انقل لكم تجربتـي لأفالـون 2011 لمدة 4 شهور بالضبـط

السلام عليكم

اشكر الجميع على المشاركة واخص بالشكر صاحب الموضوع الاخ خالد

الموضوع مع الاسف انحنى منحنى لم ارغب به وارى اغلاق الموضوع هو الحل الافضل

تحياتي لك

انا موضوعي واضح وحطيت رأيي في موضوعي ماعجبك لاترد

انا ابسط الفكرة لك

فكرة موضوعي / إلي يبي يشتري السيارة ويبي يستفسر يقولي وانا اجاوبه وانا مجربها.

وانتا داخل عرض وتقول هياط وقاعد انت تهايط على راسي ياخي روح افتحلك موضوع واكتب عن التورس والماكسيما وذم الافالون زي ماتبغى ماحد يكلمك

وأقولها انت إلي احتترم نفسك وردك ماهو عقلاني

معليش ياخوان أي استفسارات عن السياره رساله خاصه لاهنتم

الموضوع هذا ماحرد عليـه

السلام عليكم

ماشاء الله تبارك الله

الله يعطيك خيرها ويكفيك شرها

صراحة سيارة تحط فلوسك فيها وانت مرتاح

واذا فكرت تغيرها بعد كم سنة تلاقيها شيك في جيبك وهذا اهم شي عندي :xyxthumbs:

عزيزي سالم

ألف ألف مبروك السيارة أختيار ممتاز جداً ، سيارة راقية وفخامة ولها حضورها وهيبتها

لا تسمع ولا تنزعج من الأصوات اللي تناقض ماذكرت

أنا شخصياً كنت قاب قوسين او ادنى من الأفالون ولا زلت متمسك بقناعتي فيها

بخصوص ما ذهب فيه الأعضاء من حديث يشير إلى المقارنة بين التورس والمكس والأفالون فأقول أن المعادلة خاسرة بوجود الوكيل والصيانة والدعم

تسقط فورد وتسقط النسيان وتبقى تويوتا متواجده في كل مكان وزمان بقطع الغيار وبمسك السعر وبالطلب في السوق السعودي خاصتاً

لو كنت بالأردن لأشتريت مرسيدس ، وبالسعودية تويوتا وقس على باقي البلدان والدعم الشعبي لأي سيارة

وعلى فكرة سعر الفل من الأفالون بدون شاشة 129000 ينقص ألف أو يزيد

والتوريس الفُل بـ 148 جنون هالسعر مقارنتاً مع النص الفل والاستاندر أقل من التسعين

الأفالون من جد من سماها ملكة فقد أصاااب

بخصوص تعييب السيارة من قبل بعض الأعضاء أود أن أذكر فقط

هُناك صنف من البشر أول ما يمسك الشي أول يشوفه يدور عيوبه ويعدد
هُناك صنف من البشر أول ما يمسك الشي أول يشوفه يدور مزاياه ويعدد

الرد بالشارع وعدد البيع ومسك السعر .. الرد ليس بذكر بعض المزاياء التي لن تفيدني أكثر من أن تثقل علي بالسعر والوزن الخ

أفالون سيارة فوق الجمال .. لا يؤثر فيها من رفع الصوت بالعداء لها

الله يوفقك أخوي ويعطيك خيرها ويكفيك شرها .. الناس مو سواسيه

لكن يختلفون في الأحترام كل شخص وعلى حسب تربيته

تجد من يحمل عقل رجل يبلغ من العمر 100 عام وهو بعمر 14 سنة
تجد من يحمل عقل طفل يبلغ من العمر 4 سنوات وهو بعمر 30 سنة

علماً أني حضرت لتورس وللأفالون وللمكس .. وأختار الأفالون بلا أدنى جدل

تحياتي لك ولمن تواجدك بموضوعك :smile:

ردي كان بطريقة عقلانية و واضحة و بكل الاثباتات والمزايا والمقارنة بين كل السيارات المذكورة بالعيوب والمميزات ..

انا استغرب اسلوبكم السيء .. والاوصاف اللي تطلقونها " مبزرة " و " مراهقين " وغيره

عزيزي انا عمري 27 .. واحترم كل الموجودين هنا واقولك باختصار :
احترم نفسك وتكلم بأسلوب رجال :) ..

اخوي سالم الخالد،

الله يبارك لك في السيارة
الله يعطيك من خيرها ويكفيك شرها

واختيارك موفق ومعروفة الافالون بالجودة والنشاط
واما الصدام فلاتنزعج لانه قد يكون مثل ما ذكر في القران "فاردت ان اعيبها"
ومشكور على ذكرك للعيوب حتى يستفيد من بعدك

من ناحية الردود فاخوي تقبل ما ذكره الاعضاء الا في حالة التجريح الشخصي فهذا لا يقبله العاقل ولا غيره وهو مركب السفيه

وتسلم

الله يباركلك بموترك ..

بس اعجابك بسيارتك لايعني انها اصبحت افضل من المكس او التورس ؟؟

تقبل تحياتي ..

ودي اسألك سؤال

كيف تشوف اسعار قطع الغيار الاستهلاكية

يعني البواجي ، الفحمات ، الاقمشة الخلفية ، استهلاك الوقود ، نوعية الوقود

ولا تنسى اسعار صيانتها عند وكالتها .. اذا عندك خبر فيها


ومبروووك عليك السيارة . جعلها من مداخل الخير عليك

والله السيارة عند المرور عندنا في البحرين ويوم سألت واحد من الربع يشتغل في المرور قالي بالحرف الواحد السيارة (زبالة) وكل يوم فيها مشاكل وما تتحمل ابدا !

طبعا اتكلم عن الموديل القديم وما ادري عن الموديل الجديد !

يقول الوحيد الي صامد وما شفنا منا مشاكل كان المرسيدس فئة E Class

الـف مبروكـ
ما شاء الله السيارة شكلها كلآم ثاني وأفضلها على مكسيما و الفورد

++++++++1
:xyxthumbs:

الله يعطيك خير موترك ويكفيك شره :)

وعسى ربي يكفيك شر الحسد والعين :smile:

فيه مبزره هنا كثيريين وحسووودين ولاتلقي لهم بآل القافله تسير والهو هو ينبح :xyxthumbs:

هذا الكلام يؤسفني انك ماتفهمه .. فخله للخبراء .. راح ارد عليك بنقطة نقطة .

1 / طول العجلات يلعب دور كبير .. والخبراء يعرفون هالشيء .. والسيارة الاطول في قاعدة العجلات افضل من نواحي كثيرة .. ( اسأل الخبراء عزيزي )

رابط لخبراء اجانب :
http://www.askautoinfo.com/discuss/cluster_134/topic_af_general_319724/page_1.html

فكون التوروس اطول عجلات بفارق ملحوظ من الافالون هذا يعطيها نقاط لصالحها ..

2 / الارتفاع عن الارض .. التوروس ارفع من الافالون بفارق 1 انش .. وهذا عندنا هنا بالذات ميزة قوية جداً .. فتفتك من عيون القطط المزعجة والمطبات وقلق الحفر اللي في شوارعنا .

3 / نظام مايكروسوفت SYNC هذا ماهو مجرد نظام موجود بالشاشة يااخي الكريم راجع ردي السابق وشوف النظام كيف يعمل ..

4 / الجنوط الاكبر اجمل شكل و اكثر ثبات للسيارة وافضل توجيه . ايضاً بهذا الموضوع بحط لك رابط خبراء اجانب :
http://wiki.answers.com/Q/Which_is_better_big_wheels_or_small_wheels

الاجابة : big wheels because they are good for handling
الترجمة : الجنوط الكبيرة لانها افضل للتحكم .

اذا بتتابع معي الحوار ياليت يكون حوار هادف لاتتهجم ولا تتكلم بأسلوب سيء .. اذا عندك شي هاته لكن ياليت يكون منطقي و مثبت .. وعطني نقاط 1 / 2 / 3 / .. عشان ارد عليك فيها واحد واحد ..

واللي يبي يستزيد يرجع لردي في الصفحة 12 وهذا رابط الرد فيه اكثر من 15 نقطة ذكرتها ولا واحد حتى الان رد علي فيها برد منطقي لصالح الأفالون :
http://www.assayyarat.com/forums/post2511611-96.html

اطيب تحية

احترم اراء الجميع ..

لكن اللي يقول تعصب اسمح لي ياخوي انا ماني متعصب ..

انا شخص عندي خبرة بسيطة وحبيت افيد الناس فيها .. ورداً فقط على من قال بالموضوع ان الافالون فيها مواصفات غير متوفرة بمنافساتها .. وهذا الكلام غير صحيح بل العكس .

الافالون سيارة ممتازة ومريحة جداً لكن فيه اللي افضل منها ! ومنافساتها طرحوا تقدم كبير جداً بخلاف الافالون ماختلف فيها غير الخلفية والواجهة الامامية مع بعض الفروقات اللي ماتذكر لفائدة المشتري !

اما بخصوص مايكروسوفت فاقولك عزيزي واذكرك انك تستخدم مايكروسوفت يومياً وكلنا بحاجة لمايكروسوفت .. واذا ماتعرف شي عن النظام ابحث واستعلم .

نظام SYNC
اروع نظام جديد لتكنلوجيا السيارات بشكل عام .

مقاطع :
http://www.youtube.com/watch?v=p9AJbPBj4Bk&feature=fvst

http://www.youtube.com/watch?v=lOv6dgq8YmM

http://www.youtube.com/watch?v=7T6p9gUCmoM


تحياتي للجميع

واكرر الافالون سيارة رائعة وفخمة .. ومظهرها مايعيبه شيء ..

لكنها دفع أمامي .. وأكره الدفع الامامي كرهي للموت ..

اللي جرب التوروس امامي ودفع رباعي يعرف الفرق بين الاثنين بالثبات... وان شاء الله راح اطرح موضوع بتجربتي قريباً للثلاث سيارات :

توروس دفع امامي فل اوبشن
افالون ليمتد فل اوبشن
توروس دفع رباعي فل اوبشن

بفهم الحين وش قاهركم ان الرجال شاري افالون !!
الرجال السياره عاجبته وداخله مزاجه ويشوفها افضل من غيرها
ونقل تجربه شخصيه له يعني ماجاب شي من راسه او من بنات افكاره
فرجاء هذا موضوعه واحترموه وقدروه واللي عنده كلام ثاني يحاول يفتح له
موضوع ثاني ويسرد اللي يبي
ووالله لو معي مبلغ الافالون لما ترددت ابدا في اقتناءها
ع الاقل شكل السياره فيه هيبه ومااقلل من هيبه التورس لانها جميله ايضا
لكن خلفيتها سيئه اما الماكسيما من وجهة نظري شكلها جدا سيء
وماينفع لجميع افراد المجتمع ويكفي ان الافالون تتفوق في السعه والراحه وتوفر قطع الغيار وانتشار الوكيل

اما من ناحية العزل فيشهد الله اني مجرب موديل 2009 اقسم بربي انه عزل رهيب
مع اني جربتها وكان فيه هواء وعج وكنت امشي 170 ولااسمع للهواء حس!

انا متابع ومراقب موضوعك من اول اخوي سالم .. وسبق وقلت في نفس الموضوع الي عنده تجربة يضعها بموضوع منفصل

وشخصيا ارى ان تبقي موضوعك للاشخاص الي بغون يستفيدون ويحتاجون معلومات عن الافالون

بالنسبة للاعضاء الي تكلموا عن التوروس والماكسيما ، خلاص انتو حطيتوا مواصفات السيارتين

والرجل حط مواصفات سيارته ، والقارئ له الحكم والخيار ، مانجبر احد انه يقتنع او مايقتنع من الافضل فلكل شخص وجهة نظر

طيب هل هذي مواصفات ماهي بالافالون

يعني هل الافالون بدون أحصنه وبدون مكينة وبدون جنوط ؟؟؟ ههههههههههه الله يسترعليك بس

والاخ الي كتب مواصفات التورس ماكتب مواصفات

قاعد يقولي نظام مايكروسوفت ونص المواصفات في الشاشه؟؟؟
ويكتب السيارة مرتفعه ومنخفضه ومايله شوي هل هذي مواصفات؟؟؟

للاسف أعضاء يستخفو بالعقول بشكل غير طبيعي للتقليل من قيمة الافالون بأي طريقة

الممهم ياخوان والله آخر رد ليا في هذا المنتدى


وبسلامتكم وياعالم خذو ماكسيما وتورس لاحد ياخذ افالون لانها ماهي مرتفعه ومافيها جنوط وشاشتها مافيها مايكروسوفت

[/CENTER]