سحكية شديدة وغريبة بكفرات الكامري.. فزعتكم لا هنتوا

السلام عليكم ورحمة الله وبركاته ...

المشكلة وما فيها ...
عندي كامري 2009 .. بعد عيد الأضحى المبارك ..

تقريبا قبل الدوامات بيوم ..

طقمت أربع كفرات بريجستون تورنزا بمقاس 215 / 60 / 16 بـ 1700 ريال ..

ووزنتهن ميزان كمبيوتر .. وعليهن ضمان شهرين ..

ولكن الميزان ما ضبط 100/100 .. والكلام هذا بعد التركيب بكم يوم ..

واسترددت المبلغ بحكم الضمان ..

ورحت بعدها لأطلق ميزان عندنا في الديرة .. ورفع السيارة ووضع الأجهزة .. ووجد إن اللي قدام ما هن كلهن بمنطقة الأخضر (للي يعرف ميزان الكمبيوتر ) ..
أما اللي ورا كانن بالمنطقة الخضراء .. يعني موزونات .. طلعت من عنده والميزان 100/100

اللي صار بعدها بكم أسبوع تقريبا شهر.. إني خلال هالفترة دايم أشيك على الأماميات (لأهميتهن القصوى) وما ألقي بال للخلفيات ..:emot82:

لكن وفي يوم من الأيام انتبهت للخلفيات .. وإذا بهن سحكية شدييييدة .. ما شية على كل الكفر لدرجة إن النقشة انمسحت نهائي وما بقى إلا الخطوط ..:emot101:

رجعت لصاحبنا وشافها ووزنها من جديد .. وقال راقبهن ..

و بعدها صارت تزود المشكلة تدريجيا .. إلى أن انمسح الكفرين نهاااائي .. وما بقى فيهن شي إلا أن يحبلن ...:emot78:


فا تكفون يا شباب وش العمل .. لأن المشكلة تكررت وما نفع معها ميزان .. والغريب أن السحكية مشت على كل الكفر ..

فوش رايكم ؟:a120(31):



بانتظااااركم ..


للمعلومية : تقريبا امشي على السيارة حوالي 1000 كم اسبوعيا اغلبها خطوط