اللي عايز يقرأ المشكلة الحالية مباشرة هي باللون الاحمر
سأروي اليكم قصتي لكي يستفيد اصحاب الابيكا 2005
بدأت القصة منذ سنة تقريبا ان المكيف اصبح لايبرد فقط هواء رحت الكهربائي قلي كمبرسور انتهى عمرة ويكلفلك فوق 2000 ريال رحت على بني مالك جدة ادور على ارخص سعر للكمبرسور واثناء تجوالي سألني صاحب احد المحلات ماهي مشكلة سيارتك فاخبرته فقال لي اعرف كهربائي شاطر يفحصلك ياها يمكن ماتحتاج كمبرسور وخاصة ان سيارتك تبدو نظيفة قلت له جزاك الله خيرا ودلني على الكهربائي ولما فحص السيارة قال ماتحتاج كمبرسور اصلحلك السيارة ب 350 ريال من فرحتي قلت له صلح وحتى لم افاصله بالسعر نزل تحت السيارة من المقدمة وفك قطعة من الكمبرسور اسمها البلف شكلها قريب من البوجية وراح اشترى وحدة ثانية وركبها وحط فريون جديد وقلي جرب وبالفعل اشتغل زي العسل وقلي اعطيك ضمان 6 شهور
بعد 7 شهور كنت بمشوار وفجأة طفى الكمبرسور وشاهدت الحرارة فل وقفت السيارة وفتحت الغطاء لاقيت تهريب ماء وديتها الوكالة قالولي في لي لازمه غيار وغيروه وكلو تمام والمكيف عال العال
بعد شهر حدثت المشكلة التالية والى الان لم اجد حلا منطقيا له
المشكلة هي التالي فقط في الصباح
يكون الكمبرسور شغال والتبريد رائع فجأة يفصل الكمبرسور (هواء عادي بدون تبريد)احيانا اطفيه واشغله عدة مرات يرجع يدور ( اسمع صوت طقته انه اشتغل ويرجع التبريد)واحيانا مايدور ابدا وحتى انه احيانا لم ادور السيارة في الصباح مايشتغل الكمبرسور والحرارة ماهي مرتفعة حسب المؤشر رحت الكهربائي نفسه اللي غير البلف قالي لي ان مفتاح الكمبرسور اللي فوق لمسجلة يحتاج تغيير وضربه بيده واشتغل قلي شفت قلت له انه بالمساء مايصير هيك يعني يعطل بالصباح ويتصلح توماتيكي بالليل قلي سبحان الله ومرة ثانية فصل وضربته بيدي مااشتغل يعني يمكن صدفة اشتغل معاه لما طفاه وشغله وضربه , رحت كهربائي ثاني قلي الفريون مااصلي قلته بس بالليل التبريد ثلاجة على رقم 1 حتى اني اخفضة قلي بالليل الجو بارد ياريت المساعدة صرلي شهور على هالحالة مع العلم انه لما يفصل الكمبروسور افتح الغطاء لاقي المراوح واقفة ولما يكون شغال الكمبرسور تكون المراوح شغالة
.gif)
