أخوي أنا من ممتلكين هالسيارة من قرابة الـ 9 شهور و هي Audi Q5 2010
طبعاً أنا شريت السيارة من البحرين مع العلم اني من سكان الدمام , السبب اني لقيت عرض على سيارة الـ Test Drive عندهم , ماشية 1600 كم و نزلوا من سعرها تقريبا 35 ألف ريال , هي جديدة في البحرين بـ 210 ألف بس أخذتها بـ 177 ألف
فيه فروقات بسيطة بين سيارة البحرين و سيارة ساماكو :
أولاً: الجنط اللي على سيارتي هو نفس جنط الـ S-line الفعلي مقاس 20 ( أحلى جنط على Q5 )
ثانياً: سيارتي فيها ميموري لمقعد السائق
ثالثاً: سيارتي 6 CD بدال سي دي واحد لدى ساماكو
لكن سيارتي ما عليها كت الـ S-line
طبعاً الضمان يمشي سواء انت شاريها من البحرين أو من الدمام , في البداية حاولوا يخوفوني لأني حاجز سيارة من ساماكو و يوم شفت هذي غيرت رايي و سحبت العربون , قالوا لي انتبه ترى تحتاج تفتح ملف و تدفع 20 ألف و من هالكلام , اتصلت على مسؤول أودي الرئيسي في دبي و نفى هالكلام و قالي السيارة ضمان الخمس سنوات ضمان من المصنع و ما هو حكر عند وكالة معينه فـ ريحني كلامه
تشييك الـ 15 ألف وديتها ساماكو و شيكوها زي الشطار و ما تكلموا و لا كلمه و عاملوا السيارة و كأنها سيارة ساماكو
السيارة إلى الآن ما لاحظت عليها و لا مشكله , مريحه , ملفته للانتباه , عددها قليل ( و هذا كان سبب اقتنائي لها ) , يكفي ان اسمها أودي , مسكت فيها خطوط زي الفله , عازل صوتي رهيب
وش أخلي و وش أقول , سيارة ما تتحسف على كل ريال تحطه فيها
الله يوفقك و يكتب لك اللي فيه الخير
و مبروك مسبقاً
