طيب مفروض الشركه نفسها تركب عليه مبرد مب انا !! بس ان شاء الله في الموديلات الجايه يحلون هالمشكله مثل الكابرس الموديلات القديمه ماكان فيها مبرد على القير ........ وعلى فكره يكلمني واحد معه التيما يقول ان القير حقها مايتوضب اذا خرب لازم تغيره كامل مدري هذا الكلام صحيح ؟؟
السلام عليكم ورحمة الله وبركاته
انا مسجل عشان ارد على هالأستفسار
طبعا انا من ملاك التيما موديل 2008 استاندر
طبعا كنت من عشاق هذه السياره
لكن سبب كرهي للسياره الأن هو الوكيل الزفت الحمراني سيئ لأبعد درجة
الشي الثاني انا كنت من متعصبين قير ال CVT لكن خلاص كرهته لسبب انه لو صار له
اي شي لا سمح الله انسى شي اسمه تصليح او توضيب
طبعا صادفتني مشكلة في القير بعد ماكنت راجع من السفر
ووديت السياره الوكاله وجلست 3 اسابيع تقريبا يفحصونها
وبعد اسبوع قالو عندك مشكلة في الظفيره بنفحص ونقول لك
بعد اسبوع والله ماندري اصبر
بعد اسبوع والله القير عندك مايتصلح يبغالك قير جديد عندك مشكلة بالكلتشات والقير مايتوضب
ياراجل وش هالكلام قالو هذ1 الي حاصل تبي ولا مع السلامه
طيب كم القير الجديد بـ 21 الف اح اح السياره يالله يالله تسوى هالقيمه
يعني اتكلم بخصوص ان التيما ماتمسك سعرها يعني لو ببيع سيارتي يالله جابت لي حول ال 40
واجلس معانات والله
طبعا المشكلة الي تصادفني
إذا كنت مثلا واقف عند الأشاره ودعست وزاد الظغط فجأه عن 3 إلى 4
تبدأ بعدها السياره ماتستجيب تعلق في النمره الأولى
وتروح إذا طفيت السياره وشغلتها
طبعا انا الحين ناوي على بيعتها والله لا يعيدها من تجربه مع الحمراني
السياره بكل ماتحمله الكلمة ممتازه لكن عيبها الوحيد الوكيل وقطع الغيار
بعض قطع الغيار واجهت صعوبه اني احصلها اكثرها طلبيه من جده او الشرقيه
في النهاية القير مايتوضب
يمكن يحلونها في المستقبل
الشي الثاني انتبهو ع القير ياشباب
احكي لكم قصة صارت مع احد الشباب
تخيلو الرجال طالع من بيتهم الصبح بيشغل السياره ماشتغلت وداها الوكاله إلى يومكم مايدرون وش العله
وكالة زفت
طبعا بطلع من الموضوع بس كل شي يدور حول موضوع القير
المهم كنت في الوكالة هذاك اليوم انتظر الأخبار السياره الي صدمتني كان في واحد معه باترول 2011
عنده مشكلة بالقير واكلم المهندس وش فيه قال الرجال يبغاله تغيير قير قلت حشى ليش
قال خرب طيب مايتصلح لا
طيب غيروه له ع الضمان قال الرجال ماشي 100 الف يعني طلع برى الضمان قلت ياساتر
طيب كم قيمة القير يرويني الفاتورة 58 الف ريال اح اح اح
صراحه صدمة هالقير بعد ماكنت اعشقه
يالله موفقين :xyxwave:
