اغرب مشكلة -- الحرارة مرتفعه للاخير وموية الرديتير ما تنقص ----- وش الحل

اخوي ممكن الحرارة من نفس غطاء الاديتر وهذا كثير من الناس ما ينتبهلها غيره وقلولي ايش صار

الضغط ينزل بسبب منظم الهواء ..

كم لك ما غيرت فلتر الهواء؟

اخوي من الاخير صيخ الراديتر وشف كتاوت المراوح واهم شيء المراوح بها وغير طرمبة الماء لانها مصيبه كبيره ..|ْ~


والله يوفقك ويستر عليك

دمت بود

هلابك اخوي مكان الثيرموستات فيه كوع بالمكينه لونه فضي اللي يركب فيه الخرطوش اللي فوق تفك الكوع راح تشوفه مباشره عليه ربل(وجه)
فيه حل واحد بإمكانك تشيك على البلف هل هو يفتح او لا
اول شي اذا السيارة احتمت وبوضعها الطبيعي يعني الحرارة على الثلث تقريبا خل اي شخص يكون بالسيارة ويدعس شوي امسك الخرطوش اللي فوق راح يكون متحجر وانتظر شوي طبعا لاتتركه اذا حسيت انها ارتخى شي بسيط معناته انه تمام
تبي تتأكد اكثر بإمكانك تفكه وتحطه بماء يغلي راح تحصله ينفتح طلعه برا وانفخه خفيف راح تحصله يتسكر معناته انه تمام او بإمكانك تغييره مع العلم تراه رخيص وسعره مايتعدى ال 70 ريال واسف ع الاطاله ربي ييسر امرك وبالتوفيق.............

طيب وين احصل البلف الليي هو الثيرموستات
اللي هي الخطوة رقم ثلاثة
وكيف اتاكد منه
والامر الثاني انا ملاحظ انو ضغط السيارة مع بادية التشغيل ينزل مره يعني شوي وتطفا السياره ثم يعود لوضعه الطبيعي
----------
بس خلينا بالاول وين اللقا الثيرموستات او ين مكاناها بالضبط وكيف طريقة التشييك

:xyxthumbs:

أتبع الخطوات التالية و لن تخسر شيء أذا مانفعت راح تجدد نظام التبريد عندك في السيارة


1- سيخ الريديتر و غير الماء كامل فك الريديتر من تحت وخل الماء القديم ينزل كامل و حط الماء الأخضر أو الأحمر.

2- شيك على اهواز الماء أضغطها بيدك شوف أذا فيها أنسداد أو ملح مسكرها

3- تأكد من البلف (الثيرموستات) أنه يفتح بعد ماتسخن السيارة لأنه معرض للتحجر بعد فترة من الإستخدام خصوصا أذا كنت تستخدم ماء شرب وليس الماء الأخضر و هذا في أعتقادي هو سبب المشكلة عندك.

4- تأكد من الطرمبة أنها تضخ الماء بكفاءة بين الريديتر والمكينة.


مشكلة ارتفاع الحرارة بشكل مفاجئ و سريع تعني أن هناك أنسداد ، أما أذا كانت ترتفع بشكل تدريجي و تثب في مكان مرتفع فيكون السبب غالبا أنسدادات في الريديتر أو البلف أو المراوح.


خطوة خطوة لين تحل مشكلتك و بالتوفيق

حل بسيط واتمنى يفيدك حاول اشبك المروحة مباشرة بدون بلف الحرارة حتى تتأكد من دورانها صحيح وكمان الحرارة ما ترتفع معك اثناء المشي وشييك على الثيرموس اذا كان في تعليق اذا حساس الحرارة يقفز على الH مرة وحدة اول التشغيل يكون خربان ولازم تبدله

جربت تشوف حساس الحراره الي داخل على المكينه يمكن مصدي وخربان ..

سعره 80 ريال تقريباً + التركيب

اخوي قبااص انا كان عندي نفس المشكله بس سيارتي فورد 98 ماركيز ماخليت شي ماسويته حتى الثلاجه غيرتها وفي الاخير طلع بلف الحراره عليه ماده زي الجير او الكربون غيرته والحمد لله ما عاد ارتفعت الحراره ابد شيك على بلف الحراره قبل كل شي وبعدها ابدء بالاسهل فالاسهل والله يسهل امرك
تحياتي لك ..,

هلابك اخوي شوف اذا ارتفعت الحراره هل يتغير صوت المكينه وتحس بثقل بالسيارة وتحس بحراره داخل السياره او وانت واقف جنب السيارة تأكد من الحساس واغلب اصحاب الكوابرس يشتكون من الحساس يرتفع عليهم والمكينه مافيها حرارة وان شاء الله الراس تمام عندك لكن مثل ماذكرو لك اخواني شيك على المراوح اول حاجه لوكانت تشتغل بتسمع صوتها على طول واذا مالها صوت فهي ماتشتغل من ناحيه الثقل غير صفايه البنزين وجرب السياره اذا تعدت ال160 بالراحه فالطرمبه ان شاء الله عندك تمام لأن اذا كانت الطرمبه ضعيفه تحصل الموتر اذا وصل الموتر على ال120 صار يتفتف ويقطع ويثقل وبإمكانك فحص ضغطها اذا كان اقل من 50 تحتاج تغيير وربي ييسر امرك وبالتوفيق........

شوف شيك على المراوح والرديتر وطرمبة الماء بس اتوقع المراوح وشغل المكيف وشوف شغاله او لا .
اما بمناسبة ضعف العزم فاذا كان فيه صفايه فغيرها واما اذا مافيها حط منظف بخاخات من ايسيدلكو الوحده تقريبا ب 15 ريال خذ 2 وعبي فل وادعس على السيارة وانشاء الله ترتاح .

اخي حمتو
اشكرك لانك دخلت الموضوع
ولكن لك التالي
يبدو لي انك خبير ممتاز جدا
ولكن لديك نقص لبعض المعلومات عن الكابريس
( تراك هبلت براسي لما جبت طاري راس الماكينه الله يخارجنا ان شالله )

اولا الكابريس الحرارة الطبيعية يكون الامبير تحت النص بقليل
وبرضه من الطبيعي جدا انو لما تكون السيارة حاره او مسخنه حتى لو ما ارتفعت الحراره الامبير

راح يكون المويه داخل الراديتر تفور
يعني اول ما تقك الغطا الله يعينك دور لك وجه جديد وخشم وسكسوكة
------------------------


ولكن المراوح شكلي بشتري لها دينمو واشوف لما تشتغل

وللافادة طبعا انا عندي طرمبة البنزني مره تعبانه تعبانه جدا ولا عندي فلوس اقدر اغيرها
لانها غاليه شوي تقريبا ب1200 الوكالة
والدليل انو لما يكون البنزين تحت الربع تبدا السيارة تفتفه قويه
وبرضه عزم السيارة جدا ضعيف لما ادعس
وبرضه لما اشغل السياره مع بداية التشغيل ينزل الضغط شوي ثم يرجع
هذا كلها ااثبتت لي انو الطرمبة خربانه
0000000000
بس انا اللحين متورط بالحرارة
هل تؤيدون اني اغير الدينمو حق المراوح واشوف

المروحة معطلة ؟ المشكلة منها روح لكهربائي يركب لك مروحة بقيمة لاتتجاوز 80 - 120 ريال بالكثير وخذ عليها ضمان شهر وشوف الحرارة واذا مافيه فايدة الله يعينك شيك على الحرارة عند المكانكي وشوف يمكن طرمبة او الله يستر راس مكينة :c0038:انتبه اذا ارتفعت عن النص دايما :c0214:وخليتها يمكن يروح عليك راس المكينة:a120(115): ولو تبغى تتأكد من راس المكينة فك غطا الرديتر وشغل السيارة اذا لقيت الموية زي النافورة تطلع فوق بشكل مفاجيء عند التسخين فهذا راس المكينة والله يعينك اتمنى اكون افدتك:a1120(82):

شيك على المراوح , وشيك على البلف يمكن محجر ومقفل .

إن شاء الله لموضوع بسيط وما يطلع عن الإثنين

ياصاحبي

الرديتر عندي انفجر علي ليلتين
لاني جيت افك الغطا وباقي فيه ضغط وانحرقت يدي والحمدلله خفيفه

ثانيا الرديتير اعتقد مافيه مشكله لان المويه ما تنقص
المراوح عندي وحده كانت متوقفه وتحتاج لدينمو

لكن وش الطاري لارتفاع درجه الحرارة الله اعلم
هل يمكن ان المروحه الثانيه برضه تعطلت

او هل فيه امور ثانية لا ادري عنها
انتظر منك الافادة
ولكم شكري