السلام عليكم ورحمة الله وبركاته
اخواني الغالين عندي مشكله وابي من اهل الخبره المساعده
والي مافي راسه رجاء لا يزود مشاركاته في هذا الموضوع
---------------
نوع السياره = جمس سوبر
حجم الميكنه =big block 8.1
---------------
اخواني السياره هذي وكاله وهي معي سعودي من الجميح
بدت مشكلتي مع هالسياره من يوم طلعت هذي الحركه الغبيه وهي
ان السياره تطفى فجاءه بدون سابق انذار يعني مافيه لا تقطيع او تنبيه سواء بالطبلون
او من قوة السياره
يعني ياشباب السياره تطفي كذا كانك انت مطفيها سوا كنت امشي بطريق طويل او داخل
المدينه او اكون واقف :bigggrin:<<قسم بتشيب روسكم هالحين
طبعا بحكم اني مكانيكي على قدي وعندي اطلاع وخبره لا باس فيها
قمت وقلت انا لها <<ماعندي ماعند جدتي :bigggrin:
((نسيت اقولكم ان السياره تشتغل على طول من او دقة سلف بعد الطفيه))
المهم انا عندي كمبيوتر في برنامج فحص وتعديل على برمجة السياره
(يعني ماحتاج اروح لاحد ) لاني احب الشغله ومابي احد يتحكم فيني :bigggrin:
المهم شبكت كمبيوتر على السياره وقمت افرفر فيها ابيها تطفى وبعد جهد وجهيد
طفى:bigggrin: وطلع عندي حساس الموجود في مقدمة المكينه((حساس الصدر))
طبعا انا طارت عيوني لان الحساس خاص بالتشغيل المهم قلت وشعرفك انت قوم
اشتر حساس من الوكاله ولايكثر :bigggrin: المهم فكيت الحساس ورحت للجميع
وعطاني الحساس على نفس الرقم حق الحساس لانو طابق رقم الشاصي
المهم ركبته وقلت بسم الله شغلت ساعتين طفي ثانيه طبعا كان الجهاز متصل بالفحص
وماطلع عندي عطل:a1120(82): قلت ياولد هذا تحدي
ورحت احوس بالنت وشوف احد عنده نفس معناتي مالقيت علم لكن لقيت بعض الناس
يتحدى على انها طرمبه البنزين المهم اشتريت طرمبه جديده وغيرت وتاكدت من ضغط الطرمبه
كل شي ماشي على مايحتاج المهم طفى:bigggrin: تعوذت من بليس ورحت انام من القهر
بعد بحث بالمواقع الاجنبيه قالو انو فيه حساس الكام شفت الي باخر الميكنه تحت الانتيك
قمت فيكت الانتيك وطلعت الحساس وغيرته وشغلت وبعد يوم طفى <<شكلكم رحمتوني:bigggrin:
المهم بداء الشك يدور حول الكمبيوتر الخاص يالسياره لانو مايسجل اي اعطال
والسياره تطفى ولا تشتغل اي لمبه في الطبلون
توكلت على الله وجبت كمبيوتر زي كمبيوتر واخذت كوبي((نسخ)) من البروقرام الي بكمبيوتر
السياره الي جاء من مصنعه ونزلته على الكمبيوتر الي جبت وقلت بسم الله وشغلت
وبعد نص يوم طفى :bigggrin: هنا ضحكت من القهر ابي اقهر العطل مو يقولن ابتسامتك في وجه
عدوك يفقده لذة النصر <<<سويتها بس برضو مطنش هههههههههــأأي
المهم قلت اكيد السالفه فيها سلك يستهبل وقمت فكيت الضفيره الخاصه بالسياره داخل الكبوت
جميعا لكن للاسف مالقيت اي سلك يحط فيني شك انه هو السبب
بعدها قلت يمكن المشكله في السيكورتي حق المفتاح هو السبب الي يخليه يطفى
قمت والغيت السيكورتي من برمجة الكمبيوتر نهائي وقلت ان شاء الله هو السبب
قلت بسم الله وشغلت وجلس يوم وشوي وطفى هههههههههههــأأأي
طبعا نسيت اقولكم ان البوابه حقت الهواء الكترونيه ليست عاديه كيبل
==========
اخواني اهل الخبر في اعطال السيارات الامريكيه والجمس بالخصوص
لاتبخلو على اخوكم الفقير الى الله big block8.1
-----------------
دمتم جميعا بخير
