ممكن خبراء القراند ماركيز

بارك الله فيكم وكثر الله من أمثالكم يا رجال

هلابك اخوي نابولي تسلم بس من ناحية الغسيل مافيه مشاكل اذا كان مومستمر يعني خلال كل سنتين مره لأني راعي خطوط والزيت 4 الاف 5 الاف بالكثير الا وهو صاير اسود استخدم الترا 7 وكنت مومقتنع من الغسيل نهائيا (مخ شايب) قلت ياولد خلني اسأل قبل خايف من الاضرار لما غسلت المكينه ماشاء الله والله امشيه 8 الاف واروح البناشر يقول كم ماشي اقول 4 الاف اختبره بالنهايه يقول مشيه الفين زياده يعني 10 الاف ومع ذلك الزيت مايسود مثل اول
لكن الاشكاليه هي عند استخدامه بعضهم يخليه ربع ساعه وهذا خاطئ حده 5 دقايق بالكثير اذا انت مغامر بالمكينه اذا تبي الغسيل اما ربع ساعه هذا اذا كانت السياره خلطت الماء مع الزيت وصلحت السياره بكذا لابد من غسيل المكينه يعني تخليه ربع ساعه لأن اغلب الناس يخطي بهاذي بالذات حبيت اوضح بالرغم من اني مستفسر من ميكانيكيين ثقه وفوق هذا الشايب الله يحفظه ميكانيكي برضو وافتاني مثل الميكانيكيين اللي انا سألتهم وكلن له رايه وانا اخوك انا ماانصح به بشكل مستمر وانما من فتره لفتره واعتقد ماصنع عبث لكن يستخدم للضرورته واسف ع الاطاله وبالتوفيق............

100 % اتفق معك في جميع ماتفضلت به
1- زيت الدفرنس لايتغير
2- زيت وفلتر القير من 40 الى 60.000 كم
3- الغسيل لاانصحك لعدم ظهور مشاكل اخرى انت في غنى عنها
4- التسخين ضرررروي جدا الصيف من 3 الى 5 دقائق والشتاء من 6 الى 8 دقائق

هذا علمي والله اعلم
والله الموفق

عدم تسخين الفورد اللي ثلاجته بلاستيك يكسرها مع استمرار عدم التسخين خذها نصيحه

هلا اخوي انا ميكانيكي سعودي وبدوي ايام الزمن الجميل كانوا الشيبان اذا قاموا بدري ماهوا مثلنا نقوم الظهريه يقول للعجوز سوي القهوه والفطور ابروح اشغل السياره علشان تحتمي زين ويرجع ويفطر هاك القرصان اللي على كيفك ويوم يخلص فطوره الا وهي حاميه ويطب عليها السوق يعني التسخين كويس ومهم للسياره وزيت الدفرنس يشيكون عليه بعد كم سنه اويصلحون تهريب بالصوفه حقت الدفرنس واذا كان ناقص يزودونه زيت عيار 90بس لان تغييره كامل يخرب عليك الكرونه انتبه تسوي غسيل للمكينه لانه يجرح عليك القمصان ويخرب السبايك وجلد البلوف والشنابر مع الوقت عمرك سمعت الشيبان يصلحون غسيل لسياراتهم حاجه جديده المقصود منها الربح على حسابنا والفورد انت عارف انه من قديم الزمان موجود وزيت المكينه غيره كل 4000كيلو والقير كل 30000كيلو اسال ميكانيكي ولا تسال نصاب حلو المثل

هلابك اخوي شوف زيت الدفرنس لاتغيره مهما كان الاكانك عملت له صيانه واضطريت الى فكه للأصلاح او اذا نقص تزيد فقط يعني انساه
زيت القير والفلتر من 40 الى 60 وحسب عنايتك للسيارة واستخدامك وانصحك بأستخدام الزيت المناسب للقير
ومن ناحية غسيل المكينه هو زين شين زين انه يشيل بقايا الزيت المكربن السابق العالق بالمكينه مع الزمن لكن يسبب بضعف بجلد البلوف يعني تستخدمه مره بالسنه مش بطال
التسخين افضل التسخين مهما كان صيف او شتاء ماراح يضر المحرك الا التسخين بزياده لكن مع المراعاة الصيف من دقيقه الى ثلاث دقايق الشتاء من خمس الى سبع دقايق بالكثير اذا انت تبي اقل من كذا بإمكانك الانتظار دقيقتين مثلا او الى ارتفاع الامبير فوق الخط الاول وبعدها تمشي بشويش لحد مايسخن صح مثلا الى ان يوصل للربع وتمشي عادي
وربي ييسر امرك وبالتوفيق...............

اشكرك يا غالي على الرد وعلى معلوماتك التي افادتني ونورتني فبارك الله فيك