خاب ظني في ميشلان :(

شيك على تاريخها يمكن تكون قديمة

شكلك مركب كفرات سبور

السلام عليكم

أخوي الكريم M.Z يبدو لي أن الصورة أتضحت لي الآن من خلال ردك الأخير

المشكلة عندك في الجنوط الكبيرة اللي أنت مركبها 17 !

رجع جنوط السيارة الأصلية 15 أو أي جنوط أخرى المهم يكون مقاسها 15 أصلية

مع كفرات قياس الوكالة ميشلان أو غيره وستختفي المشكلة عندك تماماً .

موفق للخير ،،،

لاتخاف ابد ولا تنقهر انا كنت مثلك تماما ركبتة على كورولا 2009 واقسم بالله ندمت وحتى رحت عندهم قلت برجعة قالوا مايصير قلت الشكوى لله مالي الا ميشلان والكفر جدا قااااااااااسي لاكن بعد اقل من شهر والكفر كل مالة يلين ويحلو معاي الحين صار لي 4شهوور مركبة واقسم بالله زي الحلاوة ولا ندمت ولا شي .................بس لايكوون مركب جنووووووط صيني ترا لها دوووووووور كبير في انة يكوون قاسي وثاني شي ارتفاع الكفر كل ماكان دعسة واطي لازم لازم يكوون قاسي .......وبث

يالحبيب شوف لا يكن الكفر محبل وله سنتين من تاريخ صناعته
اذا بتلاقي كفرات ميشلان لا يقل تاريخها عن 3 شهور

والله انا سيارتي كان عليها فايرستون 35 / 45 r17 وبصراحه اسوء انواع الكفرات اللي جربتها قاسيه وصوتها مزعج حتى مع السرعات القليله والحمدلله استبدلتها بميشلان اخر دفعه 2011 فرنسي نفس القياس ونقشه رياضيه ,, فررررق السما عن الارض !!
هداوه وناااعمه ع الخط وعيون القطط مدري عنها مع ان القياس هذا الرياضي غالبا مزعج

وركبت ميشلان على اللومينا من تجربتي لها بالجمس ,, صح فرق المقاس كبير بس نعووومته وحده

صراحه غير البرجستون والميشلان مافييييش

ميشلان من افضل انواع الكفرات

ولله الحمد مركبها على اكورد اربع سنوات ولا صار معها شي علما اننا نمسك خط فيها يوميا
وحاليا جاري تغييرها بنفس النوعيه

ما ادري بس يمكن تكون المشكله انك مغير الجنوط ماهي شد بلد او يبيلها وزن او مقصات

ان شاء الله تنحل مشكلتك

موفق

أخوي أنصحك تشيك على السيارة عند ميزان معروف ومشهود له بالخبرة

شيك على العكوس الأمامية كلها وتعرف على مصدر الصوت هل هو من الكفرات الجديدة ولا من مشكلة أخرى بالسيارة

وإذا تبين أن السيارة سليمة وأن مصدر الصوت هو الكفرات أطلب تقرير مفصل ومعتمد من نفس المركز

وأذهب إلى ميشلان في حال أنهم سيقومون باستبدال الكفرات لك بنوعية أخرى

ملاحظة بسيطة

لا تركب إلا نفس مقاس كفرات سيارتك الأصلية لأن المقاس الكبير أو الصغير يأثر على ثبات وتوزان وهدوء السيارة

وعلى أمور ميكانيكية أخرى كثيرة المجال لا يتسع لذكرها الآن

موفق للخير ،،،

وعليكم السلام ورحمة الله وبركاته

إذا كل واحد راح يسمع كلام البنشريه والتجار ما راح يأخذ إلا البضاعات القديمة والمكدسة لديهم !

أخوي ميشلان من أفضل شركات الإطارات على مستوى العالم

لكن أخوي تأكد من تاريخ صنع الكفرات لا يكون قديم 2008 أو 2009 أو حتى في 2010 !

وتأكد من بلد الصنع ومن عوامل وموصفات الكفر

أما إذا كانت الكفرات نقشة رياضية فهي مزعجة حتى على السرعات العالية وهذا أمر طبيعي

عموماً كفرات ميشلان معروف أنها ناشفه وقاسية شوي لأنها سلك

أفضل أنواع الميشلان وأغلاها سعر هو صناعة فرنسية ، اسباني ، أمريكي ، إيطالي

يأتي بعدها الصيني والتايلندي والإندونيسي ....... ألخ

تحياتي