مــشـــورتـــــــكـــــــــم فـــــــــــي Infiniti M56

اكيد الأنفينتي

السيارة تحمل تقنيات و اشياء حديثة و مميزة ويكفيك تصميمها والله رهيب , واي فئة عادي ما في مشكلة وانا طبعا مثل الأخوان انصح في السبورت حتى ولو كنت مو مهتم بالسرعة لأن السبورت يعطي السيارة شكل رياضي ويخليها شبابية اكثر ....

انا شفت لها مراجعة على اليوتيوب والله السيارة ابداع من جد , بعض الأخوان يفضلوها على اللكزس جي اس الجديدة 2013 ... توكل على الله واخذها ... واهم شيء الإستخارة

ما نزلت الـ 4 كاميرات في أي مكان بالعالم على الانفنيتي M

انا كنت حاط عيني على ام 45 بس راحت :blue: عشان كذا كنت اسألك هالأسئلة ، الله يبارك للي شراها

للمعلومه انا من الامارات



و وكيل نيسان عندنا ممتااز و ما اعتقد انه منقص من مواصفات السيارة

تصحيح لبعض المعلومات


السياره لها كامرا وحده خلفية بس



السبورت الحين تنزل بلوون ابيض من الداخل

و الفخمه تنزل بلون حليبي ( فرق بسيط )

انا كنت افضل الفخمه بسبه اللون الداخلي

و لكن الان ممكن ناخذ السبورت

زيارتي كانت البارحه 25 - رمضان

والله ياحبيبي انا قريت في المواقع والمجلات ان فيها 4 كميرات للفل اوبشن لكن كل شيء متوقع من الحمراني :a1120(82):، وبالنسبة للتوقف انا اشوف تبريد المكيف جيد لا بأس به، بس حسيت انك حكمت على السيارة من مكيفها اذا بتشتري ولا لا! وكذلك كأنك اجواء مدينتنا على طول حر وجفاف عز الحر شهر اوقست والشهرين اللي قبل فقط اما باقي اشهر السنة الاجواء متقلبة ولو كانت حارة لن تصل مثل الشهر اللي الآن نعيشه! وبعدين انت لحد الآن منت راضخ للأمر الواقع اننا نعيش صيف لم يمر علينا حتى السنة الماضية لم يكن مثل هذا الصيف يعني طبيعي ان المكيف يقل تبريده وهذا الكلام التمسته من شباب كثير وبسيارات مشهود لها بتريد ثلج مثل الاكورد و الصني و الإكسنت.

^
^
^
الأم الجديدة ما نزلت عليها الأربع كاميرات يالغالي :a1120(86):

تراني للحين أحتريك ترد لي خبر عن فعالية المكيف إذا كنت واقف 10 دقايق أو أكثر :bigggrin:

M56 : ماشاء الله تبارك الرحمن اختيار موفق ولكن لحظة ياعزيزي انا من وجهة نظري انصحك بالسبورت كون انها لها نظره خاطفة ولو تأخذها بالبودي كت يكون افضل بكثير، لكن في حال انك مالك إلا الجلد الأسود فأنا انصحك بأنك تغض النظر عنها، وتنزل للفئة الآقل M56 لأن اللون البيج نفسياً افضل واكثراً لفتاً للنظر ومافيه مانع تقلبها للسبوت ترى الشغله كلها جنوط وشبك وصدام امامي فقط.

والسيارة ماشاء الله لها مواصفات حصرية مثل مثبت السرعة الكامل ونسيم الغابات واقتصادية الوقود المبرمجة بالدعسة والكميرات الأربع و......و...... الخ، كذلك لا ننسى المحرك الوحش الذي يولد 420 حصان ومن 0- 100 خلال 4,7 ثانية فقط !!! ومن 0-200 خلال 17 ثانية فقط!!! ، ويكفيك فخراً ان هذه السيارة صنعت في اليابان.

هذهي السيارة هزت العرش الألماني ودخلت في منافسة 2011 بينها وبين مرسيدس إي وبي ام دبليو الفئة الخامسة واودي اي 6 واخذت المركز الثاني.

تصميم هذه السيارة يتناسب مع اجواءنا الخليجية فلا الماني ولا امريكي يصمد في هذهي الاجواء الحارقة الملتهبة والاطرقة المنهمكة والغبار والاتربة إلا الياباني فقط.

لكن نصيحة لك اخوي بما انك صاحب خطوط يومية انصحك انك تضع فلم الحماية لواجهة السيارة بالكامل إلى ربع غطاء المحرك وكذلك على اعمدة الزجاج الامامي وعلى قاعدة المرايا الخارجية لحمايتها من الاتربة المتطايرة والاجواء المتقلبة كذلك يوجد عزل للزجاج الأمامي من الخارج!!! وانصحك كذلك بوضع مادة حامية للجنوط ، وكل اللي قلت لك عليه انا وضعته على سيارتي وانا ماسافرت فيها ولا سفرة منذ اكثر من سنة لكن لمجرد المحافظة ولمجرد استشعار اني دافع مبلغ اكثر من 250الف ريال.

اما سالفة الكورلا وانا راح يكون عزلها قريب من M56 فالمعذرة اضحكتني فعلاً، فلا مقارنة ابدا حتى لو ركبت جنط 24 راح تلاحظ الفرق في العزل والهدوء والثبات يكفي ان جيوب ومسند الذراع مغلفة بالقماش لتمنع عنك ازعاج الامتعة الداخلية!!! بالنسبة M45 ومتأكد انها موجودة في M56.

الله يكتب اللي فيه الخير وموفق بإختيارك اللون مع اني انصحك بالأبيض THE MOON LIGHT ومن الداخل بيج كونه اقل جاذبية للحرارة واكثر تعميراً من الالوان الأخرى وكذلك ملفت للنظر وأسألني انا وشوف وتوقيعي وبالتوفيق.

ماشاء الله عليك صبرت 8 شهور من كتابة الموضوع :)

شيئ جيد

سيارات انفينيتي روعة تحسها من المستقبل بتصاميمها الجريئة ألمالوفة ( يعني يا تحبها يا تكرهها ما في حل وسط :) )

وموفق في سيارتك

يعني وصلت الام 2012 او في الطريق
السعر يعادل بالريال 273,000 ريال سعودي

والله طارت الاسعار



هل تقصد الرياضية ام الفخمة

وجزاك الله خيرا

>
>
>
اخوي انا سيارتي من الداخل جافا
بس عندما شفت البيج تمنيت لو كانت بيج

مع ان البيج يظهر فيه الوسخ بسرعة على عكس الجافا الذي يستر العيوب

وايضا هناك سلبية للون الجافا
لازلت اعاني منها وهي في ايام الحر ماينفع شيء اسمه عازل او شيء اخر
ستجد درجة الحرارة الداخلية هي ضعف الحرارة الخارجية لدرجة ان الحديدتين التي ترفع مسندة الراس
حارة جدا جدا وما تلمسها الا بمنديل

عندي استفسار
هل تقدر تعطينا اسعار الانفنتي التي عليها عرض من كل الفئات ؟

لان كثير من الاعضاء يسالني وانا لا اعلم وانت بحكم تواصلك معهم نبيك تخدمنا

وجزاك الله خيرا
تحياتي

اخواني
الانفنتي m هذي كم سعرها للفل كامل الى الستاندرت ؟

اخوي لا تاخذ السبورت لان انت راعي خطوط ( باليوم ٣٠٠ كلم ) خذ الفخم حق الراحه

صح كلامك بخصوص الازعاج بس كلام اخونا وضح النقاء خلاني اعزم ان شاء الله على الاسبورت

موديلات 2012 من السبورت راح تكون بثلاث الوان للداخلية الاسود و البيج و البني java

و شكرا على النصيحة:xyxthumbs:



ان شاء الله M56s
و شاكر لك ردك

تذكر ان الـ M56s اكثر ثبات من العادية بحكم حجم العجلات والرنقات
وكذلك بسبب وجود نظام التوجيه النشط للعجلات الي يحرك العجلات الخلفية بنسبة بسيطه على المنعطفات للحفاظ على توازن السيارة وسلاسة انعطافها في الطرق السريعة والحادة وعند الطوارئ

بالتوفيق

انا اشووف ان الفخم احسن لك

لان الرياضي توايرة كبيرة و بتسمع دايما في الخطوط صوت التواير ( كم هذا مزعج ) \\

ثاني شي الرنقات مقاس 20 و الله يعينك لمن تبي تبدل التواير


يمكن يكلفك دبل السعر العادي

ثالث شي السبورت بس اسود من داخل

و الله يعينك عالحر لان اللون الاسود يجلب الحرارة و ثاني شي يخيس