بالنسبة لست سلندر، إذا بتركب لازم تغير القير. يعني إذا ركبت مثلاً مكينة السدرك الست سلندر لازم تركب معه قير السدرك أيضاً.
ميزة الساموراي إنك ممكن تركب الدبل على أي قير، لأنه فيه عمود مثل عمود الكردان واصل للقير، ولا يحتاج محولات ولا أي شيء. لكن قد تحتاج ترجع الدبل للخلف عشان توسع للقير والمحرك الجديدين.
هناك ثلاث محركات ست سلندر اشتهرت في تركيبها على الساموراي:
1. محرك السدرك في السعودية وهذه لابد من تغيير قير الساموراي
2. محرك اللومينا 3.8 لتر ست سلندر في أستراليا، وهذه تركب على نفس قير الساموراي مع محول خاص
3. محرك فورتك 4.3 لتر في أمريكا، وهذه تركب مع القير الأوتوماتيك فقط، ولابد من تغيير قير الساموراي
انا بجاوب حسب خبرتية البسيطه وطبعا استاذنا الكبير عنده الخبره كلها وتجارب
------------------------------------------
انا اشوف السوزوكي فيتارا 2.0 6 سلندر ممتازه بحيث يتم تبديل القير والمكينه ويتم والتغير يكون في تغير كراسي المكينه فقط وتكلفه عدنا بسعر الامارات حوالي 2000 درهم إماراتي ويكون المشي ممتاز ولا يضر الدفريش او شي ثاني فسياره
طبعا الكلمه الاخيره لاخونا الخل الوفي
أخوي قد تكون مكينة الفيتارا 2 لتر أربع سلندر أنسب من الست سلندر. المحركين فيهما تقريباً نفس القوة والعزم تماماً، لكن الأربع سلندر أسهل توليفه ويركب على نفس قير الساموراي من غير تغيير القير. كل المكينتين لازم تغير معهما الرديتر، لأن رديتر الساموراي صغير جداً ما يلحق عليهم. كذلك الكمبيوتر وما أدراك ما الكمبيوتر.
لكن 2000 درهم يا بلاش والله إذا السعر فعلاً هكذا فأنتم محظوظون يا أهل الإمارات.
أنا شريت مكينة الفيتارا 1.6 لتر ثمان صمامات بـ 2700 ريال. أبو أربع صمامات أرخص مع أنه أقوى. وقلبته كربريتر بدل من بخاخات عشان أريح نفسي من الكمبيوتر.
اخوي اذا تبيه ييصير حق مطامر بالبر وتطعيس
ركب مكينة كابريسLS1
8 سلندر 5.7 نفس مكينة الفكسار الجديد
يمكن تكلفك 15 الف او بحدودها واحسن واحد الصمعاني اللي ببريدة
حلك يصلح لنيسان باترول لكن ليس لسوزوكي ساموراي.
المحرك ما يركب في السوزوكي، وحتى لو ركب مع القير فإن الدبل وعمود الكردان والدفرنسات ما يتحملن القوة الزايدة. يعني لازم تغير الدبل وعمود الكردان والدفرنسات حتى يصلح بدون مشاكل، وإذا سويتها فأنت غيرت السيارة كلها ما بقي إلا الشاصي والشكل الخارجي فقط.
