قي التاهو السته نقل مااااش

لا تقاوم @user_65857 · 31-12-2010

يا شباب انا شريت تاهو 2010 دفع رباعي وسته نقل قيره تغيراته عجيبه وباااارده وما ترتاح له كل شوي تغيير ... ما ادري لكن احس المكينه ضعيفه والقير السته نقل مو كويس معها .. خلوني اشرح لكم وش الي يصير .. يعني مثلا اذا دعست دعسه تبي تتجاوز السياره الي قدامك تحس السياره ما تتجاوب فتضطر تدعس اكثر فيصير ان السياره تنقل نقله قويه جدا مره اكثر من اللااازم ... فتحس السياره تعاني من القير او من ضعف الماطور لأن المكينه ما تقدر تعطيك التجاوب المطلوب بدون نقل لنمره قويه جدا .... علشان كذاا صرت الجأ الى التغيير بيدي احيانا هذي ملااااحضاتي عليه ....... انتضر مشاركاتكم :c0214:

سليم بن شداد @user_224942 · 07-01-2011

يا حبيبي يااليوكون 2010 ملك الخط هدوء وقوة ماشاء الله

والقير ولا احلى بس يبغى له تمرين وبعد 10 الاف تحس بان القير تعود على التغيير.

أبو ماجد البشري @user_109566 · 05-01-2011

القير الــ6 نسب هذا جداً مريح للمحرك مع السرعات العاليه تجد دورات المحرك قليله ولا تسمع المكينه شادّه بسبب السرعه وتلاحظ ذلك في مؤشر الريس لايتعدى 2ونصف والسرعه 150كلم وهذا افضل للمحرك ويقلل استهلاك الوقود بالأضافه إلى نظام تعطيل بعض عمل السرندلات عندما لايكون هناك حاجه لها اثنا الوقوف او الثبات على سرعه معينه وتعمل اوتوماتيكياً عند الحاجه لها .

ابو مشعل111 @user_249521 · 05-01-2011

هذي مو مشكلة ابد ياخوي

هو كذا أصلاً توفير للبنزين
إذا دعست دعسه خفيفة بيكون شابك على الـ4 سنلدر ولو زدت راح يروح للـ6 او ال8 فعلشان كذا تحس الدعسه تقوى مررره لأن التحويل من 4 إلى 8 بيفز لك الموتر تحس كان المكينة جاها نشاط فجأه

والحل انك تعود رجلك عليها لو حاطه على الـd
ولو تبيه يشبك على الـ8 علطول حول على السرعات الـ6 بس بيطير عليك البنزين
(على ما اعتقد)

أحب انوه ان هذي ميزه رائعة بالتاهو لاتحسها مشكلة في سيارات ينقصها هالشي

كلامك مضبوط -------------- وما ازيد عليه:xyxthumbs:

أبوسهر @user_80020 · 02-01-2011

هذا امر طبيعي فهي تقنية وليس عيب ...يبغالك تتعود انا التاهو حق اخوي بعد سياقته مرتين ...عرفت له ....

سويربان @user_131942 ..:: TAHOE//YUKON GRP. MEMBER ::.. · 02-01-2011

ياخي بالغت في الموضوع انا معي مثل موترك وما فيه الا الخير بس انت اوزن رجلك على الدعسه وتعود على دعسة التاهو وراح يكون تمام معك

ولا بالعكس انا مجرب الجموس كلها من موديل 88 الى 2010 واحسن جير شفته هو الجديد ابو ست نمر مريح جدا بمعني الكلمه

ساطع @user_23773 · 01-01-2011

نفس شعوري أول ما شريته
راح تتعود عليه وتصير تتجاوز السيارات بسلاسة بدون دعسة قوية
بعد ما تتعود على حساسية الدعسة
مع ملاحظة التالي:
ضبط مسافة بُعد دعسة البنزين لأنها كل ما بعدت راح تشعر بأنها بطيئة أكثر
اضف لذلك لا تتعود تدوس على طرف دواسة البنزين بل على كامل الدعسة وراح تتعود وتشوف الفرق

scatteril @user_246471 · 31-12-2010

هذي مو مشكلة ابد ياخوي

هو كذا أصلاً توفير للبنزين
إذا دعست دعسه خفيفة بيكون شابك على الـ4 سنلدر ولو زدت راح يروح للـ6 او ال8 فعلشان كذا تحس الدعسه تقوى مررره لأن التحويل من 4 إلى 8 بيفز لك الموتر تحس كان المكينة جاها نشاط فجأه

والحل انك تعود رجلك عليها لو حاطه على الـd
ولو تبيه يشبك على الـ8 علطول حول على السرعات الـ6 بس بيطير عليك البنزين
(على ما اعتقد)

أحب انوه ان هذي ميزه رائعة بالتاهو لاتحسها مشكلة في سيارات ينقصها هالشي

الله يعوض عليك اشوف اللي يشتكون من التاهو واليوكن كثيرون

مو كثيرة عاد حرام عليك ولكن كثيرين سياراتهم جديده ولاهم متعودين عليها

الذيب وخويه @user_243708 · 31-12-2010

انا معى تاهو 2011 ما لحظت اللى تقوله تعشيقه عادى اذا هى بالنفود
او على الطرق ما يغير انت رح اللوكاله واعرض عليهم المشكله

الليـــــزر @user_110539 · 31-12-2010

الله يعوض عليك اشوف اللي يشتكون من التاهو واليوكن كثيرون 0