السلام عليكم ,,,
واجهتني مشكله في الفحمات صارت تطلع صوت(تصرصر) السياره التيما 2008
المهم اظطريت اغيرها ورحت محلات قطع الغيار لقيت اصلي بـ255 و230 و 200 و180 مع العلم ان كلها نفس النوع ونفس الشكل تماما < شف كيف غش التجار
المهم لقيت فحمات هنديه بـ 55 ريال مع المكاسر اخذتها منه بـ40 والي خلاني اشتريها قال لك ضمان 3 شهور لو طلع اي صوت رجعها هذا الي خلاني اشتري تجاري
المهم رحت وركبتها وتوني طالع من الورشه الا والصوت نفسه ما راح :a120(115):
قلت يمكن عشانها جديده بصبر لين بكره
واليوم نفس الشي الصوت صار يقوى اكثر للأسف
رجعت للورشه الي ركبت الفحمات فيها وقال السبب الفحمات جديده اصبر كم يوم وبيروح الصوت
الصراحه كلامه نصه خش مزاجي والنص الثاني ما اقتنعت فيه رحت ورشه ثانيه قال وش نوع الفحمات قلت هندي تجاري قال ايه هذا السبب التجاري ما يروح الصوت حتى لو توك مركبه الحين وهنا انصدمت لأن كل واحد يقول لي كلام - راعي المحل والورشتين كل واحد منهم كلام
فيه احد واجهته زي المشكله هذي ؟ او هل يمكن يطلع الصوت(الصرصره) من الهوب ؟
لأن راعي الورشه يقول الصوت هذا ما يطلع الا من الفحمات ما يطلع من غيرها
انا الحين ما ادري وش اسوي اصبر كم يوم ؟ ولا ارجع الفحمات واروح اشتري اصلي ؟
ابي شوركم , لأني محتار والله واسف على الأطاله .
