السلام عليكم
الحمدلله على قضاءه وقدره
اللهم اني لا أسألك رد القضاء ولكن اسئلك اللطف فيه
اخواني اشتريت سيارة جديدة وكالة وسبحان الله من اول اسبوع كنت ماشي وسط الخط ويطلع علي واحد من الخدمه ويحك الباب الايمن الامامي والخلفي والرفرب الخلفي
دخلتها الورشة
الباب الامامي حصلت فيه دقشة وتسمكر وانرشت مكان السمكرة وانرش الباب كله لكر " مادة تلميع " والباب الخلفي انرش مكان الحكة بويه والباب كله لكر والرفرف الخلفي نفس الشيء انرش مكان الحكة بوي والرفرف كله لكر
بعدها بشهر وانا طالع للدوام حصلت واحد صادم سيارتي
الصدمة بسيطة في نفس الجهة في الرفرف الامامي الايمن بين الاسطب والكفر والصدام تضرر شوي
دخلتها الورشة وقالو نعدل الرفرف لك الرفرف واذا يحتاج نار نرش مكان النار بوية وباقي الرفرل ينرش لكر والصدام ينرش مكان الحكة بوية وباقي الصدام لكر
وفعلا رشيتها
لكن ما حسبت حساب ان البوية راح تتغير بعد فترة وسعر السيارة بعد البيع !!
هل الرشة فعلا راح يتغير لونها بعد فترة ويصير منظر السيارة بشع !! علما بانها الان ممتازه وشكلها حلو
هل سعر السيارة بيتأثر بسبب هالحكات والدقشات ؟
وربي ضايق صدري وعفت السيارة هل تنصحوني ابيع السيارة علما بان السيارة كفو وعمليه ولله الحمد
الله يعطيني خيرها ويكفيني شرها ويجزاكم الف خير يا رب
