ايش اختار اكورد كامري ولا كورولا؟

ana 111 @user_6151 · 15-07-2003

انا بأشتري سيارة بس محتار بين أكثر من سيارة. وبأخذ سيارة على قد الفلوس اللي معاي

السيارة اللي ابغاها تكون في حدود 45000-50000 ريال سعودي

وبصراحة الى الان محتار بين ثلاث سيارات :

سيارتين منها اذا بأخذها يمكن تكون مستعمله على قد الفلوس

1- هوندا أكورد 2002 ( السيارة هذي عاجبتني مره وبصراحه اكثر من واحد نصحني بها سياره حلوه ولا عليها أي كلام بس عيبها زي مايقولون قطع غيارها اسعارها شويه نار )
2- :كامري 2002 ( سيارة معروفه وحقت كرف وتعيش مدة أطول ولا يعيبها شيء )

أما السيارة الثالثه فأذا بشتريها ابغاها جديده الا وهي كورولا
2003 فل كامل طبعا( سيارة ولا احلى وصرفيتها ممتازه بس احس انها صغيره " مادري ليه ")

وهذي اللي انا محتار بينها

بس ودي اعرف سألت واحد عن الكامري 2002 جديده
قال لي : مستحيل تحصل منها لانها انتهت من السوق

وكمان اذا موجود هوندا اكورد 2002 على الزيرو بكم راح احصلها ؟

وشكرا

camaroz305 @user_6676 · 08-09-2003

الصراحه احسن سيلره الكورلا ليش
1-اقتصاديه
2-قطع الغيا موجود فى كل مكان
3-1800قوي بلمره حتى انه يقص المكسيما
وعلى راحتك اخوى camaroz305

مازدا زوم @user_6563 · 08-09-2003

خذلك اكورد 2002 فل كامل
او
كامري 2002 شكلها احس انها احسن من 2003 وتتعبث بسرعه تشيل الطيس تتعبث
وبكيفك

N.M.N @user_4374 · 07-09-2003

اخوي ana 111

فيه كامري واكورد على الزيور ......... وموديل 2002 بكثره في المعارض

وانا انصحك باكورد جديده ولا لا تشتري مستعمل ابعد عنه احسن

تحياتي

HONDA 4 EVER @user_1081 · 16-08-2003

من ناحية صرفية البنزين السياره ما تصرف بنزين مثل السيارات اللي في فئتها

من ناحية عدم توفر الطراز الـ VTi قبل فتره كان متوفر
كلم الوكاله يشوفونه في الفروع الأخرى وان شاء الله تحصل

أما من ناحية تغير شكل السياره أنا لا أعتقد أن تكون هناك تغيرات خاصه أن موديل 2003 حصل على بعض التجديدات

والكورولا كذلك لا أعتقد أنه يكون اختلاف بين 2003 و 2004

والله يكتب لك الخير

ana 111 @user_6151 صاحب الموضوع · 15-08-2003

الهويشل ابومطر:

بالنسبة للاختيار شوي يحير بس اقول الله يكتب اللي فيه الخير
وكلها تقريبا نفس المواصفات اللهم الاختلاف الوحيد هو قطع الغيار بس واكيد المعركه في قطع الغيار محسومه لتويوتا
HONDA 4 EVER:
والله كثير نصحوني بالسيفيك قوية وشكل حلو
بس عندي سؤال بالنسبة ل VTi وهو صرفية البنزين له كيف صرفيتها؟
وفعلا 130 حصان قوية
بس المشكلة ال Vti رحت الوكاالة وكل الانواع يقول انتهت وجايه
دفعه جديده بعد شهر ونص بس المشكلة الدفع الجديده Lxi
قير اتوماتيك و القزاز عادي:mad:

وسألته عن موعد وصول 2004 وقال لي : بعد أربع شهور :(

وسألت عن موعد وصول الكوريلا في وكالة تويوتا : بعد شهر ونص او شهرين :(

يعني مدري انتظر 2004 والا اخذ 2003؟

اللي مخوفني انه اشتري 2003 وبعدين تطلع 2004 احلى في الشكل:D او فيها شيء اضافي وبكذا اتحسر واقول ليه مانتظرت وفي نفس الوقت السياره مستعجل على شرائها :confused:

HONDA 4 EVER @user_1081 · 15-08-2003

نصيحه من مالك لسيارة هوندا سيفيك

الصراحه رائعه جدا

وإذا كنت تبغى نصيحتي خذ الطراز VTi اللي محركه 1.7 لتر VTEC وقوته 130 حصان

أما من ناحية القطع قطع الهوندا هي أفضل القطع اليابانيه ولا يوجد مثيل لها في التحمل

ومن ناحية الاسعار معقوله خاصه اذا عرفت ان القطع ممتازه وعمليه

ومن ناحية القير الاوتو هوندا أفضل مصنع للقير في اليابان وحتى أحسن من الصانعيين الأمريكيين وهذا بشاهدة الأمريكان أنفسهم

وفي الاخير خذ السياره اللي انت ترتاح لها

والله يعطيك خيرها ويكفيك شرها مقدما

الهويشل ابومطر @user_265 · 15-08-2003

اهم شي يا اخوي

انك تشتري سياره

وانت مقتنع فيها

وانصحك بالقارنه قبل الشراء

وبالمعاينه وبشكل كلي

اتمنى لك التوفيق

ana 111 @user_6151 صاحب الموضوع · 15-08-2003

بعد التكفير والتدوير في المعارض والوكالات

هي سيارتين اللي راح اخذ وحده منها :
1- الكورولا
2- السيفيك

بس محتار بينها من جد السيفك بعد ماشفتها والله من جد اعجبتني سياره احس انها من الداخل افخم من الكوريلا

اكثر من واحد قال لي انتظر موديلات 2004 ؟

واللي بعرفه هو هل تغير شيء فيها ولا اخذ موديل2003

هذا اللي ابي اعرفه ؟

وبالنسبه لقطع الغيار سألت واحد في هوندا قلت له ليه قطع غياركم غاليه

قال لي : معلوماتك قديمه

قلت له كيف : قال الشركة الام في اليابان خفضت قطع غيارها بنسبة 65%

وانهم هنا هوندا في السعودية مسوين تخفيض بمقدار 15%

وقال لي كلمة وبصراحه اعجبتني : يقول ميزة هوندا انه قطع غيارها تركب القطعه وتنسى متى ركبتها |3|

ومادرى عنه قال لي هالكلام وهو صادق ولا يصرفني |6|

TSS @user_5129 · 12-08-2003

لا توهق عمرك.....وتاخذ كامري يا تاخذ اكورد يا كورلا....

مشكور

GreenEyes @user_6842 · 12-08-2003

أنصحك و بدون ما تحتار بالكورولا

ana 111 @user_6151 صاحب الموضوع · 16-07-2003

CAMRY -- XL-I:
مشكور اخوي على الرد
وبالنسبة لسالفة المروحه هذي ميزة تضاف للأكورد.

بصراحة الأكورد عاجبتني بس المشكلة وين احصل على الزيرو او مستعمل نظيف
هذي يبغالها صبر ولف على المعارض على اصوله

ThE LeGeNd:
نصيحة لها كل تقدير وفعلا الاكورد تستحق النصيحه
وماخاب من استشار

Observer:
هذي والله البلشه يعني لا كامري عالزيرو ولا اكورد .

وبخصوص اللي حصلتها ب 55 الف والله غاليه على كذا ازود 6000 الاف واخذ 2003

أجل ان شاء الله ببدأ رحلة البحث عن اكوردي الضايعه

-------- صاير من حقين هوليوود على غفله

واخيرا : شكرا لكم
والله انكم اتحفتوني بأرائكم
ودمتم

------- كاتب معريض محترف :D

observer @user_5454 · 15-07-2003

أخوي ana 111 ماضنيت تحصل أكورد 2002 جديدة على الزيرو .........

أما بخصوص المستعمل فأنا حصلت هوندا أكورد 2002 فل كامل سيدي شد بلد من دون جلد ماشية 8 الأف ب ...................... |9| 55 ألف !!!

:rolleyes: برأي الشخصي سعرها مهما كانت حالتها المفروض مايتعدى الخمسين ألف .....

|3|

ThE LeGeNd @user_5776 · 15-07-2003

الاكورد
وترى السيفيك افضل من الكورولا في كل شي فخامه قوه وجمال حتى

TARIQ.M @user_74 · 15-07-2003

اخي العزيز : نصيحه أبعد عن المستعمل بالأخص الكامري مستعمل لان بتجيك مفحط فيها وملعوب فيها لعب

انصحك بشراء اكورد
سياره حلوه من الخارج والداخل

وميزه حلوه عاجبتني فيه
وهي اذا كنت قاطع مشوار طويل ووقفت وتبي تطفى السياره
المروح تبقى شغاله لين تبرد المكينه

الكامري والكورولا لو وقفت وطفيت السياره على طول تطفى المروحه

تحيااااااااتي

][F.M.S][187][ @user_4922 · 15-07-2003

انا صراحه انصحـك..

بالأكورد .. :)

ana 111 @user_6151 صاحب الموضوع · 15-07-2003

بالنسبة للسوناتا : فأنا سألت مجرب سيارة يمشي حالها بس شكلها مو داخل مزاجي

بالنسبة للسيفيك سيارة أكثر من رائعة بس تظل الكورولا سيدة السيدان الصغيره

انا بصراحه افضل القير الاتوماتيك و اريح في السواقه وخاصه ماني من اصحاب القومات عشان اخذ قير عادي

بالنسبة بالنسبه للكورولا فيه منها قير اتوماتك شايفها مع واحد من الشباب وكويسه ..

وبالنسبة للكامري مستعمل غالي من جد قبل امس محصل كامري موديل 2001 xli طالبين فيها 43500 ريال على ايه مادري

شيء اخير بس بكم اقدر احصل لي هوندا اكورد 2002 عالزيرو ؟ يعني في حدود كم ؟

وشكرا لك أخوي

observer @user_5454 · 15-07-2003

والله أخوي أنصح تبعد عن المستعمل قد ماتقدر ........ هذا أولا

ثانيا ....... أبعد الكامري 2002 من الاختيارات لأسباب منها :

1- من أشهر المواتر المشهورة بالسرق .
2- شكلها القبيح من الداخل .
3- غلاء سعر المستعمل بحجة أن الكامري مايطيح سعرة .
4- تغير شكل الكامري الجديد كليا .

يبقىالكورولا والأكورد .........

:confused: تبي قير أوتو ولا عادي ؟؟

;) أذا عادي ........ كورولا ........... وأذا تبي تماتيك خذ الأكورد

على فكرة .............. ليه ماتاخذ سوناتا أو سيفك ........

|1| السوناتا نص فل وكالة ب 47 .......... ومكيفها ياسلام .... وقطع غيارها رخيص تقريبا مثل التويوتا .........

والسيفك تراها ممتازه خصوصا أذا كنت ناوي تماتيك ......

|3| على العموم أنت شاور نفسك وش الي يصلح لك .......... سلام