صباح/مساء الخير للجميع
هذي أول مشاركة لي بالمنتدى مع العلم بأني متابع له منذ زمنننننننننن :ch19:
رحت أمس لوكالة الجميح أدور على كابريس وحصلت المعلومات التالية :rolleyes1: :
كابريس 2010 غير متوفر
كابريس 2011 8 سلندر لجميع الفئات LS<Z (يقول الموظف إن 2011 مانزل 6 سلندر)
أقوى معلومه سمعتها منه :c0214:
ماكينة وقير الكابريس 2011 تختلف عن الموديلات اللي قبله وخصوصاً انخفاض ضجيج المكينة وتوافق القير مع المكينة
الأسعار لموديل 2011
LS سعره 99 ألف ومعها شاشة LCD43
LTZ بدون فتحه وجلد 126 ألف ومعها شاشة LCD43
LTZ بفتحه وجلد ( 135 ألف مني متأكد 100% ) ومعها شاشة LCD43
دخلت موقع شڤروليه الرسمي ولا حصلت معلومة تغيير المكينة والقير
نزلت الكاتلوج ونفس الشي لم تذكر هالمعلومة
استشاره
أنا نويت أشتري موتر وأدور على أقساط بالخاطر كرايسلر لكن أقساطها ذبح
الكابريس أرحم شوي
(لا أحد يقولي خذ من البنك لأن البنك آخذ كل اللي عنده :smilie20:)
رايكم LS أو LTZ مع العلم أن فرق القسط بينهم 290 ريال بالشهر
هل المواصفات تستاهل أدفع فيها الفرق
هل وكالة التوكيلات أو بالبيد أو العيسى أرخص
مع العلم بأن موديل 2012 بينزل في شهر 12 أو 1 ميلادي حسب كلام الموظف إن الشكل ما راح يتغير
ياليت أحد يفدني ويشير علي
لأن عند الجميح عرض على التقسيط أنه بلا رسوم إدارية(3000 ريال) ينتهي الأسبوع القادم
وتقبلوا تحياتي
