التيما 2008 ( فل كامل .. 6 سلندر ) للبيع .. للجادين فقط

السلام عليكم ورحمة الله وبركاته

أخووي تقبل بدل في جمس حووووووض شفروليه سلفرادو نظييف ماشي 26,000

ستة وعشرين ألف فقط ........... وإذا تطلب الفرق اطلب في الحد المعقول

والسلام عليكم ورحمة الله وبركاته....

اخوي

سيارتك التيما 6 سلندر

قيمتها في 2010 حول 116 اذا كانت مراتب جلد

الحين الكامري النص فل 2008 تجيب 55 سيارتك الي

استاندر منها احسن من الف كامري ب 44 يقولك !!!!!

لاتبيع بأقل من 60 وكمان قليله عليها


الله يرزقك بألي يرضيك

اخوي انا جاد بالشراء..حدي 55الف
0553393002

اخوي اذا السياره موجوده للحين انا صامل وهذا رقم جوالي يا ليت تدق علي ضاروري 0550031666 بدر شكراً

السلام عليكم .. اخوي الشهريار انت ما اعطيت حد لك ولا للسومه .. فالله يهديك المفروض ما تطب في واحد من الربع زي كدا

عالعمووم انا صااامل في السياره .. لكن زي واحد من الربع ما اعرف والله كم تسوى .. فانا ارفع سومتي الى 53 الف وانا والله صاامل فيها .. ماني جاي استهبل وامشي


تحياتي

عالعموم موفق بالبيعة إن شاء الله .. ولو تقول كم حدك فيها أكون من الشاكرين ^_^

مالي فيها سعر محدد
والسيارة موجودة في الرياض
والاستعمال داخل البلد
واكيد الزينون من الوكالة لأن السيارة فل كامل
وماركبت عليها اي شي كل اللي فيها شد بلد

آمين ..

أول شي أخوي من رأى لا كمن سمع وأنا كانت لي تجربة قبل يقول السيارة نظيفة ومدري إيش يوم شفتها قسم ماتسوى نص السعر اللي سمته .. والمسلم لا يلدغ من جحرة مرتين .. لكن أخوي إن كانت السيارة كما تقول أنا بعطيك سومتي من الاخر بس بشرط بعد الفحص عشان أنا أرتاح وأنت تبيع البيعه اللي تطيب خاطرك ^_^

أسومها ب 51 ألف بعد الفحص

وبعطيك معلومة لي فوق الثلاث أسابيع أدور ألتيما فل الفل ويعلم الله إني أبيها عشان أستخدم لانيب راعي بيع ولا شي .. لكن الاليما الفل تبدا من 45 وتوقف عن 55 .. وأنت سيارتك سودا لوها لولوي ممكن توصل 57 ..

وأنا عطيتك هالمعلومة عشان ماتعني نفسك وأنا سمت الموتر بحقه عشان ماتقولي إنك بخستني ..

ومتى ما وافقت دزلي رقمك على الخاص :)

وأتمنى إنك مازعلت من سومتي الاولى بس الشكوى لله كثييير يقول الموتر نظيف وإذا شفته بأرض الواقع ***** بدون تعليق ..

تمنياتي لك بالبيعة اللي تسر خاطري وخاطرك :wavey:

ممكن تعطيني سعر محدد لاني ما اعرف اسعارهم بس لاني ادور لي سياره مثل ( كامري se ,, التيما v6 ,, اكورد v6 )

ووين موجوده السياره .؟؟

وهل هي استعمال خطووط ولا بس داخل البلد ؟؟

وادا ممكن صوره خارجيه وصوره داخليه للسياره لو تكرمت ..

والزنون من الوكاله ولا ؟؟

السلام عليكم
والله ما أعرف كم تسوا
لكن حدها وإذا كانت تخارجني
مريت عليك وشفتها
وأرجوا أن لا تطمع ولا تعتبر هذي إسائه لك
لا والله بس أنت خابر الطمع وارد في بني أدم

ومثل ما قلت لا تسيء الفهم

وشكراً

الله يهديك بس
اقولك السيارة نظيفة جداً وخالية من السمكرة والخدوش
يعني البدي ماشاء الله تبارك الله مافيه ولا مخش
وانا محافظ على السيارة مررررة ومهتم فيها كثير
وتقول اسومها ب 44 الف
الله يهديك تراء السيارة فل كامل و 6 سلندر
مو اربعة سلندر يوم انك تقول ب 44
وبعدين الله يعافيك اذا انت مو جاد في الشراء لاتبخس سعر السيارة
وشغل الشريطية مانبغاه

أخوي السيارة معروضة ويين .. ثاني شي أنا ما أبي أبخس سعر سيارتك لكن بعطيك فتحة سوم الين نشوف السيارة وبعدين فيها كلام ثاني .. 44 ألف ..

لكن لو كانت معروضة في مكان ما راح يكون لي سوم ثاني لأني ماشفت السلعة ولكن سمت السيارة علي حسب كلامك ^_^

وأتمنى إنك ماتزعل من السومة :)