السلام عليكم
انا عندي كابرس موديل 89 غيرت مكينته 3 مرات, وكل مكينه تجلس كم شهر ماشيه بعدين تبدا تنتع, مع اني محافظ عليها. كل مكينه تقريبا كلفت من 2000 الى 3000.
ابي مكان يبيع مكاين شغالة زي الناس, ويكون سعرها معقول. السيارة ابيها استعمال يومي.
اذا انت ساكن بالرياض ياحظك ...
ياكثر التشاليح هناك
اخوي جاب لي مكينة 350 حقت جمس لونها ازرق مع الديلكو والدينمو وكل شي ومع قير عايدي بـ 1700 وبدون القير بـ1500
وركبنها على كابرس
اذا رحت تاخذ مكينة خله يشغلها قدامك بس تأكد انها باردة عشان تشوف كم تاخذ فترة التشغيل والطريقة : حط يدك على الاقزوز اذا لقيته دافي يعني اشتغلت قبل ماتجي واذا طلعت باردة واشتغلت على طول او تأخر بسيط هذي اوكيه
وثاني شي ماتكون فيها تفتفة وبعد مايطفيها شيك ع البواجي كلها وتأكد انها سليمة من الزيت
لو لقيت زيت معناه ان المكينة تحتاج شنبر وهذا يكلف 1300 (نص توضيب)
وشوف عيار الزيت نظيف ولا فيه ريحة شنبر او مخلوط مع ماء
ولاتنسى تشرط عليه الترجيع عشان اذا طلعت مشكلة بعد تركيبها ترجع له..
اخوي رجع ثلاث مكاين مرسدس والسبب : عند التشليح شغالة تمام ولما تركب ع السيارة تكون مو صافية
