انا داخل على الله ثم عليكم اخواني الاعزاء ارجو افادتي في النترا 2010

الله يجزاكم خير
مشكورين على تجاوبكم مع موضوعي وعلماً ان السياره مصيبتها ان ماشيه 18الف كيلو ويخترب القير الله يكون في العون
ومن البدايه رحت بها اليوم الوكاله قالوا ادفع اولاً حق الفحص 300 ريال وبعدها نشوف شنو خرابها ونتحاسب والله يسترنا وياكم من نصب اولاد الحرام حسبي الله ونعم الوكيل

على كل حال في حالة ان القير منتهي فالتشليح فيه سيارات جديدة نفس نوع سيارتك لشباب صار لهم حوادث من تفحيط او غيره والقيور فيها نظيفه لكن اهم شيء تأخذ القير من السيارة يعني يفكونه قدامك من السيارة ولا تأخذ قير مفكوك من السيارة .
بالتوفيق

ورش الفحص فصراحه اشوف شكرة سهم في صناعية الخضرية افضل ورشة بالنسبة للفحص

اما الاصلاح بصراحه اسعارهم شوي غاليه ولكن عليها ضمان

بالنسبة للقير انا افضل تروح محلات مختصين في القيور مثل ترايستار وخاصه ان توضيبهم جيد

وضمان سنه ولكن الاهم يكون فلتر القير اصلي من عندك + الزيت

ايضاً الشباب نبهوني لنقطه وهي ان السيارة 2010 فالمفترض انها تكون تحت الضمان ع الاقل

او تفحصها في الوكالة بحكم خبرتهم في السيارة

أخوكـ

انت ماخذها من معرض او من وكاله

اذا من وكاله

ترى صار نفس الحكايه مع المدير حقي شرا له فان مدري شسمه المهم جديد 2010

واليوم الثاني صار ثقيل لما تعشق من الان للدي ولما وداه الصيانه قعد عندهم ثلاث ايام وطلعوه وماخذوا عليه شئ لانه تحت الضمان

اذا سيارتك على الضمان فما عليها خلاف

الضمان يصلحها

بس اذا ما عليها ضمان

حاول تشيك على كم ورشه ولا تاخذ بكلام واحـد بس


الله يستر علينا وعليك

انا اشوف قبل كل شي تروح تتوطى في بطن اللي باعك اياها في المعرض

لاحول ولا قوة الابالله ...... الله يحل ازمتك بأ سرع وقت . بس كيف سياره لها يومين و2010 والقير يبغى له توضيب ؟؟ وبعدين كم ماشيه ؟

أولاً أذكر كم ماشية السيارة. ثانيًا انسى شيء اسمه توضيب لا سيما سيارتك توها 2010 يعني الي يقول عليها توضيب فهذا ما وده يتقي ربه و يحلل ماله!! حسبي الله بس!!
مشكلتك أبسط بكثير من ذلك.
عمومًا تغيير الزيت (أصلي فقط من الوكالة) مع الفلتر هذا لازم كل 40 ألف كم.
غيرهم و بعدين علمنا إيش صار. ابدأ بالشيء الرخيص لعله يحل المشكلة.
أما سالفة إن الكلتشات محروقة بهذا بدري مررررررررررررررة عليه.

و بعدين من جد تسأل عن قير من الوكالة :wink:
سعره يمكن حول 15 ألف و أنا خوك. وش تحسب القيرات؟ انسى موضوع التغيير أو التوضيب.

اخوي مشكور وماقصرت بس ارجوا منك تدلين على الورشه المتخصصه في الدمام
الله لايحرمك الاجر والثواب وان يبارك لك ................تحياتي وتقديري لشخصك