بسم الله والصلاة والسلام على رسول الله
اخواني امس مريت وكالة الجميح اشيك على السيارات واستفسر عن سعر الZ71
المهم اول شيء درت على السيارات ركبت اول جمس واصك الباب واسمع القرقعه
امسك الديكور وكل قطعه تعطيني نغمة المهم مااستغربت نزل والثاني نفس الشيء
والثالث مير يوكن لونه ذهبي والله انه مدري وش يبي يقرقع وهو واقف :bigggrin::bigggrin:
جنط 20 فل كامل بس مافي شيء ثابت كل شيء يرقل وعندهم يوكن رمادي الله العالم انه مرشوش
في اختلاف باللون عند نهاية الباب الخلفي وفك في الديكور المتصل بالسقف وحتى الربلة مقلوعه
المهم بعد ماركبت لي 3 مدري 4 مواتر كل واحد اردى من الثاني خصوصا اليوكن الذهي والله اني راكبه واضحك , ركبت بعدها دينالي طويل ابيض صراحة تفاجأت مافي صوت من البيبان حتى لو سكرتها بقوة
مافي صوت من الديكور , الديكور مايكاد يتحرك ابدا الطارة تحس انها مختلفة عن الباقي مالقيت شيء يرقل الا غطى الطفايه استغربت صراحة من جودته ماهي عادة جي ام ابدا على كثر الجموس الي ركتبها ماقد شفت مثله , وانا مجرب دينالي قبل كذا كان اخيس من اليوكن الذهبي الي قلت لكم عنه ومعي اسكاليد وكان معي يوكن ومجرب تاهو ولاواحد منهم فيه جوده الا الموتر يسولف معك عشان ماتطفش :bigggrin::bigggrin::bigggrin::bigggrin: المهم قعدت اقلبها براسي قلت يمكن سيارة وحده سوها زين بالغلط
بعدين حسبتها المعرض فيه 4 ولا 5 جموس كلها زبالة الله يعزكم الا واحد يعني اتوقع نسبة 20% من سيارات GM ممكن تكون كويسة مع اني احس ان النسبة كبيره عليهم لو علي اقول 1.5% لاكن الحسبة جت كذا :bigggrin::bigggrin::bigggrin::bigggrin:
لاكن للأنصاف انا اعترف ان GM تملك تصاميم من اجمل تصاميم العالم وهذي الشيء الوحيد الزين فيها والي يخليني اشتري منها لاكن جوده واعتمادية والباقي كله ماعندك احد
رحت لمندوب المبيعات رجل محترم وسألته عن الاسعار والصراحة في تحسن
تاهو LT كاميرا دبل ( 134,000 )
يوكن SLE كاميرا دبل ( 145,000 ) :a1120(121):
تاهو Z71 فل كامل ( 170,000 )
تاهو LTZ س ( 180,000 )
والاسعار اخذتها اولية يعني الي راح يكاسر ويكلم المدري راح ياخذ سعر افضل
عاد المهم اني تعوذت من الشيطان وقلت المؤمن مايلدغ من الجحر مرتين اخر تجاربي مع
GM الظاهر معنها الحقيقي Generating Madness ماهو General Motors
كانت اسكاليد وماليبو والله لايعيدها ,
[COLOR="DarkRed"]نهايتا انا اما انصح اي احد يشتري من شركة GM اي شيء ولا حتى من مكينة الببسي الي جو الوكالة
وانا اتكلم من تجارب وخبرات شخصية والسعيد من اتعظ بغيره
قال صلى الله عليه وسلم ( حق المسلم على المسلم ست ) وذكر منها (وإذا استنصحك فانصح له )
وعارف راح يجون ناس يقولون لا ويدافعون ويعارضون ويقولون GM تفوقت على بورش ومرسيدس
لاكن اقول جودة GM وصلت الى القاع والكل يعترف بالشيء هذا الامريكان نفسهم يقولون الكلام
والي يعرف احد في امريكا يسأله والشمس لاتحجب بغربال في امريكا الناس توجهت لفورد وللياباني وغيره
والله يشهد علي اني اقرأ في المدونات المحايدة انهم يقطعون جلد GM تقطيع وخصوصا شاحناتها [/COLOR]
وبالختام السلام عليكم ورحمة الله وبركاته
