بسم الله الرحمن الرحيم
اخوتي الاعزاء مثل ماهو باين بالعنوان استفسار بخصوص جراند شروكي 93 عند خويي ويبي يبعه نظييف مرة وفحصته اليوم بكارتك الرياض فرع النسيم اللي عند المعارض
وهذه كل ملاحظاتهم عليه
1- تصفية ماكينة
2- تشييك على صرة زيت الماكينة
3- تشييك على فلاتر وزيوت
4- صوفة دفرنس خلفي
5- ذراع دفرنس امامي فيه فراغ
6- مساعدات امامية
7- صوت في الدفرنس الامامي ( يحتاج رومانات كرونة )
8- وزن سلك الجير
9- بودي فول مافي اي مشكلة
10- فحص ناقل الحركة نووووو مشكلة اوكي تمام
11- نسبه السيارة 80 % تحتاج الى بعض الصيانة
12- دبل نظيف مرة
يحتاج الى طقم فيوزات
شيروكي ابيض جراند موديل 93 6 سلند بنزينه 91 كالعادة بودي على الشرط وماكينة على الشرط الفرش الداخلي رصاصي
فل اتوماتيك
استخدام عائلي كان يعني مو منطنطين فيه زينا في البران وناكبين ام الدبلات صراحة الموتر عجبني بس ابي اعرف كم سعره المعقول اللي اقدر اشتريه فيه واتفق مع صاحبي عليه
هذا السؤال الاول اما الثاني قطع غيار هالجيب متوفرة ولا كيف
ثالث سؤال هل لو اخذت السيارة وعملت لها تعديلات حلوة بيعلى سعرها ولا كيف ؟؟؟
اتمنى الرد وشاكر لكم تعاونكم جميعا
