راعي امكسيما ذكي استغل قاعدة فيزيائية اكيد ما يعرفها اصحاب الجيب
وهي انه كلما كان الجر قريب من الارض كل ما كان اقوى
والا ليش في خاطركم سيارات السباق قريبة جدا من الارض
اذا فية شطارة خلة يورينا شطارتة مع افالون ولا كامري:bigggrin:
لا ابدا مالها اي علاقة نزول او ارتفاع المركبه في الجر واذا على استشهادك في سيارات السباق فهي عشان تقليل نسبة الهواء الداخل من اسفل السياره وهالشي يزيد في الثبات وتماسك المركبه
يا اخوان ابو ديالا حط المقطع للتسلية والفكاهة ولا ما تقاس قوة السيارات بها الطريقة
تعليقي راح يكون على المقطع الاول
السبب في تفوق المكسيما في السحب:
اولا الوزن على العجلات الامامية للمكسيما بحيث كل ما كان الوزن اثقل على الكفرات اللي تتحرك كان السحب اقوى .
ثانيا الاف جاي بالدفع خلفي مو مشغل الدبل والثقل في الخلف اقل من الامامي وهنا تقل قدرة السحب بشكل طبيعي وكان واضح من انحراف مؤخرة السيارة .
ثالثا طريقة السحب فلو تلاحظون ان الاف جاي شد على الموتر من البداية ودخنته اكبر دليل وراعي المكسيما شد في الاخير والمعروف فيزيائيا ان الحرارة العالية تفقد تماسك الكفرات ، المعنى راعي المكسيما ذكي انتظر لين تسخن كفرات الاف جاي ثم دعس فصار سحب الاف جاي اسهل
اشياء اخرى قد تكون مؤثرة وهي نوع الكفرات فالكفرات الرياضية اكثر ثبات وتشبث على الاسفلت من كفرات الطرق الوعرة وحالة الاسفلت عند السيارتين ووضع حبل السحب بشكل مائل وغيرها .
اهم شي في الموضوع هو ان هذي الطريقة لا تقاس بها قوة المواتر ولا محركاتها ولا قيورها .
اطيب تحية
فيزيائيا الحراره تزيد من تماسك الكفر وليس العكس , وهذا الشي نشوفه في سباقات الدراق ريس دائما اصحاب السيارات يسخنون الكفر قبل السباق عشان يزيد تماسكه ولا يحفر
