كابريس 2006 والحرارة

حبة خال @user_34450 · 05-12-2010

شباب تكفووون ابي مساعدتكم تكفووون
اخوي عنده كابريس كلاسك 2006 ومحااافظ عليها بشكل كبير من الدوام الى البيت ومن البيت الى الدوام
والحين تقريباً ماشي 100.000 وفجأة ارتفعت عليه الحرارة وطقت على الـ H طبعاً غيرنا غطى الرديتر واكتشفنا وعبيناها ماي رديتر اصلي من AC DELCO وظبطت السياره لمدة يوم وبعدين ارتفعت الحرارة مره ثانيه (والغريبة ان الجو بارد مو حار) تكفوووون المسااااعده في اقرب وقت
وايش رايك بأحسن ورشة حق شفلوليه بالخضرية الدمام ؟؟

غرشة حبر @user_246532 · 06-12-2010

احب ارحب بالجميع لاني ضيف جديد عليكم..
وانا عندي كابرس 2006 ltz وكم مره ترتفع الحراره لكثرة اسفاري عليه ولله الحمد والاسباب كالتالي:
*الطبات تهرب وتنقص المويه بدون ما تحس فيها وبعد فتره تنكسر الطبه وتتغيير صيني او سعودي لان الوكاله تبيع الاديتر كامل وسمعت بطبات نوع نحاس تطول ما تخرب بس مدري والله وين تنباع.
*مروحة الاديتر ولما تخرب على طول توصل الحراره H وفيه مروحتين صغيره وكبيره وسعرها يقارب ال900 ريال اصليه من الوكاله.
* غطاء الاديتر وبلف الحراره مهم تغييرها لضمان عدم خرابها.
ولا ازيد على كلام الشباب اهم شي القطع اصلى من الوكاله وموية الاديتر اصليه وتزودها من المويه المقطره.

العقرباوي @user_239645 · 06-12-2010

إذا الحرارة وصلت للـH شيك راس المكينة لا يكون انشعر!!
و ان شاء الله تكون سليمة.........و فادوك الشباب في باقي النقاط

سعود رويال @user_24789 · 05-12-2010

الموية الحمراء تعبية نص الجالون وخمس حبات موية مقطرة + تنسيم

Supa Snake @user_228188 · 05-12-2010

شيك على كل مسببات الحراره

- الراديتر
- غطاء الراديتر
- ((( المراوح يمكن فيها مشكله ))) لان كان عندي كابرس وكانت المراوح اكثر
شي يعطل فيها

ونتمنى ان تحل المشكله في اقرب وقت

المارودر 2004 @user_47732 · 05-12-2010

في اي سياره الحراره ماترفتع الا بوجود سبب ولها اسباب كثيره ترفع الحراره

وديها لورشه تمام وخليهم يشيكون على دورة الماء بالكامل

الى ان يتم معرفة سبب المشكله

صدى الغياب @user_194219 · 05-12-2010

معروف الكابرس من فتره لفتره لازم تهتم بهالاشياء التاليه

1- شيك على دينمو المراوح

2- شيك على كتاوت المراوح .. او تغيرها اضن بـ 30 ريال

3- الرديتر نفسه يمكن يلزمه تسسيخ وتنضيف

4- الطبات والبلوف <- هن سبب الحراره

5- تاكد ان الليات مشدوده صح ومافيه تهريبات .. مو شرط تهريب يكون تحت السياره .. قد يكون فيه تهريب يبتخر منه الاخ اللطيف المويه حقتها

6- المويه الاصليه اضنها بـ 60 ريال .. خذها وكاله ولا تاخذها من المحطات اغلبها مغشوشه .. !

7- الغطا حق الرديتر تغيير .. <-- بس دامك مغيره ارخيه شوي " يعني خفف الشد عليه " .. عشان يصير فيه تنسيم ..

8- لا يكتم لها ولا يسرع فيها ذاك السرعه لمده كم يوم يعني لين تستقر الامور

9- شيك على قوه المراوح وكهربها .. ( سرعه الدوران ) .. وشيك على الريش لا يكون فيهم احد مكسور ..

وبالتوفيق اخوي .. والله ييسر امورك ويفرجها لك .. (F) ..

نصيحه !!!

غير كل شي اصلي من الوكاله (القطع مو صيانه).. لا تروح للمحلات تراها تقليد درجات ويقولك اصلي .. <-- الاخ هذا تعب من القطع

فـ اختصر على عمرك .. رح للوكاله منها تضمن جوده + عمر + ريح مخك