نصيحتكم .. ادور سياره جيب

nawi @user_256053 · 15-03-2011

السلام عليكم

اخواني انا ابحث لى عن شراء سيارة جيب

الميزانيه المتو فره = 350000 ثلاثمائة وخمسون الف ريال سعودي

السياره المرجحه حاليا بقوه هى جيب لكزس 570

ولكن مادري دخلت موقع متخصص لسيارات الكزس وجدت الكثير من عيوبه فى مثل سياره سعرها 340 الف اهمها :-

ماعنده عزل هواء جيد
مشاكل كثيره فى البريكات
قرأت من احد الاعضاء ان الرادار احيانا يعطيك بريك قوي لو كنت مسرع واكثر من مره كان راح يعمل له حادث (( مصيبه لو فعلا ))
المراتب الاخيره فى البر لها صوت وطقطقه حينما تكون مصفوطه

حاليا ابتديت اغير رايئ رغم اعجابي الشديد جدا بالكزس وخصوصا داخليا

اعجبني ايضا البى ام الاكس 6 خصوصا سعره قريب من ميزانيتي

ارجوا افادتى لمن يملك الرأى والشور واكون للجميع من الشاكرين

تمنياتي للجميع بالتوفيق

nawi @user_256053 صاحب الموضوع · 17-03-2011

مشكورين يالغالين

استفدت والله جدا من جميع المشاركات

لكن فعلا هناك سيارات لايمكن ان ادفع ثمنها فوق 200 الف مع كامل تقديري لعشاقها اولها الاسكاليد مثل ماتفضل احد الاخوان اليوكون دينالي يؤدي الغرض بالاضافه الى النيسان باترول

باذن الله راح اطلع السياره بعد الاستخاره الاسبوع القادم وراح انزل صورها بالمنتدى

60% لكزس - 25% كايين - 5% أكس فايف - 5% أودي

الله يختار الأصلح لنا ولكم

damar99 @user_247354 · 16-03-2011

البورش كاين اس
وأنت مغمض
يكفيك بووووورش
خذ اللون الفئراني
أو الأسود والداخلي بيج واأسوود
آآآهـ فدييتها
أما بالنسبة لسعرها ما بعد البيع...!
ما أعتقد بتجيب
أنت لو تبي سعر بعد البيع
عندك لاندكروزر (ما أنصحكـ) أو جيب اللكزس (يا كثرة العيوب!!)

الحمدلله+ @user_209225 · 16-03-2011

م

محب GMC

انا شايف الكاديلاك الاسكاليد

اسمحلي يا اخوي ومن بعد اذنك واذن راعي الموضوع برد عليك

بحكم اني املك اسكاليد ما انكر انه موتر ماهو شين لاكن بالمقارنه مع الجيوب

المذكوره في الموضوع ماله مجال ابدا لا من ناحية الجودة وحط تحتها 10 خطوط ولا من ناحية العزل وحط تحتها 15 خط ولا من ناحية المواصفات واذا في احد راح ياخذ الاسكاليد انصحه مايسوي غلطتي ويروح ياخذ له دينالي ويوفر حول 100 الف ريال بجيبه على الاقل لا فكر يبيعه بعد 6 شهور مايطيح من سعره 60 الف ريال ولاينحد على وكالة الجميح للسيارات ""الفخمه"" العريقة , لانهم راح يخلونك تبيع الموتر وتذكر كلامي .. تحياتي :xyxwave:

محب GMC @user_253501 · 16-03-2011

انا شايف الكاديلاك الاسكاليد

الحمدلله+ @user_209225 · 16-03-2011

m

megowz

بالنسبة للـ BMW X6

ما أنصحك فيها سيارة غبية بمعنى الكلمة وعشان تقتنع شوف هالمقطع من برنامج TOP GEAR

http://www.youtube.com/watch?v=NYm_fxjyAYs

اسمحلي اخوي برنامج TOP GEAR كان في وقت مضى برنامج فيه من الصدق

لاكن الحين كل احد يعرف انه برنامج دعائي من الدرجه الاولى , ودعاياتهم واضحه وضوح الشمس

ويكذبون ويحرفون الحقائق و99% يتعصبون للسيارات البريطانيه للأسف :a120(14)::a120(94):

البرنامج صار برنامج تسليه تفرج عليه وتسلى شوي لاكن لا تعتمد عليه بالحقائق ,

الX6 جيب ماصنع للoff roading ومعروف انه جيب رياضي وهو اسرع جيب في العالم

وكل سياره لها عيوبها ومميزاتها والكمال لله

اما بالنسبه للمرسيدس GL السياره ممتازه جدا كا مواصفات مناسبه للسعر , يعيبها انها راح تتغير قريب

جيب اللكزس LX570 ممتاز لاكن مثل ماذكرت فيه عيوب كثيره على رأسها العزل الي ينزل السياره الى المستوى مادون القمة ,, واختصار لمسألة العزل , العزل = الالماني بشكل عام ولا اقصد كل الالماني , والنقطه الثانيه مستحيل تقارن SUV بسيدان من ناحية العزل راح تتعب

نجي للنقطه الاخيره انا اشوف الانسب هو البورش كيان اس 2011 وهو الافضل من جميع النواحي
العزل مايحتاج كلام عنه التماسك الجودة كل هذي مستلزمه لأسم بورش وجزء لايتجزء منه
المواصفات كلها فيه وانا استغرب تقول مافيه شي ؟؟
مافي شي تقريبا موجود في جيب ثاني ماهو موجود في الكيان بالاضافة الى كونه من افضل الجيوب الفخمه في الoff roading .. الكيان تقريبا هو الجيب الكامل من جميع النواحي

مكينة كيان اس 400 حصان وبسرعه قصوى محدده الكترونيا 260 كيلو متر في الساعه
وتنطلق من 0 - 100 خلال 5.6 ثواني

مكينة كيان تيربو 500 حصان وبسرعه قصوى محدده الكترونيا 280 كيلو متر في الساعه
وتنطلق من 0 - 100 خلال 4.4 ثواني

يعبها الضمان سنتين فقط ويعيبها اسعار القطع والصيانه

اما الشكل انا اشوفه لايقارن بسياره ثانيه .. ولاكن الناس اذواق فما الومك اذا ماعجبك الشكل
لاكن اخالفك بشده لما تقول الموتر ينقصه مواصفات , موتر رياضي من الدرجه الاولى وفيه جميع المواصفات بالاضافه الى قوة جبارة وبنفس الوقت لم يتخلى عن امكانياته في الطرق الوعره بعكس باقي الجيوب الرياضيه مثل الX6 و الFX50

loooooooool @user_255746 · 16-03-2011

بـــ 340 الف
اشري 3 سيارات او 2
جيب شاص 2011 بريمي يخدمك في البر والكشتات وقت الامطار والتحميل والفله و قيمته 120 الف
واشتر لكزس 450 فل 2011 سعره 220 الف
تصير سيارتين معك للمدينه وللبر
وكلهن هيبه وسعرهن مايطيح زي الماركات الثانيه

sH67a @user_225241 · 16-03-2011

وش رايك بالباترول الجديد .. فخم ورسمي :xyxthumbs:

megowz @user_246409 · 16-03-2011

بالنسبة للـ BMW X6

ما أنصحك فيها سيارة غبية بمعنى الكلمة وعشان تقتنع شوف هالمقطع من برنامج TOP GEAR

http://www.youtube.com/watch?v=NYm_fxjyAYs

nawi @user_256053 صاحب الموضوع · 16-03-2011

شكرا للجميع

يبدو ان الاودي راح تكون هى السياره Q7

سعرها مناسب وشكلها جميل

البر مالى اهتمام فيه كثير

يهمني ايضا سعر السياره بعد البيع لانى لا احتفظ بالسيارة كثيرا العاده

عسى الله يختار لنا ولكم الخير

~ ســ ع ــــد ~ @user_141067 · 16-03-2011

اودي Q7 او لاندروفر LR3

f i n e

hammad5507 @user_220746 · 16-03-2011

مالك الا الطوارق وبس , والله يوفقك ويكتب لك الي فيه الخير

اشتاقلك @user_36689 · 16-03-2011

حياك اخوي اجل شوف الاودي Q7 او البورش وبالتوفيق

قاقا @user_244106 · 16-03-2011

اخوي انت وش تبيه حق بر او مدينه؟
لان اذا كنت راعي بر لازم تحتاج دبل

nawi @user_256053 صاحب الموضوع · 16-03-2011

E

EXPLORE

أول شي الله يخترلك الخير

أنا لو كنت مكانك اشوف الرانج روفر أو بورش كيان

تحياتي

تسلم يالغالي على الدعوه الطيبه

الرانج والله له نصيب كبير من التفكير ....... ولكن افكر فى شراءه مستعمل لان فيه فرق كبير بين سعر المستخدم وبين الجديد يصل الى اكثر من 50%

والبورش الكاين الجديد ابدا مافيه اى ميزه سوى انه بورش اما الخارجيه ماقدر افرق بينه وبين الهونداي

تمنياتي لك بالتوفيق

nawi @user_256053 صاحب الموضوع · 16-03-2011

ا

اشتاقلك

هلا اخوي انا انصحك بجيب مرسيدس gl500 او GL450 سياره جدا روعه وقويه وشي كلاسيكي مجرد وجه نظر واستخير قبل كل شي والله يوفقك

تسلم على النصيحه

لكن زرت الجفالي قبل لكزس وداخلية الجيب وشكله الخارجي ماشدني

ومثل ماتفضلت اهو كلاسيكي

داخلية الكزس جننتي بصراحه كانك راكب سيارة سيدان

مقدر لك مره اخري

EXPLORE @user_145101 · 15-03-2011

أول شي الله يخترلك الخير

أنا لو كنت مكانك اشوف الرانج روفر أو بورش كيان

تحياتي

Night @user_14595 · 15-03-2011

تم نقل الموضوع من منتدى السيارات العام الى نادي سيارات الدفع الرباعي والعائلية والنقل

اشتاقلك @user_36689 · 15-03-2011

هلا اخوي انا انصحك بجيب مرسيدس gl500 او GL450 سياره جدا روعه وقويه وشي كلاسيكي مجرد وجه نظر واستخير قبل كل شي والله يوفقك