محتار .. مرسيدس E350 أو بي إم 528

والله انا احب المرسيدس أكثر من البي إم

ولكن الفئة الخامسة قلبت بعض الموازين

فأمتنع عن التصويت لأنه شيء يحير :(

^^^
اتفق معاه تماما
لانه البي ام حلاوتها تجي شكمانين مو واحد وهذا عيبها لم تجي شكمان واحد
وانا بصراحه اشوف البي ام افضل بكثييييييييييير من ناحية الاداء والشكل الخارجي والداخلي والمواصفات بي ام دبليو افضل

وش صفيت عليه
مرسيدس
او
بي ام
مع اني انا بعد من عشاق مرسيدس
احسها اعرق واكشخ وافخم ومتانه
وال E 500 كلام كبييييييييييير
وال 63 a
AMG سيارة الاحلام بالنسبه لي
عليها صوت شي غير طبيعي بس بكم ؟؟؟؟؟؟؟
فيه وحده رصاصية مطفي في الجفالي طريق الخبر الدمام السريع
مر الوكاله واطلب اتشغلها واسمع الصوت
ما ودك تنزل يارجل

مرسيدس و بس مع احترامي لكل السيارات

أنا معي E500 و الحمد لله روعة

مرحبا اخوي ..
انا عندي المرسيدس 2010 E550
قل مااشتريها كنت في نفس حيرتك ومااعرف ايش اختار بين السيارتين .. لما جربت البي ام حسيتها قاسيه جدا في المطبات يمكن عشان كفرات الفلاترن !
انطباعي عن السياره جدا رائع ومريحه جدا مثل الكوابرس القديمه ..ولاتنسى ترى نصف متعة القياده هو في صوت وعزم المكينه .. انا انصدمت لما شغلت البي ام ..535صوت تشغيلتها وصوت المحرك جدا مضحك وسخيف لكن المرسيدس تشعر بقوة المحرك وعذوبة تدفق البنزين
من اعجابي بالسياره انا الحين راح ابيع السياره وباذن الله راح اشتري ال E63
والله يوفق ..

^ ^ ^

حتى الفئة الخامسة نفس الكلام :smile:

السلام عليكم,

أخوي فيه شي أحب اضيفه ان المرسيدس تقدر تفصلها مثل ما تبي يعني ان شاء الله لو تقولهم ابغاها اخضر من برا و احمر من جوا يسوونها لك و انا ما اتكلم عن الألوان بس.
هذا يشمل الخامات و الاكسسوارات و الجنوطو كل شي تقريبا ما عدا المكينة :bigggrin:

الله يكتبلك اللي فيه الخير

مرحبا اخوي, راح اكلمك عن السعر في قطر واتوقع انه متقارب

سعر الشراء

البي ام: 260 الف
المرسيدس: 245 الف

*مع مراعاة المواصفات الاساسيه المتوفره في السيارتين

الشكل و الفخامة

اعتبرها مسألة ذوق شخصي
انا افضل المرسيدس

القوة و التحمل

المرسيدس واقدر استدل بالموديلات القديمه لنفس الفئات

المواصفات

المواصفات ماراح تلقى شي في المرسيدس غير موجود في البي ام, واذا طلبيه تقدر تختار المواصفات على راحتك
المرسيدس تقدم لك سقف بانوراما وهو غير متوفر في البي ام

الصيانة و خدمة ما بعد البيع

الصيانه تقريبا متشابهه
العرو:
البي ام تقدم صيانه مجانيه 3 سنوات
المرسيدس تضيف مبلغ 8000 ريال على السعر الاساسي وتصير عندك الصيانه المجانيه ( مع الاعتبار ان سعر المرسيدس ارخص )

أيهما يعيش أكثر

الموديلات القديمه للمرسيدس تشوفها في الشارع واعطالها اقل من المرسيدس, ومعرفتي ان البي ام بعد انتهاء الضمان يبلشك

سعر البيع .. أيهما يمسك سعره أكثر وقت البيع

للسبب المذكور عن عمر السياره, المرسيدس سعره يمسك اكثر, وخاصه في الـ 6 سلندر

ولو فيه نقاط أخرى ممكن تضاف يا ليت ما تبخلوا على أخوكم

شخصيا كنت مثلك بالضبط ولو اني كنت على الـ 8 سلندر وهي E500 و 550 ولكن في النهايه اتجهت للبينز لاني ارتحت لها وحبيتها اكثر,
اعتقد ان البي ام 528 تتساوى مع المرسيدس E300 من ناحية المحرك
المواصفات تقدر تختارها على كيفك بغض النظر عن حجم المحرك, وتقدر تاخذ المتوفر في الشركه على حسب اللي هم طالبينه



AMG هذي تجي تضبيط لشكل السياره من سبويلرات و رنقات وتعطي شكل رياضي للسياره واذا كنت بتشتري البينز اطلبه لانه بصراحه يصير شكل السياره احلى وارتب,

-

معلومه بسيطه انت عارف ان موديلات السياره بالاحرف اللي هي E و C و S وغيرهم ولكن الرقم اللي بعد الحرف هو المحرك وقوته

أنا بطبيعتي أحافظ على السيارة جدا، و ملتزم دائما بالصيانة في الشركة، فبماذا تنصحوني؟


روح للشركتين واطلع Test drive في السيارتين وبتعرف ونصيحه لا تاخذ احد معاك روح بنفسك, في النهايه انت اللي سايق ^_^

وفي النهايه احب اقول لك ترى بين هالسيارتين مافيه قرار خاطئ انت والي تفضله

السلام عليكم
أخوي, الشباب هنا ما شاء الله ما قصروا جابولك ارقام و صور و مقاطع فيديو و في الاخير انت اللي بتحكم و انا اقولك استخير اول شي.
ثاني شي, حبيت الفت انتباهك ان المرسيدس عندهم عرض 50% الان و بعد سنتين 50% من غير رسوم تمويل يعني نفس سعر الكاش و العرض راح يخلص الشهر هاذا
بالتوفيق و مبروك مقدما :xyxthumbs:

bmw 535 بالرااااحة بس اذا 528 يمكن اقول e350

المرسيدس افضل

وعليكم السلام ورحمة الله وبركاته ....

أولا : أول شيء أحب أقول لك إنك إخترت سيارتين من أفضل سيارات هذه الفئة :smile:

ثانيا : من ناحية المواصفات : متشابهين .
من ناحية الإعتمادية وسعر إعادة البيع : متقاربين
من ناحية الأداء : الفئة الخامسة تتفوق :
شوف الأداء في الفيديو من مجلة Edmundes الشهيرة :

http://www.youtube.com/watch?v=EO6cAb6H3ME

http://www.youtube.com/watch?v=fQ3gusdmTnc&feature=relmfu



ثالثا : جرب السيارتين وخذ اللي ترتاح له + الإستخارة ....

بالتوفيق :wavey: .....

شخصيا جربت السيارتين 2011

المرسيدس عيوبه ظاهرة وتحرق القلب على المبلغ اللي رح تدفعته:
1- نظام الحساسات قريب من نظام الكامري
2- العالي نظام الكامري أحسن منه
3- لما تدعس ياخذ نفس طووووووويل لدرجة الملل قبل لا تعطيك السيارة
4- المقاعد غير مريحة، لا هي رياضية ولا هي كومفرت
5- الطبلون كأنه وانيت مطور باستثناء العدادات
6- مرسيدس مستخسرين يحطون فيها شاشة كبيرة
7- ثباتها أقل من البي إم بشكل ظاهر
8- فراملها جيدة لكن أضعف من البي إم بشكل كمان ظاهر

بصراحة ما توقعت مرسيدس تنصب على الناس بهالطريقة ولا يشفع لها غير شكلها من برة اللي يعتبر الحسنة الوحيدة.. وعموما مع الأيام مصير الناس تعرف أكثر

ورأيي الفئة الخامسة فلوسها فيها وكذلك أنصحك تنتظر أودي A6 2012 أتوقع بتكون بنفس مستوى البي إم ويمكن أكثر

وبالتوفيق

السيارتين حلوين وانت اختار

اخوي انا جربت المرسيدس وجربت البي ام ٢٠١١ !! بصراحه ومن غير زعل ،،

١-البي ام كراسيها لا يعلا عليها اقسم بالله كأنك طاير مو قاعد من كثر الراحه
المرسيدس كراسيها مثل الي بالمستشفيات جدا قبيحه وغير مريحه نهائيااا

٢-البي ام ع المطبات مريحه لكن مو براحة المرسيدس

٣-سواقة المرسيدس اريح من البي ام ( من ناحية السكان ) لكن ما تحس بالتحكم والمتعه نفس البي ام

٤- المرسيدس اوسع بالكراسي الخليفه من البي ام فرق واضح ،،

٥- شكل البي ام تصلح للشباب اكثر وانا من رأي اذا كنت تحت ٢٥ ف انت شباب وتناسبك البي ام واذا كنت اكبر ف انصحك بالمرسيدس

اخوي اخر نصيحه لك انا ولد عمي عنده e250 يشتكي من صوت المحرك المزعج جداا داخل السياره وكذلك يقولون ايضا ال e300 صوت محركها يرن داخل السياره واتمنى انك تتأكد ان e350 خاليه من هل عيب وهذي نقطه من صالح البي ام لان حتى 523i الاقل فئه ماتسمع الا افكارك داخل السياره << تعبير عن الهدووء

والله يوفقك ويوفق الجميع انشالله

غير البي ام لا تدوور يكفي شكلها و الداخلية و سعرها حلو
و نصيحة جرب تسوق البي ام و تعرف الفرق :smilie20:

حبيت أفرد لك رد منفصل كتعبير عن شكري و امتناني لك على الرد المفصل فجزاك الله ألف خير

بصراحة أبدعت في الشرح و التفصيل و أجبتني على كل ما يدور في بالي

حقيقة أجد نفسي أميل للمرسيدس لعدة أسباب منها إن المرسيدس أحسها أفخم و الخيارات أو ال options المتاحة أكبر، بالإضافة إن لي خصم في مرسيدس.

مشكور و الله يعطيك العافية

لا عدمناك