السلام عليكم ورحمة الله
زي ماهو مبين بالموضوع قبل 3 اسابيع اخذت التاهو من الوكالة 2011 LT دبل
قبل ما اشتريه الشباب قالوا ترا الديكور يطلع اصوات ونفس الشي اصوات مع البيبان
قلت قليل اشتكوا منها ومشيتها
اخذت الموتر اول اسبوعين اعجبت فيه وجاز لي بقوة الصراحة
ولكن قبل اسبوع تقريباً كنت راجع بالليل والخط هدوء والا واسمع صوت هو من الباب اللي بجنبي قلت الظاهر القزازة مفتوحة تأكدت لاقيتها مسكرة تمام فتحت الباب وسكرته ولاراح الصوت
صوت خفيف جداً ولكنه مزعج وخاصة إذا كنت اكلم ولاشي يبين صوت الهوا
مشيتها
لكن امس مشيت بطريق قبل فترة بحارة مو مستوي شارعها
وانا ماشي اشوف اصوات بكل مكان بالسيارة تجيب لي الصداع مع اني بسيارتي القديمة امشي فيها ولافيه اصوات الا قليل
ولكن هذا اصوات من البيبان واصوات من الديكور
استمريت الاحظ الشي هذا اصوات ديكور من الجهة اليمنى بالسيارة اتجاه باب الراكب
كلمت كثير قالوا ربط الديكور عند الوكالة ولكن معليش ياجماعة الموتر معي له اقل من شهر !!!
يعني بستمر كذا كل شهر ولاكيف
وانا من النوع اللي اتحسس من صوت حركة الديكور
السيارة والله للحين المراتب اللي ورا محد ركبها من شريتها والقراطيس للحين عليها يعني موتر جديد
ماعمري اكلت عليها مطب ولاشي
