قسم بالله 5 شهور وسيارتي ساكنة الورش

أذكر إنه تطلع لي أكواد زي اللي قلت

بس والله ماني حافظ أرقمها

والفني اللي يفحص بعدما يشوف الأكواد هذي يقول لي إن فيه مشكله عندك في الكويل

أو البخاخ رقم 4 و6


وآخر مرة فصحت لما ركبت الكمبوتر الجديد طلع لي كود p0122 أو شي زي كذا

قال الفني إن فيه مشكله في حساس الدركسون

بس بعد الفحص اتضح ان الكمبيوتر منلحس والحساس مافيه شي

بعدها رجعت الكمبيوتر الأول وقعد على قردي لا يجيني أقرد منه

لاهنت يالغالي على المرور والتفاعل

بكرة إن شاء الله بروح أشوف وش العلم وأرد لكم،،،

الله يسلمك هذه ممكن ارقام الكويلات الي تكون معطله

ولكن حاول تفحص كمبيوتر وتشوف رقم الكود الي يطلع في الجهاز وهو يكون على الشكل التالي P0160

وهكذا , فحاول انك تسجلها و تكتبها هنا وتراح يطلع لك لكل كود عطل معين او حساس

أخوكـ

الموتر ألحين في الورشة << ومتى طلع أصلاً

ويقولون بنشيّك على الظفيرة وعسى الله يسمّح الأمر

لاهنت على المرور يالغالي,,,

ما دام سار حريق حتى و بسيط احتمال من الظفيرة ولا تنسى تشيك كمبيوتر

المشكلة التفتفة ما تجي على طول

يعني أول ما أوقف الموتر مافيه إلا الزين

شوي ويقوم يتفتف، وإذا دعست بنزين تروح التفتفة

تتوقع البلا من الليات اللي تقول عليها؟؟؟


----------------------------------





أبو عبدالعزيز هذا متخصص في السيارات الأمريكية وعندة كمبوتر وعنده عدة وكل شي

وهو أفضل شخص تعاملت معه إلى حد الآن

وهو اللي طلّع لي البلا الأول وهو إن الكمبوتر معطوب

بس على قولتهم مو كل مرة ترمي تصيب

طيب أخوي تعرف لي محل أو ورشة شغلهم ممتاز...؟

والله معاد تفرق معي قيمة التصيلح أهم شي يزين هالموتر الله يكفيني شره

----------

ومشكورين إخواني على تفاعلكم الله لا يحرمكم الأجر قوولوا آمين

الله يجزاك خير

فحص الكمبوتر منلحس

مرة يعطيني رقم 4 و 6

ومرة يعطيني 4 و 7

ومرة ولا شي

بشيّك على الليات لعل الله يحدث بعد ذلك أمرا,,

حياااااااك الله حبيبي
زمان ابوعبدالعزيز وابو العبد ومراد ولاء
عزيزي كل شي صار بالاجهزه افحص سيارتك عند شخص فاهم وعنده خبره في نفس الوقت
راح توفر المال والوقت خاصه في سيارات الفورد
بالتووووووووووووووووووووووفيق

^^^^^ صدقني نفس الشيء صار لأخوي لي التبخير لقينا فيه شق بسيط وتم لفه بشطرطون وانتهت مشكلة الطفية والتفتفه ولكن اذا وضع القير على الd تجي تفتفه
وبعدها عرفنا ان اللي الملفوف بالشطرطون مازال فيه تهريب وبعد تغييره اختفت التفتفه
نهائياً فأنت لا تستهون بهذه الليات واي تهريب ولو كان بسيط جداً فراح تتفتف السيارة.
بالتوفيق

الله يوفقكم دنيا وآخره

والله يا جماعة الخير المشكلة التفتفة مو منتظمة عشان أقول ( لي ) أو بوجي أو كويل

المشكلة تطلع لي إذا وقفت وأنا معشق الـ D
وبصراحة تعقدت من الموتر ولا أدري وش أسوي به

الله يجزاكم خير،،،

طيب فحص الكمبيوتر اش طلع معاك الاكواد المعطله سجلتها ؟؟

ومثل ماذكر اخوي الخبير عبد العزيز 8 :xyxthumbs:

انه اهواز صغيره تبع الهواء ولكنها ضريره في عملها تسبب تفتفه وممكن انطفاء للماكينة

واعانك الله على السيارة وعجل بحل مشكلتك وفرج همك

أخوكـ

فيه لي ( هوز) وهو لي لتبخير زيت المكينة طرفه مشبوك في المكينة والأخر مشبوك في الثروتل هذا اذا كان في اي تهريب للهواء على طول تتفتف السيارة شيك على جميع الليات المشبوكه بالثروتل وتأكد ان الليات سليمه ما فيها اي شق وتهريب للهواء
صارت لأخوي ونفس موديل ونوع سيارتك وفي الأخير اكتشفنا شق بسيط في اللي هو السبب في التفتفه

اللي (الهوز) هو اللي خلف غطاء زيت المكينة

بالتوفيق

الله يجمعك بمن تحب في الجنة قول آمين

والله ما خليت شي ما غيرته

والكمبويتر القديم معي ورآكب على السيارة عقب فشل جميع المحاولات في إصلاحها

قسم بالله شوي وأبكي ..

وعليكم السلام ورحمة الله وبركاته

انا اتمنى ان كمبيوترك القديم يكون معاك , لان اي مشكلة مثل هذه وتكون في سيارة حديثة الموديل

يفضل فحصها كمبيوتر قبل كل شئ والسبب ان الكمبيوتر راح يخزن اكواد الاعطال المسببه للتفته

وانا اعتقد بل اجزم ان عندك مشكلة في حساسات الشكمانات لم تصلح بعد الحادث

وعلى سالفة البلوف تراها تسبب تفتفه بس راح تسمع صوت طق طقه قويه في السيارة :bigggrin:

والمفترض ايضاً انك تحافظ على الصيانة الدورية بالشكل التالي :

كل 100 الف كيلو تغيير / موية راديتر + بلف الحرارة وفحص الاهواز او الخراطيش تبع الراديتر

كل 60 الف كيلو تغيير / بواجي - صفاية بانزين - تنظيف حساسات الهواء - فحص الكويلات+ اسلاك البواجي - سير الماكينة

كل 45 الف كيلو / يتم فحص الفرامل ونظام التعليق في السيارة

كل 40 الف كيلو تغيير / زيت القير + فلتر القير " اهم نقطة نوعية الزيت لأنها تختلف حسب الموديل "

كل 20 الف كيلو تغيير / فلتر الهواء

كل 5 - 7 الالف كيلو تغيير / زيت الماكينة + فلتر او سيفون الماكينة قيمته 10 ريال



أخوكـ

والله خسران عليه إلى حد الآن حوالي 17000

تتوقع كم يسوى تشليح؟؟