السلام علكيم ورحمه الله
( يا ترقرو الموضوع بي الكامل او مره لا تقرو واله شي )
شباب انا نفسي كلامي هادا يوصل لي واحد كبير في المرور واله واحد مسؤول رفيع المستوى ( ههههههههههه زي الي يقولو في الاخبار )
الى متى وحيفضل تخلف رجال الامن
الى متى ويفهمو رجال الامن
الى متى ويبطلو رجال الامن من الظلم والتكبر وسوء المعامله :mad: الخ ......
احكيكم مره اش صار معايه
مره طلعت مع شباب قبل تقريبا شهرين المهم
قلنا خلينا نطلع طريق المطار واحنا في الطريق نشوف قدامنا زحمه شديده انا قلت يمكن حادث قوي نزلت من السياره قلت يا شباب ترا ما ادري اش في يبغالنا ناضور هههههههههههه طلع في تفتيش قدام يمكن بيني وبين التفتيش من غير اي مبالغه 80 سياره والطريق يتسع لي اكثر من اربعه سيارات وبي الراحه مو مشغلين الا صفين وتعالو شوفو في النهايه المضاربات الي تصير لمن كل واحد يصقت على الثاني
جلسنا في التفتيش يمكن اكتر من نص ساعه يا اخوان اش رايكم تفتيش زي دا وفين في طريق المطار يعني لو واحد كان متاخر على طيارتو ويلقا قدامو تفتيش زي دا اش يسوي المهم انا ضربت الفيوز عندي تدرو اش سويت
صرت ادق بوري اول ما دقيت بوري الناس الي كانو واقفين معايه كلهم صارو يدقو بوراي وانا الي مقومها :D والله يا سوينا رجه داك اليوم
واخيرا لمن وصلنا عند نهايه التفتيش قالي العسكري ( رخصتك واستمارتك وجنب على جنب ) ينفع يصير شاعر ههههههههههههههههه
جنبت ونزلت من السياره يقلي ليه يا شاطر تدق بوري قلتلو يا اخي ليش كده زحمه اش الناس ماوراهم مشاغل رد عليه وقال هادا جزات الي يحميكم ويحرسكم بعد الله قلتلو يا حبيبي اذا انتو تحمونا كده الله لا يشتكرلكم تسميها حمايه وتعطلو الناس عن مشاغلهم و ليه ما تخلو التفتيش اربعه صفوفو بدال ما يكون اثنين اش خلصو العساكر وبعدين اذا طلع واحد من الي تفتشهم تعرفو ما تقول يا اخي خلي السلام بعدين سلم وامشي خلاص لا لازم يسلم حربيه وكيف حالك وكايف الاحوال والرعيان علومك واش سويت في والظيفه الجديده ان شاء الله مبسوط الخ........... ويقعد اكتر من 10 دقايق يدردشو والناس مساكين جالسين يستنو والي يتكلم ياكل على راسو تقلي تحمونا
قالي انت قليل ادب وما تستحي قلتلو الي يقول الصراحه في الزمن دا صار قليل ادب قلي استنا ولا تتحرك
والله يا شباب جالس عندهم عند التفتيش اكثر من ساعتين الا ربع كل بعد 10 دقايق اقلو يا ابن الحلال هات الرخصه والاستماره خليني امشي يقلي تعالي بعد 5 دقايق وامشيك ارجعلو بعد عشره دقايق اقلو خلاص غلقت الخمس دقايق يقلي لا تعال بعد 10 دقايق وعليها الين ما صار لي ساعتين
لا والي عجبني وقفو راعي شبح قلو الرخصه والاستماره وجنب ادالو المطلوب نزل من السياره قالو خير يا عسكري قالو ليه فاتح المسجل عالي يالله اركب الجيب خلينا نوديك القسم
قالو اولا انا ما فتحت صوت المسجل عالي
تانيا اش القانون دا الي يقول اي واحد يفتح صوت المسجل ودي القسم
ثالثا رخصتي واستمرارتي عندك ورب الحلال انما اخليك تجبلي هيه لي حد بيتي مشي راعي الشبح والله يا شباب الشرطي صار يجري ورا قالو شكلو هادا مو واصل وبس قالو معليه ادالو الرخصه والاستماره مشا زي الشباب
وغير كده كتير من القصص مره واحد عسكري وقفني يقلي انت مسرع قلتو لا مني مسرع قالي استنا خليني اتكد رجعلي قالي الا انتا وصار يكتب مخالفه يا اخي والله مو انا قالي الا انتا ولمن بي يكتب المخالفه قدام نوع السياره كتب شوفرليه قلتلو شفت اني مو انا هادي كرزلر ماهي شوفرليه قالي يعني انت تبي تعلمني اش اقلو بالله اخذت القسيمه زي الشباب
اسف على الاطاله والله في مواقف كثيره جدا عشان كده اي واحد سرلو مواقف زي كده ياليت يكتبلنا اش صار معا :D
تحياتي : محب الفايبر |4|
يا ليت قولي هل ابيتن ليلتا من غير قلق الحكوه اني اذا لا سعيدو :D
ههههههههههههههههههه
