ارجو الفزعه من خبير الومينا

الله يعطيك الف عافيه اخوي خبير كل الي قلته في ردك انا سويته اول ما شريت السياره
لك مني كل التقدير

اخوي قبل كل شي لا يلعبون عليك العمالة اللي موفاهمين

روح ورشة كويسة اسمها ورشة جيركو مهندس عاصم لبناني فاهم وشاطر جدا جدا

يطلعلك الخراب لو انه بجحر عقرب

بالصناعية القديمة بجانب ترايستار

--------------------

لكن مشكلتك اتوقع والله العالم حساسات فقط .. انا طلعت لي وطيحت اوم عزم السيارة

عندك يا حساس الماف ( حساس الهواء اللي في قربة الهواء

او حساس الاوكسجين اللي في الشكمان تحت كرسيك بالضبط فيه اثنين دايم يخربون باللوميناات

وتبي النصيحة سو تصفية للمكينة كاملة من مرة وريح راااااااااسك

واي سيارة مستعملة تشتريها يا الشخص لازم تسوي لها تصفية وتغير كل زيوتها

انا بلخصل لك اللي بتعمله

غير التالي

- زيت المكينة مع السيفون

- زيت القير مع الفلتر حقه

- موية الرديتر نزلها بالكامل وحط علبة موية حمراء حقت فورد وكمل بالباقي موية مقطرة

- عبيها فريون بس انتبه لا تعبي الا اصلي

- لا تنسى لما تغير زيت المكينة خلهم يغسلون لك المكينة بزيت ثقيل

- غير البطارية

- شيك على شحن الدينمو

- البواجي + اذا احتاج الامر كويلات البواجي لان الستة سلندر مايجي فيها اسلاك بواجي والا كان قلت لك غيرها بس هي كويلات ولا تتغير الا بعد فترة طويلة

- نظف الثروتل والثلاجة >> مهممممممممممممممة جدا تنظفهم ببنزين

- غير صفاية البنزين

- فلتر الهواء لا تركب الا اصلي من الوكالة او التقوى

- زيت الدفرنس تنزله مثل ما هو وتركب زيت جديد ( موب تزوده بسسس انتبه )

وبعد كيذا روح افحص كمبيوتر



وما جاك علي وصدقني راح تدعيلي بكل صلاة :)

فالك التوفيق

موجودة عندي من خمس سنوات ومعطيها اشكل بنفس قلقها

المكينه فيها صوت او حنه او اي شي غريب؟؟

اذا ما فيها !! معناته شغلتك ان شاء الله بسيطه تلقاه حساس او بواجي لا تخلي احد يلعب لك في السياره

هلا اخوي
اي حساس تركبه عليك بعده باعادة البرمجة
واعادة البرمجة بهذه الطريقة
اعادة البرمجة كالتالي:
1- فصل اصبع البطارية الموجب 30 دقيقة0
2-تركب اصبع البطارية وتشده0
3-تضع المفتاح في السوتش على وضعيه الon فقط اضاءة لمبات الطبلون (من دون تشغيل) لمدة دقيقتين وبعدها تكون جاهزة ان شاء الله 0

اذا لم تطفىء لمبة التشيك انجن فأتوقع ان آحدى حساسات الشكمان فيه خلل ويحتاج تغيير
وهو سبب ضعف العزم عندك فحص كمبيوتر بجهاز الteco2 يبين الخلل واي حساس عطلان.
وهذا اللي قال لك اذا طفيت السيارة المكينة تدور بالعكس وهنا يختلف تزامن عمود التايمن
مه عمود الكرنك ويحتاج فك صدر المكينة :هذا العامل قل له ابيك تجلس على عمود الكرنك
علشان يتزامن مع عمودك الفقري هههههههههههه

الحمدلله حصلة حل مشكلتك

يعطيك العافيه

لا شكر على واجب ولكن نصيحة افحص السيارة كمبيوتر لأنه راح يطلع سبب العطل بدون ماتخسر شئ على الفاضي

بالنسبة للتصفية فلها اشكال عدة :

تنظيف حساسات الهواء - تغيير البواجي - تغير فلتر الهواء - فحص اسلاك البواجي - الكويلات - تغيير فلتر البانزين

أخوكـ

شاكر لك جهودك ونصيحتك
ولكن ما هي الية تصفيت المكينه وايش تحتاج في الغالب من القطع الي تلزم تغييرها في التصفيه وكم تكلفة الشغله
ولك مني كل التقدير

وعليكم السلام ورحمة الله وبركاته

بارك الله فيك , في مثل هذه الحالات اول طريقة تسويها هو فحص السيارة كمبيوتر

ومن جهاز الفحص راح يطلع لك بأكواد لأعطال المسببة لعلامة الماكينة ونقص العزم

ولكل كود رمز لقطعه في الماكينة سواء كان حساس او تصفية او حتى تكون بسيطة

وتحتاج فقط اعادة برمجة او تصفير

أخوكـ

مبروك اخوي حسين والله فرحتني

وانتبه للزيت ترا السياره عباره عن زيت ومويه

واذا تبغى تطمن اكثر سوي تصفية مكينه

Eng_taha85

منير بن قاسم

aشاكر لكم ردكم ومواساتي

وابشركم رحت اليوم وشريت الحسسات من الجميح ب480 ريال وجاني الرحمن وقال ياولد دور ورشه زينه مادامك في صناعية ام الحمام والله واروح لكم ورشه واقولهم عندي العلامه هذي في الطبلون افادوني اني اروح ورشة القحطاني عندهم كمبيوتر رحت للورشه قال لازم فحص كمبيوتر ويكلف 100 بدل غير وافق ب80 ريال فحص وطلع الحساس رقم 2 قلتله هذي معاي ركبوه ونشوف قال ماعندي مشكله اركبه لاكن راح يكون حل مؤقت لمشكلة سيارتك قلت ليش قال لانك ما تغير زيت المكينه الى بعد ما يسير زفلت وهاذا سبب انسداد الحساس طيب وش الحل قال استمر على تغيير الزيت بعد كل 1000 كيلو مع السيفون وان شاء الله تضبط معاك .
هذي كل سالفت الومينا الله يباركلي فيها
اتمنى كل من وقعة عينون على موضوعي ياخذ الحذر من اصحاب الورش الي القليل منهم يخاف الله

ياخوي لاتخاف
انت احسن سوي تصفية مكينه وغير الحساسات وشوف النتيجه
لان والله اغلب الورش نصابين وخصوصا الصناعيه القديمه
ليش تغير المكينه لانو طلعت بس العلامه
هذا مو معقول

اعانك الله

الله يوفقك يا رب
وان شاء الله يكون حل نافع

انا شاكر ومقدر جهدك اخي حنش و نصيحتك الله يجزاك خير
ياخوان 29 مشاهده ورد واحد الله المستعان
عموما اليوم العصر رحت ورشه في الصناعيه القديمه وافاد ان المكينه سليمه وتحتاج حساسات عمود التيمن وتصفيه وتكلف 800 ريال شغل يده معقوله قسم
انا متاكد ان الشغله تافهه واصحاب الورش يستغلون جهلنا في المكنيكاء
قررت اني اغير حساسات التيمان وباشوف النتيجه