السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
قد يستغرب البعض من عنوان الموضوع لكن هذا هو الواقع للأسف وكلائنا بدل ما يعتبرون من عبداللطيف جميل صاروا يقلدونه !!!
طبعا غضبي وحنقي على وكلاء هيونداي -واللي راح اتكلم عنه بحكم اني في الرياض ((الوعلان)) - بسبب الأزيرا الجديدة صراحة أساءوا للسيارة وذبحهم الطمع أبلخص كلامي في نقاط لأنه قاعد يقرقع في داخلي قرقعة :-
السيارة اللي نازلة حاليا مبااااالغ جدا في سعرها وواضح إن الوكيل يبغى يشوف الناس بتشتريها بمواصفاتها التافهه بالسعر المعروض ولا لا؟؟
جس النبض راح يترتب عليه تحديد سعر السيارة بمواصفاتها الكاملة وبالذات وإنها حاليا كأنها كراسيدا من الداخل !!! صراحة إحباط
طيب على اساس ما يشبون علي الأعضاء نبدأ بالمواصفات .. مفتاح عادي ، مافيه زينون ، الكرسي يدوي (هنقر) !!! حشا كراسيدا ، ما فيه إضاءه داخلية (دوم مود) مافيه esp
تكمله ... ما فيه شاشة، الطبلون حق الستاندر، الماكينه 230 حصان وأتوقع مركب مكينة أزيرا قديمة أو حتى مكينة سوناتا قديمه !! مخمل يعني بالعربي أقل من الستاندر ومركب لها جنوط وبانوراما ومطير السعر !! ليه كذا
لو الحركة هذي مسويها أبو جميل ما أشره عليه لكن الوعلان المفروض يوم شاف الشعبية زادت ما يطمع ويستهبل ، وبالذات مع الإنترنت الناس صارت تعرف كل صغيرة وكبيره في مواصفات السيارات.
الكادينزا الستاندر كانت بـ 65 ألف اول ما نزلت وتستاهل كل قرش ومواصفاتها كانت جدا حلوه لكن الأزيرا اللي بدون بانوراما بـ 85 ألف وهي والله ما تستاهل 70 ألف على مواصفاتها الحالية لكن الطمع مشكلة.
عام 2006 شريت أزيرا فل الفل أول دفعة وهنا المفاجأة الظاهر وقتها الوعلان ما طمع مررره نزلت بمواصفات أقل من الدفع اللي بعدها على سبيل المثال ما فيها شاشة والطبلون مو ليزر لكن على الأقل أعلى مواصفات من الحالية وحنا في 2012 !!! أجل كراسي يدوي ما عاد بقى إلا يحط شبابيك يدوي بعد!!!! والسعر فرق فرق خوراااااافي.
صراحة انا جدا محبط ومستاء من العالم هذي لكن هم ما يسوون كذا الا لاقين ناس تشتري للأسف مضحوك عليها.
وأنا توقعي لو إنباعت الدفعة الحالية بالسعر المعروض حاليا والله ما تلقون المواصفات الكاملة (طبعا بدون رادار وحسسات أمامية وكاميرا أمامية وإيقاف اوتوماتيكي) أقل من 130 ألف لأنه بيقول هكيت عليهم في الدفعة اللي راحت خلني أطير الدفعة الجديدة
لكني الآن أقولها وبصوت عالي خلها تصدي يا طمااااااااااع والله لأسحب عليك حسافة إنتظاري بس .. يا إيدج أو كادينزا 2012 وخل الأزيرا عندك في الوكالة الله لا يهينك
منقول من الزميل أفوكادو
