مكيف سيارة ابــيكا 2006 أستفسار

ركب فريون اصلي امريكي 134a

وابعد عن الصيني لانك بتكره السيارة

ترى الكمبرسر في الوكالة ما اظن انه غالي

اهم شيك على المواصير رديتر المكيف شيك ما فيه تنسيم بعدين عبي فريون وتوكل على الله

غير البلف حقه 100 ريال وفريون جديد اصلي انا صارت معي

اشكركم على الاهتمام في الموضوع ولكن اخوي RZG واخوي عضو السوبر 32 واخوي اسامه انا صراحه ما قد سمعت بتوليف ولا عندي خلفيه فيه يعني لو بروح عند هندي وبيلاحظ اني ما اعرف التوليف بيجيب العيد فيني ولكن شكلي بركب حق بلدها بس اخوي فني سيارات نبهني على شي وشكلي بروح اليوم الورشه وبشوف اذا كان زايد او ناقص لان المعلومه هاذي انا قد سمعتها قبل كذا ومره وحده بسوي بسوي نفسي فاهم بتوليف وبحسسه اني خبير يمكن يكون الكمبرسر مضبوط بس التوليف يتغير واذا ما تيسرت الامور شكلي بروح منطقة الاحساء لان في ورشه هناك فيها سعوديين وانشالله تضبط الامور


والله يجزاكم الف خير

ما انصحك بالتوليف

حتى لو اعطاك ضمان
صح ان كمبروسر التيوتا بيحل المشكله بس حط حق بلدها افضل

لانو مو اي واحد يضبط التوليف

لانو ممكن يتغير مقاس السير وتتغير قاعده للكمبروسر وكمان مسار تمديد الليات ممكن يتغير

يعني راح تدخل في فلم هندي ماله اخر

انا قدر جربت وولفت كمبروسر كامري على اوبل استرا
ولا في صيف يجي الا تروح الورشه اكثر من اربع مرات كل يوم تهريب وغير كذا في بداية التوليف ضربة حول الثلاث كمبروسرات بسبب عدم اتزان الكهرب في الكتاوت و الكويل

فكانت القصه تحل مشكله و تطيح في مشكله ثانيه

ولا تنسى ان كمبروسر الكامري راح يكون اكبر بنسبه بسيطه و هذي النسبه راح ترفع لك الحراره شوي
فانصحك لا تولف

وقبل كل شي تاكد ان الكمروسر فعلا ما يصلح يعني لا يفتي لك الهندي و خلاص
يعني اول شي تاكد ان الكهرب توصل للكويل حق الكمبروسر او لا

لان الكمروسر خراباته مكنيكيه مو كهربيه يعني الكمبروسر لما اقول خربان معناته اما البساتم داخله تكسرت او انه متصلب او البلوف الداخليه تفوت وما يعطيك الضغوط المطلوبه عشان يشتغل صح


بعدين احسبها صح هو قالك بـ 1600 يعني يمكن الكمبروسر الجديد او تشليح ما يفرق معاك كثير يعني تزود الفرق و تحط حق بلدها اصرف لك و اريح لك

اعتقد ان كمبرسر الابيكا اكثر مايخرب فيه البلف ويتم تغيير بلف ويضبط الكمبرسر وموقع البلف في الكمبرسر نفسه

ضمان التركيب و الاشتغال 3 شهور جدا عرض مغري حتى الوكاله يمكن ماتعطيك هذا العرض ولكن السعر احسه كبير

ترى الكمبريسر لو كان الفريون ناقص شوي او زايد شوي مايشتغل لازم يكون مضبوط واذا تشوف ان خلاص الكمبريسر ما منه فايده وتقدر تبدله يكون افضل

هذا و الله اعلم