السلام عليكم
انا قبل امس طلعت لي النترا 2011 ستاندر و حتى الان ماشيه 500 كيلو
عندي كذا سؤال
1- هل اقدر اشغل المكيف الحين و الا بعد ما اسوي التشييك حق 1000 كيلو
2- الكفرات هانكوك الكورية بس احس انها فيها شي من القساوه عند المطبات و عيون القطط << مالحل معها
3- اذا مشيت في شوارعنا الحلوه و جتني نزله و الا حفره صغيره و مريت عليها احس انها قاسيه شوي ما ادري ليش و هل مع الوقت راح تلين او اكلم الوكالة و هل الوكاله راح تغيرها مجاني و الا تبي تقص ظهري في صيانة 1000 كيلو
4- و اخيرا ابي الشنطة تنفتح بالمفتاح بس .ماابيها من داخل خوفا من السرقات و غير كذا عندي ماطور هواء في الشنطة خايف عليه يروح.
و اسف على الاطاله و شكرا لك
السلام عليكم وألف مبروك على السيارة الجديدة أنا كان معي أختها 2009 وبغيت أقولك رأيي الشخصي :
1- شغل المكيف واتوكل على الله أنا أشغله من أول كيلو والحمد لله كل شيء كان تماااااااام .
2- الكفرات هانكوكا الكورية اللي تيجي معاها ممتازة مشيت معي 25000 في سنة ونصف ولا اتغير شكلها ولا أدائها . بس فيه شغله السيارات بالغالب تيجي مضغوطه هوا زيادة انا سيارتي كانت مضغوطة 40 وفي صيانة الألف قللها شوية أظن 30 صارت أحسن يبغالك تراجع ضغط الهواء.
3- السيارة قاسية لا تحاول هههههههههههه السيارة فعلا قاسية شوية تحس بكامل تفاصيل الطريق في الحفر الصغيرة والمطبات تحس بكل شيء لما تققل الهوا شوية هتتحسن شوية بس تتظل قاسية برضه بس لا تزعل لأن قساوتها دي تعطيها ثبات غير عادي في الخط جرب امسك خط وامشي 200 ما هتحس بفرق كأنك ماشي 120 بس انتظر لما الماكينة تلين بعد ألف كيلو أو ألفين هههههههههه. ثم صيانة الألف كيلو مجانية ولا تغير زيت فيها .
4- حكاية الشنطة تنفتح بالمفتاح بس ما اعرفلها بس ليش خايف السيارة دام مقفولة ما هيقدر احد يفتح الشنطة من الزر إلا إذا لا قدر الله كسر الزجاج وفتح السيارة وفي الحالة دي نزعل اكتر على زجاج السيارة واللي ممكن يحصل فيها لا قدر الله اكتر من زعلك على اشياءك اللي في شنطة السيارة ورأيي الشخصي المتواضع اذا تبقى تلغي فتح الشنطة من الداخل تفك ديكور الباب وتلغي أسلاك زر فتح الشنطة بس عسى ما يكون عندك نظام طي الكراسي الخلفية اللي تفتح على الشنطة وفي الحالة دي ماله داعي تلغي اسلاك ولا غيره لأنه بيفتح الشنطة عن طريق طي الكراسي الخلفية .
أرجو إني أفدتك واذا عندك اي استفسار عن السيارة الجميلة دي قول
انا الحمد لله الان معي توسان 2011 مالها اسبوعين بس الله يحرسها يارب
