الفئة الخامسة BMW 520i

K|7 @user_234589 · 17-10-2010

السلام عليكم ..

أخواني , انا مقدم على شراء BMW 520i مستخدم موديل 2005 ( ماتفرق لان الشكل والمواصفات ماتغيرت الى 2008 أتوقع )
طبعاً انا لقيتها نظيفة ماشية 71,000 كيلومتر وبسعر ممتاز ..
هل السيارة عملية ؟ وممكن تجلس 4 سنوات قدام ؟
انا ماعرف الفرق بين 520 وطالع .. ؟ فهل هذه الفئة فيها المواصفات القياسية لـلـ bmw شاشة معلومات المعروفة iDrive ؟ إصطبات زينون .... إلخ ؟

انتم أهل الخبرة ..
أقدم عليها أم أتراجع ؟

لان السيارة مو في مكان سكني وبسافر لها.

تنصحوني او اخذ بقيمتها سوناتا او تشارجر موديل جديد؟

/

نصاااااايحكم الله يرضى عليكم فكو ازمتي

Laramie @user_283130 · 30-07-2014

S

S 80

الموضوع له 4 سنوات :bigggrin:

من الي رفع الموضوع ؟
:bigggrin:

S 80 @user_98847 · 30-07-2014

الموضوع له ٤ سنوات :bigggrin:

Laramie @user_283130 · 29-07-2014

الموتر له حول
9 سنوات
كثير بصراحة
بيزعجك مشاكل
وغير كذا ماراح تسوق وانت مرتاح
وان طفى عليك الموتر او صارتله مشكله مكلفة مره وحده غير تعافه
خذلك
النترا وكالة اصرف

rajawi @user_303541 · 29-07-2014

أخي الكريم السلام عليكم جميعآ أنا أتاجر في السيارات الألمانية منذ 10 سنوات لقد تعلمة من السنوات الماضية خبرة كبيرة لكن أخي لا أريدك أن تخسر مالك لندخل في الموضوع سيارة بي م دبليو تملك كل المواصفات الرائعة لكن هناك شركة منافسة لها و هي الميرسيدس أخي أريد أن أنصحك لكن هل أنت تريد سيارة تخسر فيها مالك و هي سيارة بي إم دبليو ثمن إصلاحها باهض لكن السيارة تتفوق على الميرسيدس في الصالون و التكنولوجيا و التوازن و السرعة لكن البي إم ليست سيارة صبارة كما الميرسيدس و البي إم فيها أعطاب كثيرة و تستهلك كمية أكبر من الوقود مقارنة مع المرسيدس لكن للبي إم طعم أخر و كل شخص لديه طعمه أخي الكريم أنا أنصحك مثل أخي لأنني لا أريدك أن تخسر إشتري المرسيدس و سترى السيارة لا مثيل لها صبارة قوية و لا تستهلك الوقود مثل بي إم إشتري ميرسيدس كلاس س و سترى أخي

ss4rakan @user_161854 · 29-10-2010

طيب ليش ما تروح للناغي السيارات المستعملة ممكن تلاقي الي يعجبك عنده

وبالنسبة للبي ام الي شفته صراحة مش ولا بد

والله يشفلك الي فيه الخير

ranir3 @user_243317 · 29-10-2010

رأي الشخصي السيارة محركها صغير وعدد احصانتها قليل على bmw لانه وزن السيارة ليس قليل انصحك اخوي ب 525 او 528 افضل واقوى

مخربها @user_24088 ..:: TAHOE//YUKON GRP. MEMBER ::.. · 18-10-2010

السلام عليكم

حبيبي ..

طالما ان مافيها اي نوع من المواصفات اجل اتركها عنك والله يرزقك باللي افضل منها

لكن لا تردك الـ4 سلندر ..

انا اللي معاي 520 موديل 2008 اول ما دريت انها 4 سلندر هونت عن الموتر بس موظف الناغي ماقصر قال جربها بعدين احكم ... وصحيح جربتها وجربت 525 ماكان فيه اي فرق يذكر يعني شي بسيط جداً خصوصاً ان مواصفات سيارتي ناقصها البلوتوث والنافيقيشن وسلندرين عن الـ525

واخذتها والحمد لله ولا احلى منها ومع انها 4 سلندر لكن احياناً ما ادري الا وانا ماشي حول 180 ماشاء الله تبارك الله

عموماً
هذا اعلان لقيته في موقع المستعمل يعني مالي فيه اي علاقه لكن حبيت انقله لك يمكن يكون لك فيها خير ...

http://www.mstaml.com/section/item.php?i=990959

تحياتي

K|7 @user_234589 صاحب الموضوع · 17-10-2010

تم صرف النظر عن السيارة , حيث ان حتى ( حساسات ) او ( فتحة ) مافيها.

تم إختيار السيارة الأنسب لي ,,

الله يعطيكم الف عافية يالغالين , والله ماقصرتوا كفيتوا ووفيتوا ..
والله يرفع قدركم دنيا وآخرة..
ولكم منا الدعاء.

M I X I S @user_34774 · 17-10-2010

K

K|7

فهل اخذها او لا بـ هذه المميزات وهي معروضة علي بصراحه تقريبا بـ 59 ألف ريال وانا شفت وحدة 530i فل بس ماشية 140 ألف بـ 72 ..
يعني هذه اللي جذبني فيها ممشاها القليل , وفوق كذا توني أعرف عن موضوع الأربعة سلندر , معقولة بي إم 4 سلندر ؟ لاني شفت معلومات تفيد ان كل محركات الخامسة 6 سلندر ؟ ماعدا الـ M5 ..

واستفسارين بسيطين, كيف اسعار قطع الغيار؟ ( شي يخوف او لا ) يعني الأسعار الإستهلاكية , قماشات , .. إلخ ؟

بعد شوفتكم للسيارة , تنصحوني فيها او ابتعد عنها ...
وان كان لي فيها فندعيلكم ان شاء الله .

حياك الله اخوي

شوف اذا انت مقتنع فيها و في مواصفاتها
توكل على الله و خذها
سعرها مقبول نوعا ما و ممشاها اعتبره جدا ممتاز ..

وبالنسبة لاستغرابك عن محرك الربعه سلندر
فهو شي طبيعي و هو احد خيارات الفئة الخامسه
بحيث تتوفر بـ 4 ، 6 ، 8 ، 10 سلندر
وللزبون الحريه في الاختيار :)

اما بالنسبة لتخوفك من الصيانه
فانا انصحك بالذهاب الى مراكز بي ام دبليو المشهوره و المعتمده في جميع انحاء المملكه
و تسالهم بنفسك عن جميع القطع الاستهلاكيه و قطع الصيانه
المطلوب منك هو انك تعطيهم رقم الشاصيه
وراح يقول لك اسعار القطع الشهيره و الزيوت ..

وفي النهاية اختيار موفق باذن الله ...

ZEMAN @user_206506 · 17-10-2010

شي عادي وانا اخوك الـ 4 سلندر وبالعكس ممكن تكون افضل لك لو انتهى الضمان تكون صيانتها رخيصة

زميلي اشترى 520i موديل 2008 مستعمل من الوكالة ماشي 70 ألف وانا كنت معاه يوم اشتراها

ماشية معه زي الفل بس الله يهديه ما فحصها زين ما صدق ياخذ السيارة ويمشي

السيارة عليها صيانة مجانية 5 سنوات يعني كل ما قالت آه ( مرة وحدة فقط وداها للوكالة ) رماها على الوكالة ويصلحونها ببلاش

يعني يغير فحمات وزيوت ووو ببلاش لكن اذا وصل العداد لـ 100 ألف او انتهت الخمس سنوات تنتهي الصيانة المجانية

بس يكون في علمك السيارة مافيها ذيك المواصفات الفخمة لأنها تعتبر شبابية

يعني حقت زميلي مافيها تبريد ولا تسخين ولا فتحة ولا شي.

K|7 @user_234589 صاحب الموضوع · 17-10-2010

هذه صور للسيارة نفسها من المالك:

وسألته عن بعض المواصفات:

- الأنوار زنون وكالة.
- تشغيل عادي ( مو زر ).
- توجد شاشة المعلومات بدون نافيقيشن.

فهل اخذها او لا بـ هذه المميزات وهي معروضة علي بصراحه تقريبا بـ 59 ألف ريال وانا شفت وحدة 530i فل بس ماشية 140 ألف بـ 72 ..
يعني هذه اللي جذبني فيها ممشاها القليل , وفوق كذا توني أعرف عن موضوع الأربعة سلندر , معقولة بي إم 4 سلندر ؟ لاني شفت معلومات تفيد ان كل محركات الخامسة 6 سلندر ؟ ماعدا الـ M5 ..

واستفسارين بسيطين, كيف اسعار قطع الغيار؟ ( شي يخوف او لا ) يعني الأسعار الإستهلاكية , قماشات , .. إلخ ؟

بعد شوفتكم للسيارة , تنصحوني فيها او ابتعد عنها ...
وان كان لي فيها فندعيلكم ان شاء الله .

SUPERCHARGED @user_215095 · 17-10-2010

اولا وعليكم السلام ورحمة الله وبركاته ,,

عندي انا بي ام دبليو الفئه الخامسه 2007 وعند اقاربي بي ام دبليو الفئه الخامسه وحده 2004 والثانيه 2007 والحين ولد عمتي بيطلع 2011 الشكل الجديد:xyxthumbs:
طبعا معزى الكلام لو انها مب اعتماديه وحقت كرف وممتعه جدا هالسياره كان مااشتروها مع العلم انهم كلهم يقربون لي :xyxthumbs:

أخواني , انا مقدم على شراء BMW 520i مستخدم موديل 2005 ( ماتفرق لان الشكل والمواصفات ماتغيرت الى 2008 أتوقع )

نعم من 2004 الى 2010 تغيرات بسيطه

مثلا من 2004 الى 2006تشغلها بمفتاح عادي
ومن 2007 الى 2010 مفتاح الذكي
وطبعا الشكل الخارجي من 2004 الى 2007 نفس الشي
الا بـ2008 الاسطبات الخلفيه تغيرت طريقة انارتها ومن الامام تغير الرف بشكل بسيط

مثل اللي هنا بالصوره

هذي من 2004 الى 2007 لاحظ الرف

وهذا من 2008 الى 2010

وطبعا الانوار السكن " الحلقات " حقت 2008 تجي قويه يعني بعز الظهر تشوفها شاعه اكثر

بالنسبه للانوار الخلفيه

هذي انوار من 2008 الى 2010

اما ن 2007 ونازل لمبه عاديه

ومن الداخل تغيرات بسيطه

مثلا عصا القير من 2008 الى 2010 صار اكتروني مثل اللي بالصوره

اما من 2007 ونازل عصا القير التقليد مب اكتروني

بالنسبه للقطع فهي ارخص من قطع المرسيدس يعني لو فكرت بتغير اسطباتها الخلفيه الى 2008 بـ5 الاف ريال عند الوكاله لاكن تركب ماتركب ماادري بصراحه
لان اذكر بالجفالي اسطباتي السي كلاس بالوكاله بعشر الاف

طبعاً انا لقيتها نظيفة ماشية 71,000 كيلومتر وبسعر ممتاز ..
هل السيارة عملية ؟ وممكن تجلس 4 سنوات قدام ؟

نعم عمليه جدا جدا وراح تجلس معك 12 سنه مب 4 سنوات
انا استخدمها للدوام واحيانا خطوط والحمدلله مافيه احسن منها

انا ماعرف الفرق بين 520 وطالع .. ؟ فهل هذه الفئة فيها المواصفات القياسية لـلـ bmw شاشة معلومات المعروفة iDrive ؟ إصطبات زينون .... إلخ ؟

الزينون ماادري بس اتوقع موجوده الا اذا كان صاحب السياره طالبها بدون زينون هذا شي ثاني

انا انصحك نصيحه تاخذ 523 او 525 اذا قدرت لان الـ520 ضعيفه جدا و4 سلندر
بينما الـ523 والـ525 6 سلندر

وفرق بين شكل الجنوط " الرنقات " جنوط الـ520 سيئه الا اذا كان صاحب السياره مغيرها

بالنسبه للشاشه فيها وظائف لاكن لاتتوفر خاصية الـI drive

الشاشه تحتوي على الراديو والسي دي ومالى ذالك و عندك التحكم بالمكيف من الشاشه ولا ان بغيت من الازرار التقليديه وتقدر تحط من الشاشه توقيت للمكيف مثلا انت بتطلع من دوامك الساعه 2 الظهر توقت المكيف اذا جت الساعه 1 ونص يشتغل المكيف ويطى عند وقت معين انت تحدد تجي تلاقي السياره بارده وعند الخاصيه الثالثه تشوف مستوى الزيت والاشيا اللي يحتاج لها صيانه من زيوت قماشات فحمات وبنشر وغيرها والخاصيه الرابعه فيه ارقام شركة بي ام دبليو الام بالمانيا

.
.
ان شالله اني افدتك بالقدر المستطاع واعذرنا على القصور ومبروك الموتر مقدما:smile:

مخربها @user_24088 ..:: TAHOE//YUKON GRP. MEMBER ::.. · 17-10-2010

السلام عليكم

أخوي بالنسبه للفئة الخامسه ...

هي سياره عمليه جداً وتقدر تسميها ياباني الألماني

بالنسبه لموديل 2005 وموديل 2008 ترا فيه فروقوات كثير

منها الانوار الأماميه والانوار الخلفيه وطريقة الأضائه وتعديها ممكن لكن صعب ومكلف

من الداخل يختلف الجير ونوعية جلد المراتب ...
هذا اللي يحظرني حالياً

بالنسبه لقولتك هل راح تجلس معاك خمس سنوات قدام هذي تعتمد على نظافة الموتر والمشي الحاله مو دليل نظافه ...

وعلى فكره على طاري المشي ترا تغير العدادات في الوكاله يكلف حوالي 3500 ريال ويرجع أصفار ...

تأكد ان المشي حقيقي مب معدل

لو تلاحظ الى الآن فيه سيارات 1992 وماشيه وتروح وتجي وتوصل سوريا ولبنان وترجع ولا أحلى منها ...

لكن انتبه ترا الـ 520 عباره عن 4 سلندر .. <---- انا ما أذمها
بالعكس ممتازه جداً والـ 4 سلندر لا تقارنه بالـ4 في الياباني
لانك ماراح تسمع لها حس وعزمها وأدائها مره ممتاز ولا فيه فرق ملحوظ بينها وبين الـ523 اللي تجي 6 سلندر <-- عن تجربه

عموماً عسى الله يكتب لك اللي فيه الخير ... والسياره نظيفه ومشيها حقيقي خذها وانت مغمض لان أدائها راح يكون افضل وارقى من السوناتا او التشارجر ومب انتقاص فيها ...

تحياتي