ناوي أسافر بسيارتي ،، نصائحكم

السلام عليكم ،،

اخواني بعد ما شفت النصائح من الأعضاء لردوا على موضوعي ،،

حبيت الخصها للجميع ،، ( واذا في زياده أو غلط ما احد يبخل علينا ) ،،

اذا كنت تبغى تسافر طريق طويلة يعني فوق الـ 1000 كيلو ،، أهم شي :

1. شيك على الكفرات ،، والتأكد من جودة الكفر الاحتياطي ومعداته من عفريته ( + ) ، وجك ،،

2. تشيك كامل على الزيوت والفلاتر ،،

3. تشيك على السيور ،،

4. تشيك وفحص الروديتر ،،

5. التشيك على البواجي ،، واسلاكها ،،

6. التشيك على اللمبات الاماميه الخلفيه ،، العالي والواطي ،، الغمازات ،، الريويس ،،

أمور اخرى مهمه ،،

1. تجنب السرعة بشكل عام ،، بالعربي ،، يعني انت تمشي على مويه ونار وهوا ،، والثلاث ذول ما تعتمد عليهم ،، والساتر الله ،،

2. عند التجاوزات ،، تاكد من خلو المسار يلي تبي تروحه ،، واضرب غماز واستنى شوي وتأكد ان المسرب يلي بتاخذه فاضي ومافي احد فيه ،، وما احد جاي طاير ،،

3. في حال عدم التاكد من الطريق الي فيها تفرعات كثيره مخارج ومداخل ،، هدي السرعة وخلك بالمسار يلي بالنص ،،

4. في الخطوط يلي يكون فيها سايد واحد ،اي واحد يجي قبالك ،، اعطيه عالي واطي ،، لتأكد انه صاحي ،، وان ما رد بعالي واطي ،، وحسيت انه نايم ،، خذ يمين شوي ،، لسلامه ،، وبلاخص التريلات ،، الله يعينهم ،،

5. ايضا في الخطوط يلي يكون فيها سايد واحد اي واحد وراك يبغا يتجاوز والطريق يلي بروحها ماهي مكشوفه بالنسبه له ،، وانت كاشفها ،، اعطيه غماز يسار ،، تعني ان المسار يلي بروحه في سياره جاي من بعيد ،، واذا المسار يلي بروحه مافي سيارات جايه ،، اعطيه غماز يمين ،، تعني ان الطريق مشكوفه ومافي احد جاي ،، هاذي لغة الشاحنات ،،

6. ريح السياره كل ساعتين ساعتين ونص ،، وانزل انت غسل وجهك وصحصح ،، وتمشى شوي ،،

7. تجنب المشي بسياره وانتا نايم ،، او على وشك انك تنام ،،

8. عليك بالباجه وما شابهها ،، تخليك صااااااااااحي ،،


اسف على الاطاله بس حبيت انقل الفائده للجميع ،،

اتمنى السلامه للجميع ،، واي واحد عنده اضافه او تصحيح ،، ياريت ما يبخل علينا :ch19:

اخوي انا ماني ناوي اطعس بالموتر ،، ههههه ،، مشكور اخوي وما قصرت ،،



اخوي ولله النيه اني اسوي فحص بشكل عام للسياره ،، يعني الواحد يطمن قلبه ،، مع العلم ان سيارتي الحمدلله ما عليها كلام ،، لانى انا اصلا محافظ عليها ،، سرعة زايده مافي ،، وزر ابدا ابدا مافي ،، الا اذا واحد قام يتحدى ،، :ch19: ومشكور اخوي وما قصرت ،،



الحمدلله موتري زين ،، وزي ما قلت اخوي انشاء الله بشيك على الروديتر والأمور الثانيه المهمه ،، ومشكور على نقل تجربتك ،، وربنا يعافيك ويعافينا من خربات السيارات في السفر ،، :xyxthumbs:

والله وانا اخوك 3 الاف كيلو تخوف شوي وانا متعقد من الخطوط بعد ما نكبنا كابريس 2005 في طريق اثيثيه <-- 150 كيلو عن الرياض :bigggrin:

مع العلم اننا في الخط ماشين 100 كا حد اقصى

غطا الرديتر انكسر كسر بسيط والمويه تتبخر كل 3 دقايق

واعرف ناس على بي ام 2004 انكبو في الخط

اهم شي شيك على الموتر من الى وانبته تسافر عليه وهو ذابحك خرابات

دام الموتر تمام معك ولا قد خرب شيك عليه واهم شي غطا الرديتر :bigggrin:

نصيحة وانا اخوك رح حق المراكز المتخصصة مثل رد كاب اوغير صح غلي اشوي بس زي الوكالة شغل عالمي واقل في السعر والقطع يركب وكالة وارقد وامن

انتبه تسافر بر

سيارتك لومينا وتدخلها للبر

سلاماات

شيك عالكفرات والزيوت وسو فحص كامل

وتوكل على الله ولا تسرع وتوصل بالسلامة

مشكوووووووووور جدا على النصائح ،، وبالعكس لا طولت ولا تفلسفت جزاك الله خير ،،





فعلا افضل صديق على الطريق باجه ،، مشكور اخوي جدا وجزاك الله خير ،،



تسلم يا اخوي وانت بعد ما قصرت ،،




هههههه الربيع ابو ريال ،، من وانا بالمدرسة وما يفارقني ،، ونفس الطعم والشكل ما يتغير ابدا ،،

مشكور اخوي على ردك


مشكورين جميعا على الردود ،، وجزاكم الله خير ،،

السلام عليكم


الشباب ماقصروا

بس لاتنسى معلومه مهمه ..

عصير الربيع أبو ريال :D

تراه يخليك تصحصح
كل ما تعبت خذ لك واحد بارد وعيش حياتك يصحصح بك ازين من القهوه ..

توصل بالسلامه ان شاء الله ....

^
ماقصر الاخوان فوق

الله يحفظك توصل بالسلامه ان شالله

وعليكم السلام ورحمة الله وبركاته

شف اهم شي انك تشيك على الكفرات واذا كانت قديمه غيرها وشيك على اسيور المكيمه وخل عندك اسيور احتياطيه تراها مهمه وغير زيت المكينه مع الجير بكس وتاكد من الكفر الأحتياطي ومعداته

اشياء ثانويه يمكن تحتاجها
1- المثلث العاكس لضوء
2- عدت بنشر اتيوبلس
3- اطرمبت هواء
4- شنطت اسعافات اوليه

واهم شي لاتنسى الباجا عشان تسليك في الطريق وتخليك ماتنود

وبعد كل هالأشياء توكل على الله وان شاء الله تروح وترجع بالف سلامه

هلابك اخوي ان شاء الله بتوصلك للي تبي وبالراحه بداية لاتنسى دعاء السفر ...
اهم شيك على الكفرات غير الفلاتر من هواء وبنزين شيك على البواجئ وتبدل الزيت مع الفلتر وتجنب تعبي السيارة بنزين وهي تشتغل وبالذات بالسفر خل السيارة تركد شوي لمدة دقيقتين بالكثير وطفي السيارة وعبي بنزين وشيك على عضلات السيارة عند اقرب ميزان من باب المحافظه والاعتناء والاحتياط لكن انا راح اعطيك معلومه اذا تبي توصل لأي مكان سواء على سيارة او ي دابه على وجه الارض
((ان المنبت لا ارض قطع ولا ظهرآ ابقى))
يعني حاول يكون ممشاك واحد وتجنب السرعه مثلا خل ممشاك مثلا 130 ب500كم الاولى و140 ب500كم الثانية وحاول واذا يوجد مثبت افضل وافضل لكن استخدامه على حسب امكانية الطريق وحاول ماتسرع الا لحالات طارئة بعدين ريح السيارة وبرد ساعه او ساعتين كل 1000 كم وانت تريح برضو وخل سفرتك هاذي منها تمشيه وتغيير جو ورواقه وانتبه من الاجتهاد بالنظر و بالقيادة على الطريق السريع والله تهلك وانت مابعد قطعت 500كم خلك طبيعي بوضع هادي متى ماطفشت وقف وروق وعود كمل المسيرة وحاول بقد ماتقدر تقلل من الوقوف اذا تبي تقطع المسافه بسرعه والاقتصاد بالبنزين وانصحك بممشى النهار((بورك لأمتي في بكورها))كلما بكرت بالشي كلما كان افضل حاول تمشي من بعد الفجر وماراح يوصل الليل الا انت قطعت اكثر من نصف المسافه وهكذا وبهالمسافه لابد يلازمك صاحب على مايقولون خوي الطريق ان شاء الله توصل للمحل اللي تبيه بالسلامه واسف ع الاطاله والفلسفه الزايدة وربي ييسر امرك ويوفقك.........

مشكور على نصيحتك اخوي ،، بس انا سيارتي ممشاها 140 ألف لحد الأن ،، والسياره نظيفة جدا ً

ابغى اعرف بس وش الامور الاساسية يلي تحتاجها سيارتي قبل السفر ،،

ولك تحياتي