حادث قوي على طريق الملك عبد العزيز

السلام عليكم
خباركم يا شباب عساكم طيبين

قبل اسبوع يوم السبت بتاريخ كنت ماشي علـى الرياض طريق السليمانية وطالع للطريق ملك عبد العزيز كانت قدامي سيارة واقف لين تمشي اشوف طريق الملك عبد العزيز على الاشارة الثانية السيارات واقفة تنتظر لين تفتح الاشار11/12/2010 الساعة بين 9 و10 صباحاً ولا اشوف كفرات تطير من فوق السيارات واحد ماشي اكثر من 190 بجيب لكزس 2010 او 2009 على ما اعتقد وعلى حسب ما قالو المتضررين
ويدخل في الي واقفين في الاشارة من الخلف وهو جاي من طريق القاعدة الجوية
انا صفط السيارة ونزلت اشوف وش السالفة
طبعاً السائق الجيب ما حصل فيه شي ونزل من السيارة ويسب في خلق الله ( سكران ) وانحاش هو وربعه وسيارته انصدمت ووصلت الصدمة لنصف المكينة
عديت السيارات المصدومة 9 سيارات بالضبط اكثرهم راحو تشليح من الصدمة القوية
ناس رايحة اعمالها وفيه سواقين وحريم وفيه اصابات وكسور ما قدرت اصور حفاظاُ على كرامة المصابين واتمنى من الي ( يسكرو ويحششو ) يقعدو في بيوتهم لين يصحو ولا يخرجون ويصدمون خلق الله
والله يحفظكم ويحفظ جميع المسلمين من شر الحوادث .