تجربتك بسيارتك تهمنا سوووووولف لنا عنها

ياهلا اخوي فني سيارات هذا موضوعكم وانا اخوك وكثر ماتحبون تضيفون عليه من معلومات كثر مانسعد بهالتواصل مع جميع الاخوان اللي بالمنتدى واضفت لي معلومة جديدة عن سعر السنسر حق القير ان سعر 20000 ريال من جد يعني كلمة غالية شوي عليها وملاحظتك اخوي في مكانها صحيح كلامك نخلي الموضوع عام عزيزي عشان يكون اكثر اثراء بالمعلومات وهي كلها سوالف من خلال تجربة ولا اطلاع ولاقرائة وحنا نرحب بجميع الاخوان اللي شاركونا بردودهم وماقصرو وننتظر من جميع الشباب التفاعل عشان نطلع بأكبر قدر من المعلومات وننور كل شخص يقرى الموضوع باللي نقدر عليه . بس عندي سؤال يالغالي شلون اعدل على الموضوع مرة ثانية اذا ماعليك كلافة . وننتظر رجعة اخوي رعبوب555 وباقي الاخوان عشان يتفاعلون مع الموضوع . وحيا الله جميع الاعضاء.

يعطيك العافيه ماعندي اضافات كثيره
غير ان المرسيدس قطع غياره و تصليحه يختلف وغير عن المتوقع وسهل ولكن يحتاج الى ثقه انك بتصلح مرسيدس مثله مثل اي سيارة خاصة الامور العاديه مثل فحمات الفرامل او سير او تبديل مضخة بنزين لانه في الاسفل مثل الفلتر وفيها سلك
اما خرب الجير او شي ثاني فعلا غالي نار حتى قطع السلنسر سعرها خيال (الشكمان ) عادي مع دبات التلوث تكمل لك على 20.000 الف
لو تجعل موضوعك عام كما يدل العنوان الواحد يتكلم عن تجربته في السيارة الي شراها بشكل عام دون تحديد موديل معين اشوف ان احسن لاثراء الموضوع

حياك اخوي:xyxwave: عبدالعزيز كلامك عين العقل وانا اخوك لكن احب اضيف عليه نقطة بسيطة عليه

بالنسبة للرنج والبانوراما القطع مهيب مشكلتها مثل ماتفضلت عدم توفرها وانها طلبية

لاممكن تلقاها وعندك اكثر من موزع للمرسيدس و تخير بينهم بس المشكلة في بعض قطع غيار

البانوراما اسعارها غالية والرنج تلقى له قطع بس حقيقة ماادري هل له اكثر من

موزع ولا لا ماادري حقيقة لكن متوفره قطعه لكنه بالمقارنة بالمرسيدس يعتبر حساس

ومعقد مثل ماتفضلت وضف على هالشي وكيل الرنج الناغي اللي هو وكيل بي هم

ويعتبر فاشل لاصيانة ولاقطع كلهم غالين والف مشكلة يطلعونها بسيارتك

هذي من واقع تجربة مع البي ام لأن هدفهم التنافس في رفع اسعار فاتورة العميل

والله ثم والله انهم مرة غيروا لي صواميل الكفرات حقت السيارة. هذي جديدة صراااحة

قلت وشو له خربانة قال ايه فيها سواد قلت رجعوها ومنيب دافع لكم ولاريال ودخلت على

مديرهم ذاك الوقت بريطاني وهددتهم اني بخاطب الشركة الأم في ألمانيا ورجعو لي كل شي

زي ماكان وسحبت سيارتي من عندهم وعقبها ماشافوني يعني استغلال عيني عينك

هندي يجيك من ديرته راتبه مايتعدى يمكن ال300 ريال عندهم يجي بالوكالة يصكونة

برواتب وكثر ماتشفط من العميل كثر ماتلقى خير غير التارجت المعروف عند موظفين

المبيعات يعني كله على ظهرك ياعميل والفاتورة مالينها بخرابيط مالها اي داعي

وللأسف هذا حال كثير من الوكالات اللي عندنا في السعودية. يعني اذا معك رنج بتسوي له

صيانة رح البحرين ارخص لك ولا رح الرياض بحكم تعدد الورش اما الشرقية الله يخلف

ان لقيت لك ورشة ولاثنتين. اشكرك اخوي عبدالعزيز على التفاعل مع الموضوع

وهو الهدف منه نحط النقاط على الحروف وننتظر اخوانا اصحاب هالسيارات المذكورة

انهم يشاركونا بتجربتهم ويثرونا بردودهم اللي تنور اي شخص يفكر يآخذ له سيارة من

هالسيارات وهذا هدف الموضوع اولا واخيرا. :xyxthumbs:

الرنج والمرسيدس سيارات لا يعتمد عليها قطع غيار غاليه وغير متوفره اكثر القطع يعني طلبية وصيانة مكلفه ومعقده

الاختيار: اللكزس سيارة تعتبر شيك في حالة البيع وقطع غيار متوفرة والصيانة معقولة بالنسبة لنضيراتها الأخرى.
ولك تحياتي

ياهلا ومرحبا اخوي ( فني سيارات ) نورت موضوعي بردك . والله يحلي ايامك

الموضوع مايحلى صدقني اخوي الا بردودكم وتفاعلكم معه لأن الموضوع

راعيت فيه اني أجيب على استفسارات كل من لديه حيرة

وبالنسبة لتوضيحاتك عن هالسيارات ماقصرت فعلا ملاحظات جوهريه

بس حبيت اضيف عليها بعض النقاط بالنسبة اخوي للكزس 460

ملاحظتك عليه انه ضيق في مساحته الخلفية للركاب صح كلامك هذا طال عمرك

في النوع اللي يسمونة ( شورت) اما ( اللارج ) فهو اوسع مماتتخيل اخوي

اما بالنسبة للرنج حلو وفخم على ماذكرت لكن تخاف من قلة انتشاره

بالاضافة الى قلة موزعين قطع غياره وقلة ورش التصليح له

ضف على ذلك لو صارت عندك مشكلة بحساس البريك حط في بالك ان البريك ماراح

يعمل معك ابدا وهذي مشكلة كبيرة لنفرض تعطل الحساس وانت في خط سريع

او وسط المدينة بشكل مفاجئ راح يحصل مالاتحمد عقباه ضف على ذلك ان

قيره تقريبا اللي نقله لي واحد من الاقرباء انه مايقل عن 50000 ريال كجديد

مابالك بالمكينة عشان كذا اكثر ملاك الرنج يحرص على وجود الضمان وبعد ماينتهي

احتمال بنسبة كبيرة يبيعه مثله مثل المرسيدس والبي ام وقس عليها باقي السيارات الفخمة

البانوراما رائع لكن فيه مشكلتين الا وهي مخ القير والهايدروليك ماادري اذا فيه مشاكل ثانية

ماقرينا عنها فياليت اخوي تفيدني فيها من واقع خبرتك واطلاعك واي احد من الاخوان ممكن انه

ينقل لنا تجربته او من خلال اطلاعه فننتظر من جميع الاعضاء الكرام التفاعل لنحقق الغاية المنشودة

واشكر لكم ردودكم.

موضوعك حلو بلا شك

اقولك من واقع خبره واطلاه ولا املك من هذه السيارات شي
ان الرنج روعه وكشخه اكيد وميزته ان الشركة تعطيك ضمانات كثيره الى خمس سنوات كامل من كل شي ولكن بعد ال5 تتحمل المشاكل وقطع غياره العاديه في الصيانه غاليه

لكزس 460

فخمة رائعه وعيبها ضيق الكراسي الخلفيه اي انها تتسع لشخصين في الخلف
اعتقد انها عمليه اكثر من الرنج و المرسيدس




- مرسيدس بانوراما

حلو وقطع غياره الصيانه العاديه رخيصة بعكس ما تتوقع الناس ولكن قطع في الطبلون او الجير و الماكينه غاليه والصيانه تعبانهو الوكاله على الاقل عندنا في قطر وتغطية الضمان عندهم جيده 5 سنوات على الجيرو المحرك و الدفريشن
هذا و الله اعلم

ياهلابك اخوي نورت صفحتي. رعبووب واحنا في انتظار عودتك بفارغ الصبر

وفي انتظار تفاعل جميع الاخوان مع الموضوع لمافيه المصلحة العامة

ونقضي على اي شي اسمه (حيرة) قبل شراء اي سيارة.