هل صحيح ان الياباني اصبح مثل راحه الامريكي .. }

لحن المشاعر @user_126547 · 29-05-2011

السلام عليكم

ابدا بالموضوع بدون مقدمات

طبعا البعض يقول الياباني اريح من الامريكي .. وانه حاليا مافيه لا راحه ولا هم يحزنون :bigggrin:

فـ حبيت اسوي تصويت والكل يصوت !

وايضا طلب النقاش .. قلت مو مشكله :smile:

وقلت من الموضوع هذا .. ايضا نشوف ارآئكم

ومنها نستفيد

لا اعلم ان كان مكرر ام لا

لكن نجدد الموضوع .. وايضا اكيد صارت لنا تجارب اكثر ربما تغيرت نظرتنا قليلا

وياليت الكل يصوت بآمانه

تحيتي .

الشايب511 @user_302737 · 11-07-2014

يا اخوان الامريكي اريح ب كثير لا احد يحاول يقارن الياباني بالامريكي
انا جربت كابرس مديل 93 وكامري 2013

كنت امشي 200 بالكابرس وابي اسرع زود
على العكس تماما ف الكامري امشي 160 وكل تريلة تحذف بها واي غبار يواجهني لزوم اهدي ولا بنقلب حتى صوت احتكاك التراب كرمكم الله بالقزاز اسمعه وصوت الكفرات على الزفلت مزعج غير ان قيرها 6 نمر لكن المكينة فيها حنه كنها كرسيدا وعيون القطط اللي ف الخط اذا مشيت عليها تحسسك ان الموتر تفكفك

بينما الكابرس مريح جدا وثابت ف اوقات الغبار والهواء القوي ولا كن فيه شي
والدليل على كلامي ان بعض اصحاب سيارات الاجره يستخدمونها الى الان
وموجوده على خط الرياض - الطايف

خلاصة الكلام .. اتمنى لو يرجع بي الزمن لين عام 93 وافك لي كابرس وكاله
لانها سياره جباره ومريحه وعمليه ولو كانت ب100 الف ف هي تستاهل ازود بعد

عاشق مولع @user_208763 · 09-07-2014

حتى الألماني لا يجاري الأمريكي في الراحة فكيف بالياباني

جزيرة الكنز @user_66873 · 25-06-2014

جواباً على الموضوع:
في الموديلات الأخيرة من 2000 وطالع لحد الآن، سيم سيم، الراحة كل مالها وتقرب من بعض بشكل كبير جداً لحد ما صارت الآن سيم سيم.
الأمريكي بدأ يفقد راحته عن أول ويعتمد مراتب أقسى وتعليق أقسى، وفي نفس الوقت الياباني بدأ يزداد راحة في أنظمة التعليق.

قارن بين تويوتا كراون موديل 85 وكابرس موديل 85 في ذاك الوقت، لا مجال للمقارنة في الراحة، الكابرس قارب متحرك والكراون عادية تشعر بكل مطب وكل شيء بالطريق.
بينما حالياً قارن بين تورس أو تشارجر وبين أفالون أو ماكسيما، تقريباً نفس الشي لا فرق يذكر أبداً.

جزيرة الكنز @user_66873 · 25-06-2014

c

coloo

الامريكي طبعا القديم جيد جدا . والمديلات الاخيره ممتازه ..واريح من الياباني واهدأ في الداخل من الياباني .
اما التاهو واليوكن .. اللي كانت تلعب في الخط وماهي راسية .
هي فقط مديلات 2006 وتحت الى التسعينات صح ..
اما المديل الجديد مريح وراسي وهادي وما عليه خلاف ....
هذا راي .

ما عندك سالفة :wavey:
هل سبق وركبت سيارة أمريكية موديل التسعينيات أو اقدم ؟؟!!
ما أظن.
يا عزيزي هذيك معروفة قوارب متحركة ما تحس بأي شي في الطريق وقمة الرساوة لا تلعب ولا شي مثل ما تقول.
عندنا جمس 93 قمة الراحة والرساوة من اشتريناه لحد ما قبعنا عليه وخربت ميزانيته.
أما تقول اليوكن والتاهو 2007 وفوق أريح من 99 وتحت كثر منها :)

LANCHER_Z71 @user_295682 · 25-06-2014

شوف التصويت كم كم :bigggrin:
الأمريكي : 323 صوت
الياباني 56 صوت

الغريب إن الأغلب هنا يمدح بالياباني و يذم بالأمريكي ولكن بالتصويت ظهر العكس !

nachwaal3ab @user_293932 · 28-05-2014

امريكي وارفع يدك

coloo @user_301305 · 20-05-2014

الياباني لا يقارن بالامريكي ابدا .. واللي يركب ياباني جديد
وينبهر بالتنلوجيا اللي فيه يتعجب . وينسى الشيئ الاهم ..
الياباني خطير جدا وليس فيه امان .. وبالذات الكروزر .
اي بنشر لا قدر الله ينطلق الكفر كامل الايمن ويقلب السياره
وهذا معروف ومتكرر .. قابلت احد اصحاب التشليح وسألته .
عندك جيوب او جيبات كروزر كثيره ؟؟ ليش ؟؟
قال كلها قلبات بسبب انفلات الكفر (( التاير )) بالذات الايمن .
ايضا باقي الياباني الصغير مرعب في حال البريك على السرعه او
البنشر ...
الامريكي طبعا القديم جيد جدا . والمديلات الاخيره ممتازه ..واريح من الياباني واهدأ في الداخل من الياباني .
اما التاهو واليوكن .. اللي كانت تلعب في الخط وماهي راسية .
هي فقط مديلات 2006 وتحت الى التسعينات صح ..
اما المديل الجديد مريح وراسي وهادي وما عليه خلاف ....
هذا راي .
ويبقى الالماني هو الملك ...

طالب الحكمة @user_301486 · 19-05-2014

ل

لحن المشاعر

فيه نقطه احب اضيفها من عندي

وتدخل ضمن التصويت

واسف اني ماذكرتها بدري

وليست الراحه فقط .. بل ايضا نريد اضافه الرساوه والثبات والصرفيه في الخطوط

وربما البعض يقول بنفسه المقارنه صعبه بـ الامريكي بشكل عام والـ الياباني بشكل عام

لكن من الموضوع نشوف تجاربنا سواء كانت سابقا ام حاليا

منها نشوف هل صحيح ان الياباني اصبح مثل الامريكي ام لا , في النواحي اللي ذكرتها

واللي جاي ومتعصب لـ شركه معينه ياليت يكرمنا بسكوته ونكتفي منه بكلمه شكرا

بالنسبه لي :

الامريكي ماشاء الله تمشي 200 ماتحس بسرعتك ابدا وكآنك ماشي 100 : )

وايضا اذا كنت تمشي 60 بالشوارع تحس نفسك ماتمشي ابدا وكآنك ماشي 20

بالخط احيانا اكون ساهي ما ادري الا سرعتي 140 الى 160 وانا احسب سرعتي ماتعدت 120 !! :bigggrin:

وايضا في الخطوط اذا مريته جنب تريله ماتحذف فيك السياره مثل الياباني

وسبق جربته بالخط وكان الجو غبار وهواء قوي وكانت القياده مريحه

ولا فيه اي اهتزاز يمين ويسار الا شي بسيط لايذكر [ وهذا بسبب دفع الهواء القوي ]

وفي الخط صرفيته جدا رائعه على كبر مكينته وثقل وزنه

بـ جمسي افلل من بريده لـ الرياض على سرعه 120 ومشغل المكيف وعند الوصول للرياض

التانكي باقي فيه اكثر من الربع قليلا ماشاء الله او ربع التانكي

والضغط يكون على 2 او 1.8 والمكينه هاديه ولو مشيت 200 ماتحس بازعاج بالمكينه مثل الياباني

وراحه المقاعد اريح واوسع بكثير من الياباني وهذا مايختلف عليها اثنين وهذي عن تجارب كثيره

تكفي مرتبه السواق تشيل فيها 2 عادي وتمدد فيها وتتمغط وتآخذ راحتك :smilie16:

بـ اختصار مافي مثيل للامريكي من النواحي اللي ذكرتها بموضوعي

وصوتي يروح لـ الامريكي !

والله ان كلامك عين العقل الامريكي خصوصن الفور ماتحس افيه يعني تمشئ 200 كانك ماشئ 160 لكن الياباني تمشئ 200 تحس المكينه تطلع من مكانها
لكن الامريكي في جدة وزحمة جدة ماينفع مررة لانه حق خطوط وبس
وشكرا

ضيف الله . @user_300503 · 07-05-2014

انا جربت التاهو ..سيارة مريحة لكن مشكلته كانت تجيه رجه خفيفة لكن سيارة مريحة جدا… وكذلك الباثفايندر من نيسان لكن راسي ومريح نوعا ما.. الياباني مثلالبرادو والفتشنر هذه السيارات لاراحة ولارساوه .. السيكويا ما استخدمتها لكن يمدحونها كثييير بالنسبة للسيارات اليابانية معظمها صارت تصنع في دول اخرى مثل امريكا

bo 3low @user_300999 · 04-05-2014

اليوكن يقولو راحة فيه والاند يقولو القوة
والي يجمع بينهم
ومن وجهة نظري اشوف افخم سيارة منافسة لهم واريح وكماليات ومميزات اكثر
نيسان باترول بلاتنيوم سعر ممتاز ومميزات كثيرة

وجهة نظر لا اكثر ولا اقل

khofisiz @user_48894 · 24-04-2014

بشكل عام تجد الراحة والرساوة وقوة العزل في السيارات الامريكية أكثر
خذ عندك الفورد فيوجن والماليبو والتورس ودوج وكرايسلر وووو
وخذ عندك كامري واكورد ومازدا وسوناتا ووو
الراحة تجدها في السيارات اليابانية الفخمة لكزس وانفنتي وو
بينما الراحة تجدها حتى في سيارات امريكية عادية

CLASSIC @user_295808 · 24-04-2014

اغلب المشاركات ما جاوبت على عنوان الموضوع

الموضوع عن وضع السيارات اليابانية حالياً في مجال الراحة مقارنة بالسيارات الأمريكية

الأمريكي القديم كان قمممممة في الراحة اما الآن فأصبحت الراحة أقل بسبب عدم وجود مقاعد وثيرة والتطوير الحاصل لأنظمة التعليق

قارنوا بين الياباني والامريكي وبنفس الفئة وبعدها احكموا

Rayan204 @user_292320 · 24-04-2014

أ

أبو ماجد البشري

انا معي كابرس 89 افضّله بالسفر على الفكس ار واللكزز2014 وش رايكم ؟؟ تراني ما مزح اصلاً ولا فيه مقارنه ابداً

هههههههههههه حدث العاقل بما يليق يا رجل

يعني كابرس موديل 89 افضل واريح من جيب لكزس؟

اجل الله يخلف على التطور اذا كان بالنازل

أبو ماجد البشري @user_109566 · 24-04-2014

انا معي كابرس 89 افضّله بالسفر على الفكس ار واللكزز2014 وش رايكم ؟؟ تراني ما مزح اصلاً ولا فيه مقارنه ابداً

machete @user_300081 · 15-04-2014

الامريكي حتى لو بعد 10 سنوات يظل مريح

الياباني لا

ممكن بعض السيارات اليابانية فيه راحة افضل من الامريكي لكن ينخفض تدريجيا مو مثل الامريكي

شوارع اليابان افضل من شوارع امريكا وكل دولة تصنع سياراتها ع حسب شوارعهم

يالبى التاون كار ابو هيدروليك ياشيخ راحة ملكية

LANCHER_Z71 @user_295682 · 12-03-2014

$

$$ أبو يحيى $$

بشكل عام ..
الأمريكي أريح..
و الياباني أرسى..

و لكن بعد تجربة يوكن 2008 نص فل ( 128 ألف ريال) و فكسار 2009 فل كامل هيدروليك ( 239 ألف ريال) ..
و جدت أن الفكسار أريح و أرسى من اليوكن ..
و إن كانت المقارنة جائرة في حق اليوكن .. فخصم الفكسار هو الإسكاليد أو الدينالي على أقل تقدير ..

تقبل مروريـ ,,

كان نص الفل بـ 128 ألف
و الآن ستاندر دبل و عليه عروض بـ 150 ألف :c0038:

,,,,,,,,

الأمريكي قبل 2007 أريح من قبل بكثير
الآن مقاعد اليوكن صارت كأنها مقاعد لاند قاسيه و ضيقه مره و تجيب آلام صارت مشدودة مو مثل المرقد لينه

الأمريكي مريح بالسفر و ممتع مره
بس فيه عيب و بغيت أروح فيه حادث !

ياخي يجيب لك النوم تحسه سرير يهزك بشويش :a120(115):
و إذا ما يمك أحد يسليك ودع و إقرا الشهادتين :bigggrin:

أذكر مرة ركبت سوبر بان كداده 2006 حجم 2500 سست ركبت بأخر مقعد
من الرياض للدمام والله نمت بدون حواس و ما جلستني إلى مطبة جسر اللي تحتها أنابيب بترول و كان صافق الطبلون :smilie16:

و الكل يعرف إن أخر صف من المقاعد هي أقسى منطقة بالجمس و مع ذلك مريحه

و مرة ركبت لاند مشوار قصير ما نزلت إلا و ظهري مصطلب تقول جايني شد ظهر :bigggrin:

MADI1 @user_289061 · 29-01-2013

التعميم خاطئ ، فكل فئة تختلف

على سبيل المثال لكزس LS من أكثر السيارات هدوء و راحة على مستوى العالم

فئات ثانية تجد الأمريكي يتميز

فئات ثانة الكوري ، و فئات الألماني

يعني السؤال غلط ههههههههه

تحياتي للجميع ..

محمد م م @user_289693 · 19-01-2013

m

mohd26

بصراحه الياباني كأنك راكب في تانكي صفيح وله تواير حتى الكزس وكذلك الكوري نفس الشي
اما الالماني والامريكي اتحس انك راكب سيارة راسية وتحت السيطرة

اللكزس ليست سيئه جداً بالعكس اجدها جيده وتجربتي فقط آي اس والاي اس
اتفاقي كلي مع الكوري اسوء من بعض الياباني خاصة بعد تجربتي للجنيسس التي خابت توقعاتيمن حيث الراحه والمراتب توقعتها من افضل التورس ومستواها قريب من الافالون تقريباً

محمد م م @user_289693 · 19-01-2013

الامريكي الراحه في الخطوط وداخل المدينه من واقع تجربتي للعديد من السيارات الامريكيه
ومثال ع ذلك التورس مريحه جداً ولا تشعر بالتعب اثناء قيادتها عكس الافالون ( المشاوير )