النترا الجديده تخوف

ترووكي @user_36031 · 21-06-2011

السلام عليكم
بحكيلكم موقف صار معاي
كنت في احد الدوائر الحكوميه في مراجعة معامله خاصه وخلصت اوراقي ودخلت عالمدير المسؤول ابغى اوقع الورقه ولقيته يتكلم بالجوال ومعصب ويصارخ عاللي يكلمه يقوله بالله عليك هذي سياره جديده المهم فهمت انو يكلم واحد في صيانة هيواندي او مسؤول عندهم ويقوله السياره فيها حذفه قويه في اليمين و المسجل ما يحفظ والكفرات ضغطها 50 والسياره كلها على بعضها مهي مريحه وفيها عيوب رهيبه وفي الاخير طلب منه ان يرجع السياره او يصلحوها او يشوفوا لها حل
المهم بعد ما خلص مكالمته ووقعت الورقه منه وجيت خارج من المكتب شدني الفضول بصراحه وقلت خليني اسأله عن السياره بس خفت يردني ويقولي :وانت وش دخلك يا ملقوف ههههههههه
بس اتجرأت وسألته ورد على بكل اخلاق ولطف بصراحه فسألته لو سمحت ايش نوع السياره اللي تتكلمي عليها فقلي النترا الجديده 2012 اخذها يمكن للسواق او لولده والله مادري بس يقول حرام سياره جديده وفيها كل هالعيوب فقلته الله يعينا جميعا لاني انا عندي برضو هيونداي بس توسان 2010
بس الحمد لله ما شفت فيه اي عيوب لما اخذته جديد مشالله
يمكن الالنترا الجديده يبغالها فتره حتى تتحسن ويتلافوا عيوبها لانها لسه اول نسخه ومع الموديلات الجايه حيصلحواعيوبها
وتقبلوا تحياتي

~ شبيه الريح ~ @user_146592 · 22-06-2011

ت

ترووكي

االسياره فيها حذفه قويه في اليمين و المسجل ما يحفظ والكفرات ضغطها 50 والسياره كلها على بعضها مهي مريحه وفيها عيوب رهيبه وفي الاخير طلب منه ان يرجع السياره او يصلحوها او يشوفوا لها حل

اعتقد المشكله في الحذفه بس يصلحونها
اما المسجل مايحفظ يمكن مايعرف له هههه
وبخصوص الكفرات ضغطها 50 ضحكني هذي عيوب يعني
طبيعي سياره وكاله لازم يزيدون ضغط الكفرات للمحافظه عليها
والسياره ماهي مريحه طبيعي ماهي مريحه اذا كنت قبل راكب سياره اكبر منها
:xyxwave:

كوكو 99 @user_214109 · 22-06-2011

والله ممكن عيوب مصنعيه و لكن من ناحية ضغط الكفر فهذا كل الشركات تزوود الهواء في الكفر عشان ان طولت وهي واقفه ما تخرب الكفرات

مثلي انا يوم طلعت سياراتي انواع المطامر و القساوه في الكفرات بس يوم رحت شيكت لقيتها 50 و نقصتها الى 30 و ارتحت من المشاكل الي كنت اعاني منها

porsche fan @user_259532 · 22-06-2011

[COLOR=#800080]بس تخيلوا كل واحد قال ابصبر مين يشتري ؟؟؟

[/COLOR]

من هالناحيّة ما عليك يا رجال والله فيه ناس مهبل تشتري ولا عليها ولا خربت باعها وجاب غيرها !!

بالنسبة للألنترا الوالد قبل فترة استأجرها بجدة ويقول صراحة السيارة كويسة مرة لسيارة بفئتها وراحتها جداً معقولة يعني لسيارة بهالفئة بالاضافة انه ما واجه اي مشكلة تذكر !
يمكن تكون عيوب مصنعيّة ؟ ما أدري والله
على كلٌ مشكور على الموضوع .

الراقي.. @user_246795 · 22-06-2011

انصحك انك تصبر لين مانشوف تجارب الاعضاء..

انا وسيارتي @user_181125 · 22-06-2011

وعليكم السلام

انا اشتريت النترا 2011 الشكل القديم وكنت قادر بإذن الله على شراء الشكل الجديد لكن ما اعرفه ولا اعرف وش عيوبه اللي راح تظهر للناس مع مرور الوقت ، يعني لازم أصبر اقل شي موديل او موديلين حتى اعرف السيارة زين ، لذلك الواحد يصبر شوي لمين يجربونها الناس ويصير عنده تصوّر عام عن الموتر .

بس تخيلوا كل واحد قال ابصبر مين يشتري ؟؟؟

:D