السلام عليكم ورحمة الله وبركاته
من سنة تقريبا خذيتلي سيارة بليزر وارد كندا وفيها ميزة هي النور يشتغل بالنهار بشكل اتوماتيكي ولا يطفي الا اذا طفيت السيارة او شديت البريك
الحين هي ميزة حلوة للي عندهم ضباب وامطار طول السنه والهدف منها هو ابقاء ناصية السيارة ومقدمتها على مرآى السيارات الأخرى
المهم
انا لست محتاج للميزة هذه وسألت كيف ممكن اكنسلها وجربت كل الطرق اللي هي تضغط 5 مرات على زر معين والبعض قال حساس البريك نعطله ولكن بتضل لمبة البريك والعه في التابلوا واللي قال روح لم فلان يزيطها ب100 ريال
واللي قال مدري وش يركبون على الحساس الخ ........
اليوم فريت بالنت عن الحل بالمواقع الأجنبية وحصلت الحل اللي اخذ مني شغل دقيقة والعدة المطلوبة زرداية براس ضيق فقط
تطفي الموتر وتسحب المفتاح برا وتفتح الكبوت وتشوف وين علبة الفيوزات وتفتحها وتبحث بالمخطط التفصيلي عن فيوز اسمه DRL وهو فيوز كبير او يسمونه كتاوت وتسحبه برفق بالزرادية علشان بيكون ماسك
ومبروك عليك الغاء الخدمة انا توني مجربها وشغلت السيارة وفكيت البريك ومشيت ولا ولع النور لوحده وولعت النور يدوي وطفيته والعالي والواطي والكشافات وكله تمام
بقي شي واحد في الليل نشوف هل تكنسلت معاه ميزة انه النور يولع لوحده لما تصير الدنيا ليل او لأ
المسا نشوف
