سيارة ندمت إنك أشتريتها

هلا اخوي ....

في البداية حبيت اشكرك على هذا الموضوع الجيد ... والمفيد ...

اما بالنسبة إليّ .. السيارة الامريكية التي امتلكتها هي كاديلاك الدورادو .. موديل 97 .. محرك نورث ستار ... وبكل صراحة لم اندم عليها نهائيا ً

بكل امانة السيارة كانت في قمت الروعة ....

سلاسة في القيادة ، متانة ، قوة محرك ، شكل جذاب ورائع وملفت ( في ذلك الوقت ) ، فخامة ، مواصفات ، جودة ( بكل صراحة جودة الكاديلاك في السابق كانت غير ) ، ...

اما بالنسبة الى المشاكل ،،
عدم توافر قطع الغيار ( وان توفرت يكون سعرها مرتفع ) ، المحرك معقد نوعا ص ما ( من الصعب ان تلقى من المكانيكيين من لدية المعرفة او الالمام التام بكيفية التعامل مع مشاكل السيارة المكيكانيكية والكهربائية بذات ) ، عدم المحافظة على السعر ،،،
وهذه المشاكل انا ماعانيت منها لاني كنت اعتني بالسيارة بشكل جيد ،، ولكنني عانيت فقط من مشكله في الكهرباء وهي قائمة الى الان ( ولكنني لم استغني عن هذه السيارة الى اليوم ... لشدة حبي لها ) ..

بكل امانه ... لم اندم في يوم على اقتنائي لهذه السيارة بالعكس انا من اشد عشاق هذه السيارة الى يومنا هذا ....


وشكرا ً لك يااخوي مرة ً اخرى على هذا الموضوع ....

أنا ما فيه سيارة هبلت بي مثل الدوج الله لا يسامح من سواها

دوج سبيريت موديل 94 تخرب و تنطفي من دون اي اسباب

و ملياااااانه حساسات و اذا خرب واحد منها حاس الدنيا كلها

و الحمدلله انها ما ذبحتني لأنها طفت علي كذا مرة و إحداها و أشنعها ::: كنت راجع للبيت و أمشي بالحواري و جيت في لفة و تنطفي السيارة و يقفل علي الدركسون و القير و ترتد الفرامل و أما الجلنط فما عندك احد و في اللفة ذي كان فيه قراج بيت في الزاوية و الله يا إني كنت بأقلط عندهم بوسط حوشهم ذاكـ اليومـ,, والله ما كان بيني و بين القراج الا مسافة متر تقريبا أو يمكن أقل و السيارة ما كانت بتوقف لولا الله ثم المنحدر حق القراج حق البيت و المشكلة إنها كانت تشتغل و تمشي حوالي 300 متر و تطفي مرة ثانية

في الأخير بعناها ب800 ريال و كنا شريناها بـ15000 قبل سنييييييين و أستخدمها كذا شخص من العائلة و بعديت جايتني و كل من يآخذها لازم يمر في معاناهـ معاها ,, أو بالأصح انواع المعاناهـ و مصايب الحساسات حقتها اللي تنفصل و تخرب بلا اي اسباب

و قطعها نااااااادرة جدا و غالية جدا حتى قطعها من التشليح أغلى من قطع بعض السيارات الجدد و القطع جديدة وكالة بعد

أذكر نسيبي يقول المساعد الواحد بـ240 من التشليح!!!!!!! لسيارة موديل !!!!94 و اذكر مشاكل بالكهرب لها بداية و لا لها نهاية و فعلا بدون اي مبالغة و لما يخرب شيء حط في بالك انك بتداوم في الورش

ثاني سيارة كانت لأخوي الكبير: أوبل أوميغا موديل 2003 هذهـ أسوء سيارة مرت علينا كلنا,,, خراباتها كثيييييييييرة و المصيبة إنها اعطال مصنعية كلها و الوكالة "الجميح" ما يعرفون يصلحونها و يرفضون يرجعونها عندهم و لا فيه احد يعرف يصلحها, و قطع غيارها فاحشة الغلاء... أذكر كنا نوديها للورش اللي مختصين بتصليح المرسدس و البي أم و كانوا يردونا و يرفضون تصليحها لأنها شديدة التعقيد
و مشاكل الوكيل أشنع و أردى من مشاكل السيارة و المصيبة الأكبر إنك تشتريها بـ 80000 ألف و إذا جيت تبيعها ما تسوى أكثر من 8000

و أما الألتيما صراحة سيارة بمعنى الكلمة: خدومة و جيدة و لا شفت منها الا كل خير و الله اني بعتها و أنا راضي عنها تماما و جودتها ممتازة و لا تطلب قطع لدرجة إن مشيت على الفحمات 50000 أو أزود بعد و كان باقي فيها شوي لكن يطلع لها صوت تصفير و غيرتها و راح الصوت و مكينتها صاروخ ارض ارض و مريحة جدا جدا و مكيفها فريزر ما شاء الله عليها.

عيوبها انها نااازلة من ورا و حليتها بتركيب كعكات...::: قطع غيارها مرتفعه اسعارها شوي و لكنها متوفرة بكثرة::: سعر السيارة يطييييييح مررررة عند اعادة البيع::: كثير من القطع بالسيارة بلاستك سهل تتكسر... و بس

و قد إستخدمت أبيكا 2005 كانت جيدة و مكيفها ممتاز مررررة و مريحة السيارة:و لا لاحظت عليها شيء لأنها ما طولت معاي,,, لكن أذكر ناس كثيرين ما يمدحون جودتها ابد.

و قد مرت علي سيارات كثير لكن م عليها ملاحظات و السيارات اللي ذكرتها انا هي هذهـ أهم السيارت بالنسبة لي و أحبها على قلبي الألتيما.

.
.
.
.
.
.
.
.
.
.
.

مرسيدس كمبوسر 2005 فل ابوشن
اسواء سيارة بعد 6 اشهر من شرائها من وكالة الجفالي ( حسبي الله عليه ) السيارة تتفتف في الخط وانا ماشي لازم اطفي السيارة واشغلها ثاني عشان تروح بالاضافة انه صار لي فيها حادثين والحمد لله طلعت منها سليم وبعتها بخيرها وشرها ما انصح بها بالاضافة ان وكيلها تعامله زي الزفت خاصة اللي بطريق المدينة بجدة كلهم شوام ويتكلمو من طرف خشمهم وما عند امهم صيانه كذابين اكثر من مره وديتها عشان التفتفه يخلوها واقفه يومين ويتصلوا عليه يقولولي حطلها زيت تنظيف في تانكي البنزين حسبي الله عليه هذا اكبر سبب يعدم المكينه

ها يا شباب وين الردود ؟؟؟

مو شرط أخوي الكاديلاك مو بس عند الجميح في فعدة وكالات منها التوكيلات و بالبيد وكلها صيانتها ممتازة مع احترامي للجميح .

الهمر موديل 2006 وبعته بـ 95 ألـف بشق الانفس ههههههههه
مشكلته يطيح سعره بسرعه

وبالنسبه للأعطال الحمدلله موتر حق كررررف ويتحمل واعطاله قليله مراااا وحلولها بسيطه ولكن المشكلة في الجميح وتوفير القطع
لان حجز الصيانه فيه مماطله وتوفير القطع مماطله وتاخذ من شهر لشهرين واشياء كثير تكرهك في الهمر بسبب الوكيـل

واذا دخلت السياره عنده عشان عطل انسى تخرج في ثلاثه ايام تاخذ عنده اسبوع او اسبوعين
وكمان مافي مكان تودي الهمر عنده كل ماروح مكان يقولي ماسوي همر يعني تتعب في الصيانه

ولا ما شاء الله تبارك الله الهمر موتر ينفع كشخه ويلفت نظر وحق تطعيس ومناطق صخريه وبتاع كلو

وانا كنت ناوي على كاديلاك بعد الهمر بعدين فكرت فيها نفس الوكيل ههههههههههه يعني مافرقت

ولو تعدل الوكيـل صدقني لأرجع للهـمر

همر h2 واقسم بالله سيارة مالها مثيل ياناس والله هيبة في الشارع
تمشي والعالم كلها تناظر ملفته وكشخه وفخمه وهيبة وقوة وحجم مميز وشكل مميز وكل شي فيها مميز ومن أفضـل السيارات إلي امتلكتها في حياتـي

لكن كرهت السيارة وبعتها من الوكيل ( الجميح ) الله ياخذه واقسم بالله كرهني فيها الله لايسامحه

ههههههههه
لو تبيعها عندنا في الطايف تجيب سعر :bigggrin:

موتري القديم لومينا ال اس ٢٠٠٥ فكني الله منه توني بايعه السبت الماضي على شريطي ب١٦ الف
جودة هالمواتر الاسترالية (هولدن)سيئة من جميع النواحي واساءت لشركة شفروليه الامريكية العريقة
بالنسبة للخرابات هي :
مرة كنت رايح الجامعة وماشي بهداوه وروقاان فجأه سمعت شي انكسر وطقه قوووويه لدرجة ان الظغاط او الزر حق القير نتطت السسته علي من اللخمة على طول جنبت نزلت ولقيت الزيت كله يخر برااا طلع الكارتير منشق وكراسي المكينة تكسرت
الكمبرسر غيرته جديد وكلفني ٢٥٠٠ غير التصليح
الفحمات تصرصر وتنتهي بسرعه
الموتر جته فترة حاله هستيرية عز الصيف ترتفع الحرارة ع الاخير فوسط الزحمة شي يطفش المشكلة مايمديك تجنب

كـآبرس 2003 LTZ v8 اللون عـودي لعـنة الله عليهـآ ..
تـمت توظيبـهآ مرتـين والتوظيبة الثآلثة تم تغيـير السلندر كآملآ من التشليـح لزيآدة الشفة ..
تشـرب بنـزين كأنك تكـب جآلون في الارض << انعـن ابو الوصف اللي تسـذآآ ..
و ايضآ انفقـع الراديـتر فجأة لحـآله . طـآح الشكمـآن . في الخـط السريع طـآرت علي قزازة المرآية حـقت السـآيق . سبـق وخـبط عند اشـآرة كـبري السليمانية بجدة . النـور صـآر يحط العآلي ويعلق لحآلة . آخـر حيآة السيـآرة مع الوآلد احـترقت , وقفهـآ ورآ صـآلون الحلاقه .. وحـلق ورجع يطآلع الا والكابرس محرووق .. مدري هو التمـآس و لآ الكـآبرس فلسـع ..
طـبـعآ هذا خـويي اللي قـآل لي الكلآم ذآ ..
لذا تنبيـه هذي السيـآرة ليست سيآرتي مفهووم صديق :)

لنكولن ls موديل ٢٠٠٠ موتر الوالد الله يحفظه

عموما سيارات اللنكون مكلفه صيانتها مثل الالماني والاوروبي تقريبا ويطيح سعرها عند البيع لانها غير مرغوبة عندنا
بس هالموتر خسر الوالد واااجد كتصليحات وصيانه وقطعه ماتلقاها الا بفرع الوكالة الرئيسي واذا مالقيت مالك الا التشليح
والصيانة يبيلها ميكانيكي داهيه وحريف بالامريكي لانها معقدة
والمشكلة هو شرااه بمبلغ وقدره ولو بيبيعه زين اذا جاب ٢٠ الف لانه هالموتر بالذاات مرره ماله سوووق عندنا والناس عاارفه خراباته

^
سلندر6

معليش يا الطيب السيارة كانت 8 ولا 6 سلندر ؟؟؟؟

لومينـــــــــــــآ 2003
آآآهـ بس وش آقول وش آخلي
آول مآخرب بعد شهر بس الرديتر كآمل
ثآني شي مبرد زيت المكينه وخلط الزيت مع المآء وبسبب وكآلتنآ الموقره والمحترمه رحت لهم ابي القطعه قالو وبكل ثقه مآندري وشو مبرد الزيت فآظطريت اشري تشليح ومشآ الحمدلله
بعد كم شهر بدآ الفرامل يحجر ولا طولت عليه شوي ينطلق مره وحده ويمسك هوا قالو لي علبه الزيت خربآنه وعليك التصليح بـ800 ريال مع القماشات واصلاح الكليبر للكفرين تفريب الـ1000 ريال بعده آنشق كآرتير زيت آلقير وفكه بس وسمكرته بـ800 ريال .!!
تم بيعهآ وبحمد الله بقيمه 9 الاف و500 على مدرس خصوصي يحمل الجنسيه المصريه:bigggrin:
طبعآ غير آلكعكات والوزن وآلمساحات ومع العلم اني بعته والمفتاح كان يبيله برمجه بقيمه 250
:bigggrin: