احكي لنا قصتك مع أول مخالفة مرورية

اول مخالفه لي كان عمري 15 ونزلت جده في اليوم الوطني وغبرت السياره تغبيره كامله ووقفني المرور وقلتله ياخي اليوم وطني افرح معي قسم بالله انه كان مقفل شوي وعلى الحجز عطيته الهوية والاستماره ةعطاني مخالفة تغيير ملامح السياره
تحياتي

أول مخالفة لي:
شاطف من اليمين .. مسكتني دورية سرية جنب الفحص الدوري على مخرج 8 في الرياض.
يا إخوان انتبهوا من التجاوز من اليمين. أنا و الله كنت أجهل أن فيها مخالفة. أيضًا فيها خطورة فلا تدري ما سيواجهك في المسار الأيمن و هو بطيء و أنت وراه مسرع!!!!
المخالفة 150 ريال قبل 4 سنين تقريبًا.

اول مخالفه لي من تقريبآ 11سنه

عدم حمل رخصه:bigggrin:

اول مخالفة 500 ريال عدم وجود رخصة طبعا من سنتين
ثاني مخالفة 500 ريال السير عكس الاتجاه و بعد 30 يوم صارت دبل 900 ريال
(المخالفات اللي علي الآن 900 ريال فقط)

مرحبا
أول مخالفة لي كانت في أمريكا. وعند منتصف الليل.

لم يكن أحد في أي من الشوارع وعند الإشارة المفروض أتوقف تماما قبل أن أتجه لليمين. لكن خففت فقط ثم مشيت فطلع لي المرور وعطاني مخالفة. :tongue:

الحمدلله .. اكثر من 8 سنوات قياده ولامره خذت مخااالفه..

والله اول مخالفه لي كانت عدم ربط حزام

هههههههه المهم كنت ماشي في شارع عام وقدامي كان فيه منعطف وشوي مسرع ورافع الصوت وماني رابط الحزام ...
الا يا ولد اشوف دوريه مجنبه لوحدها على اليمين مطفيه الأنوار وكل شي ...
قلت وش تسوي ذي هنا الا امشي الف المنعطف الا القى تفتيش ههههههه
انا انربشت !!! ما ادري وش اسوي ههههه تعرف عاد الصوت مرفوع ومسرع وماني رابط الحزام ههههه وش تسوي ووش تخلي والله اقلك اول شي هديت وطفيت المسجل وتضاربت مع الحزام عشان يركب ووقتها افتكرت الدوريه ذيك ليش واقفه هناك ههههه اتريها تشوف من الي مو رابط الحزام شافني وبلغ علي ...ههه المهم وقفت قلي اثباتك ورخصتك والأستماره ... قلتله ابشر طلعتها واعطيته ... قلي متى ربطت الحزام ( قلت يا ولد قده كفشني ههههه ) سويت معه صادق ههه قلتله والله نزلت البقاله الي ورا اشتريت بايسون وووو ونست اربطه الا عند المنعطف ...
قلي طيب جنب قدام والله جنبت ونزلت وقلي تقلي متى ربطت الحزام قدني معصب انا قلتله عندك ربطته قلي ما شاء الله وليش قلت تفتيش !!!! تعجب مني العسكري
والله ويطلع ذاك الدفتر الجديد اول ورقه !! قلتله لالالا الدفتر جديد لا تعدمه هههه قالي لالا استفتاحيه هههه
قلت بالله عطنا الأستفتاحيه ... والله وخذيتها هههه 150 ريال
بس كلمت واحد خويي في الدوريات وشالها عني !!!

:smilie16:

انا اول مخالفه ياطويل العمر اخذت اول مخالفة خط اصفر

جيت مشيل مع الخط الاصفر ومستعجل ذاك اليوم والعالم كلها معايا مع الخط الاصفر يوم قربنا من السري كل الخط الاصفر اختفى ماعاد فيه الا انا يوم جيت احشر سيارتي ابا ادخل الخط اليسار مالقيت محل زحمممممممة والخط السريع في جده المفروض يسموه الخط البطئ المهم قمت قلت ياعمي مشي حالك يا تاخذ مخالفه يا بكلمتين حلوة يمشيني

بالكلام الحلو بالادب من هنا من هنا مافيييييييه اخذتها وحالك طيب وسدتتها بعد التدبيل 300 ريال :bigggrin:

ذ3 سنين سجل نظيييف ومافيه مخالفة وحده من تعلمت السواقة ايام الثانوية لين توظفت وخدمت سنتين

صكني عسكري مخالفة تظليل :(

بس الموقف الي ماينسي كنت في عرعر بجلس فيها 13 يوم اختبارات الجامعة هناك المهم سفر وقروشة وجيت متأخر بعد ساعتين بالضبط اختباري وادور بقالة تبيع دخان ض2

عكست السيد ووقفت نزلت للبقالة رجعت للسيارة الا المرور مقفل على موتري :(

قسم بغيت اصيح هههههههههههههه

الا فيها توقيف يا ابن الحلال انا توني جاي مانيب من اهل عرعر واختباري بعد ساعتين

الا ويقول لي تقديراً لظروفك ولحسن اسلوبك معاي .... الخ تفضل ولاعاد تعودها

قسسسسسسم اني فرحت فرحه ذاك اليوم هههههههههههههههههه

للرفع :wavey:

أول مخالفة

كنت وقتها دوبني خارج من البيت وراحي للنادي على الساعة 9 ونص الصباح

ودوبني أمسك خط الشارع العام إلا وأحصل قدامي تفتيش وقفني وأعطاني مخالفة عدم ربط حزام الأمان <<< وأنا لسه دوبني خرجت من البيت....

أنا أول مخالفة كانت ع التظليل ..50 ريال !! .. بس أحلى شي إني كسرت خشم العسكري ولا فكيت التظليل وعطاني القسيمة ومشيت ... بس من بعدها ما غير تجري علي مخالفات ساهر ساهر ساهر .. "الله يلــ ..... واحد من العيال اسمه ساهر"

اول مخالفة وقوف غير نظامي :bigggrin: والمشكلة موبس انا الي قدامي والي وراي لطعهم مخالفات وقوف :bigggrin: مااذكر بكم 150 او 100 ريال .

اول مخالفه كان عندي اختبار بالجامعه ونازل من نزله قوه طلع قدامي اعمال طريق وتوسعه مسكت اليمين وضربت الجلد يمكن 200 متر ولا هديت واول ما دخلت المحافظه الا وذاك التفتيش بوجهي واعطاني قسيمة تجاوز خاطيء وسرعه

اول مخالفه ...............................:c0214::c0214:
في عام 2001 تضليل قاعد اضلل و تمر دوريه ويلبق يصكني مخلفه قلتله تامر امر سو لي تبي و نفس الليله الله لا يوركم على طريق القصيم يوم قربت من
عنيزة قلت خلني اشد على الموتر و انا ماشي 200 و فوق ول عائله فارشه تحت النفق و عيالهم يلعبون كوره ويجي ورعين و يطلعون على الخط والله بغيت اشيلهم بس خشيت بحق الكهرب الي ورا النفق و راح الكابرس 84 و يجي امن الطرق مخالفه سرعه و تهور قلتله سم طل عمرك

انا قطعت اشاره وجحدت قال ليش تقطع الاشاره قلت ما قطعتها قال والله انك قطعتها قلت وين الشهود قال عيوني شهود وبعد المهاوش رضيت بالقسيمه بس كنت جريء لان كان عمري وقتها 12 سنه يعني سنه سادس ولا اعطاني الا قطع اشاره لاني نشفت ريقه مابغىيكتبها من كبر الجرأه سحبت القلم من يده يوم جا يكتبها قال جيب القلم ولا اوديك الحجز وهو معاه دباب قلت توديني بالدباب قال لا بالجيب قلت وين الجيب قال جيب القلم وانا اوريك وين الجيب وحنيت عليه واعطيته
رحت البيت وريتها ابوي قال معليش بس لا عاد تقطع الاشاره واجيبها مطبله 3000 من ساهر بغى يذبحني بس الوالده فكتني منه الحمد لله

والله اول مخالفه للحين فاكرها الى الان :c0214:
طبعاً اول زمان هههههههههههه:smilie16: كنت اسوق السياره واشرد من العسكر ونقاط التفتيش
المهم اول يوم خرجة فيها شي كان اسمه تصريح مدة كانت 6 اشهر وبعد كذا تخرج رخصه
المهم اول يوم التصريح معايا كنت ادور على تفتيش ادور عليهم دواره كانت السياره كرسيدا بوكس DX 1983 المهم وبعد تعب حصلة تفتيش :tongue:عاد قبل لااوصل مجهز التصريح والاستماره في يدي بس ابغى العسكري يقولي هات وصلت عند العسكري قالي عدي عاد انا زعلة :a1120(82):لفيت ورجعة ثاني مرة وقالي عدي عاد هنا انا طرطعة:a120(115):والف وارجع ثالث مرة وقولي العسكري وقف عاد انا:bigggrin: من لوحد طلعة التصريح والاستماره من دون ما يقولي قالي وش فيك كل شوي معدي من هنا قلته طالبات البيت ماتخلص كل شوي مرسليني قالي طيب جنب عاد انا فرحاااااااااااان (((( مادري وش السلفه))))):smilie16::bigggrin:جنبة ورجعة للعسكري والى يقولي ليش الوحة موب مواضح :a1120(121):عاد لوحات السيارت زمان معروفه وليش السياره فيها حكات:blue: وله الشمعه الاماميه مو شغال :rolleyes1:وله صوت الشكمان عالي:rolleyes1: وكان العسكري يسأل وانا اجواب في الاخير صكني بيها كلها مخلفات :smilie20:عاد انا صرة قنبله نوويه:a120(115)::a1120(82)::a120(115): ياطيب لسه توني اليوم مخرج التصريح مايصير ما في فايده اخذتها ورحة على البيت وانا خلاص ---------- كانت حول 300 ريال بس الله يحفظ الولد سددها بس ماقلتلها اني كذا مرة امر عشان يسألوني وين التصريح والله الحمد