الف مبرووووووووووووووووووك ياخوي
وتتهنى بيها ان شاء الله
الافضل انك تبارك للرجال بالسياره بدل التخويف والتحبيط
الرجال شرى السياره وانتهى الموضوع
الله يبارك بعمرك
وبالعكس مافيه تخويف ولا شي انا مرتب اموري وراح ادفع بعد ثلاث سنوات
السلام عليكم ورحمه الله وبركاته
مبروك عليك الموتر وخي ما أخترت والله يعطيك خيره ويكفيك شره
بالنسبه لعرض الحمراني اتصور انه عرض غير مسبوق ويعتبر تنافسي وأسلوب جديد في عروض الشركات ..لكن استغرب من عدم توافق سياسه الشركه في العرض لأني جيت فرع الحمراني بالرياض اللي بالحمراء بخصوص الباترول 2010 وبنظام 50% ولم يذكر لي العروض الجانبيه مثل البنزين وخدمه الطريق والإقامه بالفندق
وأكد الموظف على ضروره احضار( كفيل )في حاله الخروج خارج المملكه او احضار شيك ببقيه المبلغ يتم استرجاعه الكلام هذا من اسبوع تقريبا وشكلنا بروح نشتري من حائل..
وعندما سئلته ليش ؟ قال لأن فيه سيارات انباعت خارج البلد !!
وعذرا على الإطاله
عليكم السلام والله يبارك بعمرك
يمكن فيه جهل من بعض الموظفين وانت الصادق
قبل فترة يمكن برمضان كنت اسألهم عن السفر خارج المملكه وكان فعلا يقول لازم كفيل
بس بعدين قالي انهم ألغوا هالشرط ويبون تأمين بس اما سالفة الشيك ماذكرها بتاتا
وسالفة الفندق ماقالوها لي الا بعد ماشريت السياره واعطوني كتيب صغير ..
قبل البيع ماذكروا لي شي ابد يمكن يعتبرونها شي عادي مايذكر..
حتى امس رجعت اسال واتاكد قالي اقامه بفندق لمدة لاتزيد عن خمسة ايام
وبسعر مايزيد عن 400 ريال لليله الواحده ولايزيد عن 2000 ريال لخمسة ليالي
والسياره الايجار مايزيد سعرها عن 200 ريال لليوم وعموما هذا مذكور بالكتيب والبروشور اللي اعطوني
الف مليون مبرووووك
اخي الكريم يعطيك الله خيره ويكفيك شره
بس استفسار بسيط
هل تسجل السيارة باسمك ام تظل باسم الشركة؟
الله يبارك بعمرك
لا طبعا تبقى باسم شركة الحمراني الين اسدد الباقي
مشاء الله تبارك الله الله يعطيك خيرة ويكفيك شرة ومن رايي كل ماتوفرة عندك سيولة ادفعها لهم عشان ما تضغط على نفسك بعد ثلاث سنين والف مبروك
جزاك الله خير الجزاء
وفعلا هم قالوا لي تقدر تودع لنا كل ماتوفر معك سيوله عشان يخفف عليك
ما شاء الله
العرض جداً ممتاز
عسى الله يبارك لك في السيارة وزين والله ما إخترت
بالفعل والدليل انه حقق لي شي ماكنت متوقع اني بحصله ولا بالاحلام
وجزاك الله خير
رح اجل وعب ماعونك .. انت صحيح على نياتك مثل اغلب الشعب وبعد ثلاث سنين تروح تدور قرض عشان تسدد باقي المبلغ !! وسع فكرك شوي لاتفكر باللحظة خل تفكيرك بعيد المدى .
هل تتوقع لو انك تاجر وتبحث عن الربح .. بتسوي عرض لوجه الله؟؟ ليه وكالة الحمراني ولا جمعية انسان الخيرية لرعاية الايتام !!
حنا مانبي منه صدقة لاخيره ولاشره .. نبي خدمات زي وكالات الخليج واسعار معقولة وغير مبالغ فيها والعرض هذا ينضحك فيه عليك .
والله ياخي الانسان عقله براسه ويعرف خلاصه
وانا لو ماني عارف اني بسدد بعد ثلاث سنين كان ماجيتهم ولا اخذت السياره
ولاجبروني اني اخذ منهم ..
وهذا تصريف ذكي للسيارات من نيسان ..
العرض واضح ولافيه اي شي ويكفيك انه مافيه فايده ريال واحد
ويكفيني انه وفر لي سيارة العمر اللي كنت احلم فيها
اقدر اشتري لاندكروزر او تاهو او اكسبدشن بالمبلغ اللي معي ؟!!
مافيه غير الحمراني اللي وفر لي السياره اللي كنت ابيها
تحياتي لك
اسمح لي اخوي .. ما يخفى على الجميع ان اسعار السيارات ارتفعت بشكل كبير
واكثر الشعب من الطبقة المتوسطة اللي تقدر توفر مبلغ متوسط اما بجمع بعض المرتبات
او عند الحصول على بدل السكن وبأضافة قيمة السيارة القديمة يقدر المواطن توفير نصف سعر السيارة وهي الدفعة الاولى المطلوبة.
واما الدفعة الثانية وهي النصف الاخر فهي بعد ثلاث سنوات والموضوع ما يحتاج نظرة بعيدة المدى ولا شي .. الموضوع واضح .. الموظف اللي قدر يوفر نصف المبلغ الاول خلال ايام او اسابيع في نظرك ما يقدر يوفر النصف الثاني خلال ثلاث سنوات او بدلات سكن ثلاث سنوات !!!:confused1:
مستحيل .. الا اذا كان انسان غير متزن او واجهته ظروف خارجة عن ارادته وهذي احكام خاصة.
ثم ان العرض ماهو صدقة لوجه الله .. لان الحمراني بايع السيارة بربح بيع الكاش
اللي اختلف واستفاده الحمراني من العرض هو قوة التصريف .. العرض قوي ومغري جدا
لذلك المبيعات راح تتضاعف وانا شخصيا اعتقد ان العرض فعلا اتى أوكله .. سيارات نيسان
الجديدة صرت اشوفها بشكل اوضح في الشوارع.
واما زيادة مبلغ التأمين فهو فعلا قيمة التأمين الشامل للسيارة
لاني اتذكر مرة اشتريت مازدا 626 بقيمة 45000 ريال وعملت لها تأمين
شامل بقيمة 4000 ريال سنويا تقريبا.
العرض رائع ويتعب الانسان وهو يقول رائع واتمنى ان الحمراني يعتمد هذا العرض لفترة طويلة
على الاقل الي ما اطلع الباترول ال LE :bigggrin:
واخيرا ..
ابارك لاخونا السيارة الجديدة واقول له .. الله يعطيك خيرها ويكفيك شرها
الله يبارك بعمرك
وكلامك درر وتعقيبك وافي وكافي
وفعلا عرض ممتاز واتوقع راح تسوي الشركات الثانيه مثله
والله العرض ممتاز
بس حرام عليك ليش ماخذيت الـ LE أبو 400 حصان
خاصة وإني قريت هنا بالمنتدى أنه أقل صرفية للبنزين لأن نظام المكينة يختلف عن الـ SE
والله ياخي حسيته غالي وبعدين مبلغه مو متوفر معي
وفيه بعض المواصفات زيادة فلوس وانت ماتستخدمها
بس الشي الوحيد المهم هو صرفية البنزين فعلا
تحياتي لك
الله يعطيك من خيرها ويكفيك شرها
ونعم الاختيار
وباقي انظباعاتك عنها في المدينة و في طريق السفر وفي البر و .... النفود
ولاتنسى تذكر الله دائما والاوراد لان الناس ما تعطي خير
تعديل للكاتب بعد إذنه
شكرا جيبي ....
جيبي مايقدر يوفر لي السياره
اللي ساعدني الحمراني ونيسان:xyxwave:
