تبي تبيعه مابينقص اللى ألفيـن ولا ثلأثـه ..
أما الهيمي أقلها 6 ألأف ....

وقبل كل ششي أستخير ربك . الله يوفقك باللي هو خير لك ..

al_malki007 @user_239131 · 08-10-2010

....

وفي خيار ثاني انصحك في فكتوريا او قراند ماركيز سيارت قويه وتتحمل الطرق الطويله ومريييحه وراقين الصراحه ويعمرون معاك ..

و 8 سلندر ودفع خلفي ... على فكره اكثر سيارات دفع امامي ونادر ماتحصل دفع خلفي في موديلات جديده والدفع الخلفي طبعا افضل من الدفع الامامي .. وسعرهم في حدود ميزانيتك ..

..

وفي سياره عجيبه اسمها فورد تورس الصراحه قوووويه ورووعه بس مادري اذا تجي 8 سلندر

لان الي جفتها سته سلندر

Bin Marshad @user_240898 · 08-10-2010

انا اقول خذ الكلايسلر وانت مغمض موتر ما فية كلام

وان كنت معزم انا عندي لك كلايسلر مضمون فل كامل هيمي 8سلندر

لون ذهبي داخلي اسود فية ملاحة وجلد وشبك معدل وجنط كروم وسعرة مناسب

58 الف ريال

وهذا حق عمي يبغى يبيعة وانا اقولك الموتر استخدام شايب

yazen1 @user_231978 · 08-10-2010

اتمنى لك تتوفق بسياره مناسبه مقدما

شوف اخوي انا بنصحك زي مانصح اخوي الصغير وهو الان في مثل عمرك.

انا ماشوف البي ام ولا الكرايزلر سياره مناسبه لك.
السبب قطع غيارها غاليييييييه وانت طالب بالثانويه هل من المعقول تستري فحمات بــ 800 ريال !!

وبعدين وشلك وشل المستعمل انت رجال تبي تخلص المرحله الثانويه وتدخل جامعه ان شالله منت فاضي كل يوم من ورشه لورشه..والمستخدم مستخدم حتى لو انه نظيف .. وان يكن بس ماكانت السياره تحت رجلك.. وش يعرفك اللي قبلك ممكن كان يحمل فيها علف ؟؟

انا أنصحك بالمبلغ اللي عندك 86 الف خذلك قراند ماركيز 2010 وكااااااااله على يدك..سياره 8 سلندر وقويه واقتصاديه وقطع غيارها ارخص من الكامري..وحقت سفر ومدينه وشبابيه عائليه.

هذا رأيي..

موفق ان شالله.

LS 2008 @user_233747 · 08-10-2010

إن شاء الله فلوسك تجيب هالسيّارة ,

وبعد ما تتخرج من الثانوي يكون نزلت أسعار الكرايسلر لأنّه هذا الشّكل سيتغيّر ويحتمل ينزل بشكل بسيط وحاول تبْحث وبتجد النظيف إن شاء الله .

سفير فوق العادة @user_185113 · 08-10-2010

عندك كلايسر او تشارجر

وتجيب لك موديل 2008 او 2007

عاشق كلايسلر @user_240786 صاحب الموضوع · 07-10-2010

لا يالغالي انا مابي sr8 انا ابي هيمي 8 سلندر فل نظيف

آممم الموستينق ابدآ مهيب شينه بس في ناس كثير مانصحوني اشتري موتر رياضي مستعمل

الكابرس بشكل عام مستعمل كله خراباات عندنا ثنتين بالبيت كلها خراباات ولا ودي احط الثالثه ع الباب

ومشكورين ع المرور يالغالين

دودج تشارجر @user_132132 · 07-10-2010

اخوي الكرايزلر تجيب لك بالراحه 2007 و2008 مستخدم نظيف فل C300

بس انا ارشح خيار ثاني لك بما انك لسى في الثنوي وشباب خذلك موستنق جي تي 2008 كشف او عادي 8 سلندر تلاقي اسعارها ىمن 75 ال 84 الف والباقي زبط فيه السياره

وهذا الي بسويه انا بعد 8 شهور ابغى اشتري موستنق وسيره بجد ريقه امس جربة وحده حقت زميل لي مشاء اللله قوه ودلع حقته كشف بصراحه حلوه يوم تسير مكشوفه بس انا افضل العاديه تحياتي

سري للغاية > @user_223368 · 07-10-2010

الكرايسلر موتر ونعم الموتر فخامة وقوة وشكل خارجي

80 -90 تجيب لك C300 بس SRT ما اتوووقع

لاني قد سئلت عن كم كرايسلر في حدود 135-145

عندك خيارات :-

1- كابرس رويال :- قوة وفخامة يعني ( ملكي )

2- كابرس اس اس :- قوة بتعديل بسيط يمشى اي سيارة تبيها

3- لومينا اس اس :- ^^^^^^^^^^^^^^^^^^^^^

والله يوفقك

ومبروك مقدما

تحياتي

عاشق كلايسلر @user_240786 صاحب الموضوع · 07-10-2010

شوف يالغالي انا الحين معي يوكن 2006 دينالي فل
وكان اي واحد يحاول يهايط من اصحاب المواتر 4 او 6 سلندر كنت اكسر خشمه

بس ياخي طفشت مقدر اسوي شي في السياره لانها سيارة العايله وابي موتر 8 وصراحه معجبتني الكلايسلر
الالتيما مع واحد من العيال فل كامل اربعه سلندر قير عايدي ما اعجبتني وصراحه ماراح انزل من 8 سلندر الى 4
ابي نصايحكم بالمواتر 8 سلندر وتكون فخمه شوي وحلوهـ خصوصآ الكلايسلر او الانفنتي < مع اني اعتقد فلوسي ما تجيبها لو إيش

al3meed 18 @user_206412 · 07-10-2010

طيب عندك الالتيما 4 سلندر نص فل من الوكاله بتحصلها يمكن بـ 75

عاشق كلايسلر @user_240786 صاحب الموضوع · 07-10-2010

اتمنى تفيدوني في الكلايسلر المستعمل الهيمي فل

لأني ابي هالمووتر

وابي عيوبه وخراباته

+ مواصفاته كلها